Jannoo 15:11 - Yn Conaant Noa 1810

¹¹ Agh ta shin credjal trooid grayse nyn Jiarn Yeesey Creest, by bee mayd er nyn sauail, er yn un aght roosyn.

Yn Vible Casherick 1775 1819

¹¹ Agh ta shin credjal trooid grayse nyn Jiarn Yeesey Creest, dy bee mayd er nyn sauail, er yn un aght roosyn.

Jannoo 15:11 ပူးပေါင်းရင်းမြစ်များ

Romanee 3:24

Dy nastee jeant seyr liorish e ghrayse, trooid y livrey‐ys ta ayns Yeesey Creest:

Romanee 5:15

Agh cha nee myr ta’n loght, myr shen neesht ta’n gioot arryltagh. Son my she shen kyndagh rish peccah un er, dy daink baase er ymmodee; foddey smoo ta grayse Yee, as y gioot trooid grayse, ta liorish un dooinney Yeesey Creest, er roshtyn er ymmodee.

Romanee 6:23

Son she faill peccah yn baase: agh she gioot Yee yn vea dy bragh beayn, trooid Yeesey Creest nyn Jiarn.

1 Corinthianee 16:23

Dy row grayse nyn Jiarn Yeesey Creest mêriu.

2 Corinthianee 13:14

Grayse nyn Jiarn Yeesey Creest, as graih Yee, as sheshaght y Spyrryd Noo, dy row mêriu ooilley. Amen.

2 Corinthianee 8:9

Son shione diu grayse nyn Jiarn Yeesey Chreest, ga dy row eh berchagh, ny‐yeih er y ghraih euish ghow eh er dy ve boght, trooid y voghtynid echeysyn dy voddagh shiuish ve jeant berchagh.

Galatianee 1:6

Ta mee goaill yindys, dy vel shiu cha leah er nyn jyndaa, voishyn ren shiuish y eam trooid grayse Chreest, gys sushtal elley:

Galatianee 2:16

As fys ain nagh vel dooinney er ny heyrey liorish obbraghyn y leigh, agh liorish credjue Yeesey Creest, ta shinyn eer er chredjal ayns Yeesey Creest; dy voddagh shinyn v’er ny heyrey liorish credjue Chreest, as cha nee liorish obbraghyn y leigh: son liorish obbraghyn y leigh cha bee dooinney bio er ny heyrey.

Titus 2:11

Son ta grayse Yee er ny hoilshaghey, ta chebbal saualtys da dy chooilley ghooinney.

Ashlish 5:9

As ghow ad arrane noa, gra, T’ou uss feeu dy ghoaill y lioar, as dy eaysley ny sealyn eck: son v’ou er ny choyrt dy baase, as t’ou er chionnaghey shin reesht gys Jee liorish dty uill, ass dy chooilley chynney, as glare, as pobble, as ashoon;