Jannoo 16:1 - Yn Conaant Noa 1810

¹ Eisht haink eh gys Derbe as Lystra: as cur‐my‐ner, va dooinney dy row jeh’n chredjue ayns shen, va enmyssit Timothy, mac ben dy row v’er ve ny Hew, as ren chyndaa gys y chredjue; agh va’n Ayr echey ny Ashoonagh:

Yn Vible Casherick 1775 1819

¹ Eisht haink eh gys Derbe as Lystra: as cur-my-ner, va dooinney dy row jeh’n chredjue ayns shen, va enmyssit Timothy, mac ben dy row v’er ve ny Hew, as ren chyndaa gys y chredjue; agh va’n Ayr echey ny Ashoonagh:

Jannoo 16:1 ပူးပေါင်းရင်းမြစ်များ

Jannoo 14:1

As haink eh gy‐kione ayns Iconium, dy jagh ad ny neesht cooidjagh stiagh ayns synagogue ny Hewnyn, as dy loayr ad myr shen dy ren earroo mooar chammah jeh ny Hewnyn as ny Ashoonee credjal.

Jannoo 14:21

As tra v’ad er phreacheil y sushtal gys yn ard‐valley shen, as er n’ynsaghey ymmodee, haink ad reesht gys Lystra, as gys Iconium as Antioch,

Jannoo 14:6

Hooar adsyn fys er, as chossyn ad roue gys Lystra as Derbe, ard‐valjyn dy Lycaonia, as gys y cheer mygeayrt:

Jannoo 17:14

Er shoh hug ny braaraghyn ersooyl Paul jeeragh, myr dy beagh eh dy ghoaill lhuingys: agh duirree Silas as Timothy ayns shen.

Jannoo 18:5

As tra va Silas as Timothy er jeet veih Macedonia, va Paul er ny ghreinnaghey ayns e spyrryd, as dymmyrk eh feanish gys ny Hewnyn dy nee Yeesey va yn Creest.

Jannoo 19:22

Er shoh hug eh gys Macedonia jees jeh ny shirveishee echey, Timothy as Erastus; agh duirree eh hene ayns Asia son earish.

Romanee 16:21

Ta Timotheus my heshey‐obbree, as Lucius, as Jason, as Sosipater my gheiney‐mooinjerey, bannaghey shiu.

1 Corinthianee 16:10

Nish my hig Timothy hiu, jeeagh‐jee dy bee eh sauchey ny mast’ eu: son t’eh jannoo obbyr y Chiarn, myr ta mee hene.

1 Corinthianee 4:17

Son yn oyr shoh ta mee er chur er chaghteraght hiu Timotheus, ta my vac graihagh, as firrinagh ayns y Chiarn, ver shiu ayns cooinaghtyn jeh ny raaidyn aym’s ta ayns Creest, myr ta mee gynsaghey dy chooilley raad ayns ooilley ny kialteenyn.

1 Corinthianee 7:14

Son ta’n dooinney eck nagh vel jeh’n chredjue er ny chasherickey liorish y ven, as ta’n ven nagh vel jeh’n chredjue er ny chasherickey liorish y dooinney: er aght elley veagh y chloan eu neu‐ghlen; agh nish t’ad casherick.

2 Corinthianee 1:1

Paul ostyl Yeesey Creest, liorish aigney Yee, as Timothy nyn mraar, gys agglish Yee ta ec Corinth, marish ooilley ny nooghyn t’ayns Achaia;

2 Corinthianee 1:19

Son Mac Yee, Yeesey Creest, v’er ny phreacheil nyn mast’ eu liorinyn, dy jarroo liorym’s, as Silvanus, as Timotheus, cha row eh she as cha nee, agh aynsyn va she.

Philippianee 1:1

Paul as Timotheus sharvaantyn Yeesey Creest, gys ooilley ny nooghyn ayns Creest Yeesey, ta ec Philippi, marish ny aspickyn as shirveishee:

Philippianee 2:19

Agh ta mee treishteil ayns y Chiarn Yeesey, dy chur Timotheus ayns traa giare hiuish, dy voddym’s myrgeddin ve dy yien mie, erreish dou v’er gheddyn toiggal jeh’n stayd eu.

Colossianee 1:1

Paul ostyl Yeesey Creest liorish aigney Yee, as Timotheus nyn mraar,

1 Thessalonianee 1:1

Paul, as Sylvanus, as Timotheus, gys agglish ny Thessalonianee, ta ayns Jee yn Ayr, as ayns y Chiarn Yeesey Creest: Grayse dy row hiu, as shee voish Jee nyn Ayr, as y Chiarn Yeesey Creest.

1 Thessalonianee 3:2

As chur shin Timotheus nyn mraar as shirveishagh Yee, as nyn sheshey‐labree ayns sushtal Chreest, dy niartaghey shiu, as dy gherjaghey shiu mychione nyn gredjue:

1 Thessalonianee 3:6

Agh nish tra haink Timotheus veueish hooinyn, as er chur lesh mârish coontey mie jeh’n chredjue as y ghraih eu, as dy vel shiu kinjagh gimraa dy dooie orrin, geearree dy jeean dy akin shinyn, myr ta shinyn myrgeddin dy akin shiuish:

2 Thessalonianee 1:1

Paul, as Sylvanus, as Timotheus, gys agglish ny Thessalonianee, ayns Jee nyn Ayr, as y Chiarn Yeesey Creest:

1 Timothy 1:18

Yn currym shoh ta mee dy hreishteil hood, vac Timothy, cordail rish y phadeyrys va jeant ro‐laue my‐dty‐chione, dy vod oo liorish shen prowal oo hene dty hidoor mie,

1 Timothy 1:2

Gys Timothy, my vac hene ayns y chredjue: Grayse, myghin, as shee veih Jee nyn Ayr, as Yeesey Creest nyn Jiarn.

2 Timothy 1:2

Gys Timothy my vac deyr graihagh: Grayse, myghin, as shee veih Jee yn Ayr, as Chreest Yeesey nyn Jiarn.

2 Timothy 1:5

Tra ta mee tayrn gys cooinaghtyn yn credjue ynrick t’aynyd’s, va hoshiaght ayns dty warree Lois, as dty voir Eunice; as ta mee dy shickyr credjal dy ve aynyd’s myrgeddin.

2 Timothy 3:11

Yn tranlaase, as y seaghyn haink orrym ec Antioch, ec Iconium, ec Lystra: cre’n tranlaase hie mee ny hrooid; agh assdoo ooilley ren y Chiarn my livrey.

Philemon 1:1

Paul pryssoonagh Yeesey Creest, as Timothy nyn mraar, gys Philemon nyn mraar graihagh, as sheshey‐shirveishagh [ayns y sushtal],

Hebrewnee 13:23

Toig‐jee dy vel nyn mraar Timothy ec reamys; mârishyn, my hig eh dy gerrit, hee‐ym shiu.