Jannoo 15:6 - Yn Conaant Noa 1810

⁶ As haink ny ostyllyn as y chanstyr cooidjagh dy reaghey yn chooish shoh.

Yn Vible Casherick 1775 1819

⁶ As haink ny ostyllyn as y chanstyr cooidjagh dy reaghey yn chooish shoh.

Jannoo 15:6 ပူးပေါင်းရင်းမြစ်များ

Noo Mian 18:20

Son raad ta ghaa ny three er nyn jaglym cooidjagh ayns m’ennym’s, shen y raad ta mish nyn mastey.

Jannoo 11:30

As shen myr ren ad neesht, as hug ad eh gys y chanstyr liorish laueyn Barnabas as Saul.

Jannoo 15:2

Tra va streeu er‐y‐fa shen as resooney nagh nee beggan er ve ec Paul as Barnabas roo, ghow ad ayns laue dy ragh Paul as Barnabas as shiartanse elley mâroo, seose gys Jerusalem gys ny ostyllyn as y chanstyr mychione y question shoh.

Jannoo 15:22

Eisht yeeagh ny ostyllyn as y chanstyr, as y slane agglish er dy ve ymmyrchagh dy chur deiney reiht jeh’n cheshaght oc hene gys Antioch, marish Paul as Barnabas, ta shen dy ghra, Judas sliennooit Barsabas, as Silas, ard‐gheiney mastey ny braaraghyn:

Jannoo 15:25

Ta shinyn (lesh un aigney er nyn jaglym cooidjagh) er vakin eh mie, dy chur deiney reiht hiuish, marish nyn mraaraghyn graihagh Barnabas as Paul;

Jannoo 15:4

As tra v’ad er jeet gys Jerusalem, ghow yn agglish dy arryltagh roo, myr ren ny ostyllyn as y chanstyr, as hug ad coontey jeh dy chooilley nhee va Jee er n’yannoo lhieu.

Jannoo 16:4

As myr v’ad goll trooid ny ard‐valjyn, livrey ad daue ny oardaghyn dy reayll, va sarit liorish ny ostyllyn as y chanstyr va ec Jerusalem.

Jannoo 21:18

As yn laa er‐giyn hie Paul stiagh mârin gys Jamys; as va ooilley yn chanstyr kionfenish.

Jannoo 6:2

Eisht deïe yn daa ostyl yeig er slane sheshaght ny credjuee dy cheilley, as dooyrt ad, Cha vel eh resoonagh shinyn dy aagail goo Yee, dy hirveish buird.

Hebrewnee 13:17

Cur‐jee biallys dauesyn ta reill harrystiu, as bee‐jee arrymagh daue: son t’ad er nyn arrey son ny anmeenyn eu, myr adsyn shegin coontey ’choyrt: dy vod ad shen y yannoo lesh boggey, as cha nee lesh trimshey: son ta shen neu‐vondeishagh diu.

Hebrewnee 13:7

Cooinee‐jee orroosyn t’er n’ymmyrkey reill harrystiu, t’er loayrt riu goo Yee: geiyrt er y chredjue oc, smooinaghtyn er jerrey nyn ymmyrkey‐bea.