Jannoo 15:32 - Yn Conaant Noa 1810

³² As myr va Judas as Silas nyn vadeyryn ad hene, choyrlee ad ny braaraghyn lesh ymmodee goan, as hickyree ad [ad ayns nyn gredjue.]

Yn Vible Casherick 1775 1819

³² As myr va Judas as Silas nyn vadeyryn ad-hene, choyrlee ad ny braaraghyn lesh ymmodee goan, as hickyree ad [ad ayns nyn gredjue].

Jannoo 15:32 ပူးပေါင်းရင်းမြစ်များ

Noo Mian 23:34

Shen‐y‐fa, cur‐my‐ner, ta mish coyrt hiu phadeyryn, as deiney creeney, as scrudeyryn; as paart jeu nee shiu y varroo, as y chrossey, as paart jeu nee shiu y scuitchal ayns nyn guaiylyn, as geiyrt ad veih ard‐valley gys ard‐valley:

Noo Luke 11:49

As shoh yn oyr ta creenaght Yee er ghra, Ver‐ym huc phadeyryn as ostyllyn, as paart jeu nee ad y varroo, as tranlaase y yannoo orroo:

Jannoo 11:23

As tra v’eh er jeet as er vakin grayse Yee, ghow eh boggey, as choyrlee eh ad ooilley, lesh slane cree ad dy lhiantyn gys y Chiarn.

Jannoo 11:27

As ayns ny laghyn shen haink phadeyryn veih Jerusalem gys Antioch.

Jannoo 13:1

Nish va ayns yn agglish va ec Antioch, shiartanse dy adeyryn as dy ir‐ynsee; myr Barnabas, as Simeon va enmyssit Niger, as Lucius yn Cyrenian, as Manaen va troggit marish Herod yn tetrarch, as Saul.

Jannoo 14:22

Niartaghey anmeenyn ny Creesteenyn, as coyrlaghey ad dy hannaghtyn ayns y chredjue, as dy nhegin dooin trooid ymmodee seaghyn goll stiagh ayns reeriaght Yee.

Jannoo 15:1

As dynsee shiartanse dy gheiney haink neose veih Judea ny braaraghyn, gra, Mannagh bee shiu er nyn ghiarey‐chymmylt lurg cliaghtey Voses, cha vod shiu v’er ny sauail.

Jannoo 15:22

Eisht yeeagh ny ostyllyn as y chanstyr, as y slane agglish er dy ve ymmyrchagh dy chur deiney reiht jeh’n cheshaght oc hene gys Antioch, marish Paul as Barnabas, ta shen dy ghra, Judas sliennooit Barsabas, as Silas, ard‐gheiney mastey ny braaraghyn:

Jannoo 15:27

Ta shin er‐y‐fa shen er chur hiu Judas as Silas, nee ny reddyn cheddin y insh diu ass nyn meeal hene.

Jannoo 15:3

As hie yn agglish magh mâroo dy chur ad er nyn doshiaght er nyn yurnah, as jimmee ad trooid Phenice as Samaria, soilshaghey chyndaa ny Hashoonee gys y chredjue: as va shoh oyr boggey mooar da ooilley ny braaraghyn.

Jannoo 15:31

As lhaih ad ee lesh boggey as gerjagh mooar.

Jannoo 15:41

As huill eh trooid Syria as Cilicia, niartaghey ny kialteenyn ayns nyn gredjue.

Jannoo 18:23

As erreish da v’er vaarail tammylt dy hraa ayns shen, jimmee eh roish, as hie eh harrish cheer Ghalatia as Phrygia ayns order, niartaghey ooilley ny Creesteenyn ayns nyn gredjue.

Jannoo 2:40

As lesh ymmodee goan elley dymmyrk eh feanish as choyrlee eh, gra, Saue‐jee shiu hene veih’n cheeloghe roonagh shoh.

Jannoo 20:2

As tra v’eh er gholl harrish ny ardjyn shen, as dy jeean er choyrlaghey ad, haink eh gys Greece;

Romanee 12:6

Fakin eisht dy vel ain caghlaa dy ghiootyn cordail rish y ghrayse t’er ny choyrt dooin, edyr y ve son phadeyrys, lhig dooin jannoo phadeyrys cordail rish y corrymid dy chredjue:

Romanee 12:8

Ny eshyn ta coyrlaghey, da coyrle; eshyn ta cur da’n voght, lhig da ’yannoo eh lesh feoiltys; eshyn ta reill, lesh imnea; eshyn ta soilshaghey myghin, lesh gennallys.

1 Corinthianee 1:8

Nee myrgeddin shiuish y niartaghey gys y jerrey, dy vod shiu ve gyn loght ayns laa nyn Jiarn Creest.

1 Corinthianee 14:29

Lhig da jees ny three jeh ny phadeyryn loayrt, as lhig da’n vooinjer elley briwnys.

1 Corinthianee 14:3

Agh eshyn ta preacheil, t’eh loayrt rish deiney gys nyn ynsagh, nyn goyrle, as nyn gherjagh.

1 Corinthianee 14:32

As ta spyrrydyn ny phadeyryn fo reill ny phadeyrys.

Ephesianee 3:5

Nagh row ayns eashyn elley er ny hoilshaghey da cloan gheiney, myr te nish er ny ashlaghey da e ostyllyn casherick as e adeyryn liorish y Spyrryd;

1 Thessalonianee 2:11

Myr ta fys eu, kys ren shin coyrlaghey as gherjaghey, as currymaghey dagh unnane eu (myr ta ayr e chloan)

1 Thessalonianee 3:2

As chur shin Timotheus nyn mraar as shirveishagh Yee, as nyn sheshey‐labree ayns sushtal Chreest, dy niartaghey shiu, as dy gherjaghey shiu mychione nyn gredjue:

1 Thessalonianee 4:1

Ny‐sodjey na shoh, ta shin guee erriu, vraaraghyn, as coyrlaghey shiu liorish yn Chiarn Yeesey, ’naght myr ta shiu er n’ynsaghey voïnyn kys lhisagh shiu nyn mea y ymmyrkey, as Jee y wooiys, myr shen dy jinnagh shiu bishaghey ny smoo as ny smoo.

1 Thessalonianee 5:14

Nish ta shin guee erriu, vraaraghyn, cur‐jee raaue dauesyn ta mee‐reiltagh, jean‐jee gerjaghey adsyn ta lhag‐chreeagh, ymmyrk‐jee lesh ny annooinee, bee‐jee surransagh rish dy chooilley ghooinney.

1 Thessalonianee 5:20

Ny jean‐jee beg y hoiaghey jeh phadeyrys.

2 Thessalonianee 3:12

Nish dauesyn ta nyn lheid ta shin cur sarey, as raaue liorish nyn Jiarn Yeesey Creest, dy jean ad gobbraghey dy feagh, as gee yn arran oc hene.

1 Timothy 2:1

Ta mee coyrlaghey er‐y‐fa shen, hoshiaght ooilley, dy bee aghinyn, padjeryn, yeearreeyn, as toyrt booise er ny yannoo son dy chooilley ghooinney:

2 Timothy 4:2

Jean y goo y phreacheil, coyrlee dy jeean ec dy chooilley hraa as caa; cur oghsan, smaghtee, jean coyrlaghey lesh dy chooilley veenid as ynsagh.

1 Peddyr 5:1

Ny shanstyryn ta ny mast’ eu ta mee coyrlaghey, ta mee hene myrgeddin my hanstyr, as feanish jeh surranseyn Chreest, as myrgeddin parteeas jeh’n ghloyr vees er ny hoilshaghey:

1 Peddyr 5:10

Agh dy jean y Jee jeh dy chooilley ghrayse, ta er n’eamagh orrin gys e ghloyr dy bragh farraghtyn liorish Creest Yeesey, lurg diu ve er hurranse tammylt beg, dy jean eh shiu y yannoo dy firrinagh mie, dy jean eh shiu y chummal seose, y niartaghey, as y hickyraghey,

1 Peddyr 5:12

Liorish Sylvanus braar firrinagh diuish (myr ta mee dy ghoaill eh) ta mee er scrieu ayns focklyn giarey, coyrlaghey as gymmyrkey feanish, dy nee shoh grayse firrinagh Yee ayn ta shiu shassoo.