Jannoo 15:1 - Yn Conaant Noa 1810

¹ As dynsee shiartanse dy gheiney haink neose veih Judea ny braaraghyn, gra, Mannagh bee shiu er nyn ghiarey‐chymmylt lurg cliaghtey Voses, cha vod shiu v’er ny sauail.

Yn Vible Casherick 1775 1819

¹ As dynsee shiartanse dy gheiney haink neose veih Judea ny braaraghyn, gra, Mannagh bee shiu er nyn ghiarey-chymmylt lurg cliaghtey Voses, cha vod shiu v’er nyn sauail.

Jannoo 15:1 ပူးပေါင်းရင်းမြစ်များ

Noo Ean 7:22

Hug Moses er‐y‐fa shen yn giarey‐chymmylt diu, (cha nee son dy vel eh jeh Moses, agh jeh ny ayraghyn) as ta shiu er laa yn doonaght giarey‐chymmylt dooinney.

Jannoo 1:15

As ayns ny laghyn shen hass Peddyr seose mastey fir‐eiyrtee [Yeesey] as dooyrt eh (va earroo ny henmyn cooidjagh mysh shey‐feed)

Jannoo 15:22

Eisht yeeagh ny ostyllyn as y chanstyr, as y slane agglish er dy ve ymmyrchagh dy chur deiney reiht jeh’n cheshaght oc hene gys Antioch, marish Paul as Barnabas, ta shen dy ghra, Judas sliennooit Barsabas, as Silas, ard‐gheiney mastey ny braaraghyn:

Jannoo 15:23

As hug ad screeuyn lhieu er yn aght shoh, Ta ny ostyllyn, as y chanstyr, as ny braaraghyn cur bannaght gys ny braaraghyn ta jeh ny Ashoonee ayns Antioch, as Syria as Cilicia.

Jannoo 15:24

Son wheesh as dy vel shin er chlashtyn, dy vel shiartanse hie magh voïnyn er voirey shiu lesh goan, cur shaghrynys er nyn anmeenyn, as gra, dy nhegin diu v’er nyn ghiarey‐chymmylt, as y leigh y reayll; daue cha dug shinyn lheid y sarey:

Jannoo 15:3

As hie yn agglish magh mâroo dy chur ad er nyn doshiaght er nyn yurnah, as jimmee ad trooid Phenice as Samaria, soilshaghey chyndaa ny Hashoonee gys y chredjue: as va shoh oyr boggey mooar da ooilley ny braaraghyn.

Jannoo 15:32

As myr va Judas as Silas nyn vadeyryn ad hene, choyrlee ad ny braaraghyn lesh ymmodee goan, as hickyree ad [ad ayns nyn gredjue.]

Jannoo 15:5

As hrog seose shiartanse jeh ny Phariseeyn v’er jyndaa gys y chredjue, as dooyrt ad, Dy row eh ymmyrchagh ad y ghiarey‐chymmylt, as ad ve sarit dy reayll leigh Voses.

Jannoo 21:20

As tra cheayll ad shen, ren ad y Chiarn y ghloyraghey, as dooyrt ad rish, T’ou fakin, vraar, cre whilleen thousane jeh ny Hewnyn t’er ghoaill yn credjue orroo; as ta graih jeean oc ooilley son y leigh.

Jannoo 6:14

Son ta shin er chlashtyn eh gra, dy jean Yeesey shoh dy Nazareth yn ynnyd shoh y stroie, as ny oardaghyn y chaghlaa ren Moses y livrey dooin.

Galatianee 2:1

Eisht kiare bleeaney jeig ny lurg shen, hie mee seose reesht gys Jerusalem, marish Barnabas, as ghow mee Titus myrgeddin mârym.

Galatianee 5:6

Son ayns Yeesey Creest, cha vel giarey‐chymmylt jeh veg y vondeish, ny an‐ghiarey‐chymmylt, agh credjue ta gobbraghey liorish graih.

Galatianee 6:12

Whilleen as ta shirrey dy hoilshaghey ad hene er cheumooie liorish cowrey ny foalley, t’ad gêginaghey shiu dy ve er ny ghiarey‐chymmylt; ny lomarcan son nagh jinnagh ad surranse tranlaase er coontey crosh Chreest.

Colossianee 2:16

Ny lhig da dooinney erbee er‐y‐fa shen shiuish y vriwnys mychione bee ny jough, ny mychione laa‐feailley, ny mychione eayst‐noa, ny mychione dooneeyn:

Colossianee 2:8

Bee‐jee er nyn dwoaie nagh gow dooinney erbee vondeish erriu trooid ynsagh foalsey as molteyraght, lurg cliaghtaghyn deiney, lurg ynsagh annoon y theill, as cha nee lurg Creest: