Jannoo 15:29 - Yn Conaant Noa 1810

²⁹ Shiu dy reayll shiu hene veih bee chebbit gys jallooyn, as veih fuill, as veih reddyn toghtit, as veih maarderys: voue shoh my reaillys shiu shiu‐hene, nee shiu dy mie. Slane lhieu.

Yn Vible Casherick 1775 1819

²⁹ Shiu dy reayll shiu hene veih bee chebbit gys jallooyn, as veih fuill, as veih reddyn toghtit, as veih maarderys: voue shoh my reaillys shiu shiu-hene, nee shiu dy mie. Slane lhieu.

Jannoo 15:29 ပူးပေါင်းရင်းမြစ်များ

Noo Luke 9:61

As dooyrt fer elley myrgeddin rish, Hiarn, eiyr‐yms ort: agh lhig dou hoshiaght bannaght y aagail ec y vooinjer t’ec my hie.

Jannoo 15:20

Agh shin dy scrieu huc, ad dy reayll ad hene veih eajeeys jallooyn, as veih maarderys, as veih [gee] reddyn toghtit, as veih fuill.

Jannoo 18:21

Agh daag eh bannaght oc, gra, Shegin dooys er dy chooilley chor yn feailley shoh ta er‐gerrey y reayll ec Jerusalem: agh higym back reesht hiuish, lesh cooney Yee. As hiauill eh veih Ephesus.

Jannoo 21:25

As mychione ny Ashoonee t’er chredjal, ta shin er scrieu as er vriwnys, gyn ad dy eiyrt er ny cliaghtaghyn cheddin, agh ynrycan ad dy reayll ad hene veih reddyn va chebbit gys jallooyn, as veih fuill, as veih reddyn toghtit, as veih maarderys.

Jannoo 23:30

As tra ve inshit dou dy row ny Hewnyn lhie cooyl‐chlea son bioys y dooinney, hug mee fys chelleeragh hood’s, as doardee mee e phlaiyntee dy chur stiagh kiongoyrt rhyt’s cre‐erbee v’oc dy lhiassaghey n’oï. Slane lhiat.

2 Corinthianee 11:9

As tra va mee kionfenish mêriu, as ayns feme, cha dug mee dooinney erbee gys cost: agh shen ny va dy laccal orrym, ren ny braaraghyn haink veih Macedonia y yannoo magh: as ayns dy chooilley nhee ta mee er vreayll mee hene veih ve costyllagh diu, as shen myr nee’m mee hene y reayll.

2 Corinthianee 13:11

Er‐jerrey, vraaraghyn, my vannaght mêriu: Bee‐jee er nyn niartaghey dy cheilley, bee‐jee er nyn gherjaghey, bee‐jee jeh’n un aigney, jean‐jee beaghey ayns shee; as bee’n Jee dy ghraih as shee mêriu.

1 Timothy 5:22

Ny cur laueyn dy siyragh er dooinney erbee, chamoo gow ayrn jeh peccaghyn deiney elley: freill oo hene glen.

Jamys 1:27

Craueeaght firrinagh as glen kiongoyrt rish Jee, dy jarroo yn Ayr, shoh eh, Dy ghoaill kiarail jeh cloan gyn ayr as mraane‐treoghe ayns nyn seaghyn, as dy reayll eh hene glen veih broïd y theihll.

1 Ean 5:21

Chloan veggey, freill‐jee shiu hene veih jallooyn. Amen.

Jude 1:24

Nish huggeysyn ta abyl dy reayll shiu veih tuittym as dy hebbal shiu gyn loght kionfenish e ghloyr lesh boggey erskyn towse,

Ashlish 2:14

Agh ta red ennagh aym dt’oï, er‐yn‐oyr dy vel ayd ayns shen adsyn ta lhiantyn gys coyrle Balaam, dynsee Balak dy hoiaghey ribbey roish cloan Israel, dy ee reddyn v’er ny ouralley gys jallooyn, as dy chur rish maarderys.

Ashlish 2:20

Ny‐yeih, ta reddyn ennagh aym dy choyrt dty lieh, er‐y‐fa dy vel uss lhiggey da’n ven shen Jezebel, ta goaill urree dy ve ny adeyr, dy ynsaghey as dy chleayney my harvaantyn dy chur rish maarderys, as dy ghoaill commee ayns ny reddyn t’er ny ouralley gys jallooyn.