Jannoo 14:19 - Yn Conaant Noa 1810

¹⁹ As haink shiartanse dy Hewnyn veih Antioch as Iconium, as chleaynee ad y pobble, as ren ad Paul y chlaghey as y hayrn magh ass yn ard‐valley, sheiltyn dy row eh marroo.

Yn Vible Casherick 1775 1819

¹⁹ As haink shiartanse dy Hewnyn veih Antioch as Iconium, as chleaynee ad y pobble, as ren ad Paul y chlaghey as y hayrn magh ass yn ard-valley, sheiltyn dy row eh marroo.

Jannoo 14:19 ပူးပေါင်းရင်းမြစ်များ

Jannoo 13:14

Agh tra v’ad er gholl veih Perga, haink ad gys Antioch ayns Pisidia, as hie ad stiagh ayns y synagogue er laa yn doonaght, as hoie ad sheese.

Jannoo 13:45

Agh tra honnick ny Hewnyn lheid y chaglym dy leih, daase ad feer jymmoosagh, as loayr ad noi ny reddyn va Paul dy livrey, cur eddin da, as oltooaney eh.

Jannoo 14:1

As haink eh gy‐kione ayns Iconium, dy jagh ad ny neesht cooidjagh stiagh ayns synagogue ny Hewnyn, as dy loayr ad myr shen dy ren earroo mooar chammah jeh ny Hewnyn as ny Ashoonee credjal.

Jannoo 14:18

As lesh ny goan shoh, s’coan ren ad y pobble y lhiettal veih oural y hebbal daue.

Jannoo 14:2

Agh ghreinnee ny Hewnyn mee‐chredjuagh ny Ashoonee, as physhoon ad ny aignaghyn oc noi ny braaraghyn.

Jannoo 14:21

As tra v’ad er phreacheil y sushtal gys yn ard‐valley shen, as er n’ynsaghey ymmodee, haink ad reesht gys Lystra, as gys Iconium as Antioch,

Jannoo 14:26

As veih shen ghow ad lhuingys gys Antioch, voish v’ad er ve chymnit gys grayse Yee, son yn obbyr v’ad dy chooilleeney.

Jannoo 14:4

Agh va sleih yn ard‐valley noi‐ry‐hoi: as va ayrn jeu goaill paart ny Hewnyn, as ayrn echey paart ny hostyllyn.

Jannoo 14:5

As tra va irree‐magh er ny yannoo chammah jeh ny Ashoonee, as myrgeddin ny Hewnyn marish ny fir‐reill oc, er‐chee drogh‐ghellal y chur daue, as nyn glaghey ad,

Jannoo 15:26

Deiney ta er ve ayns gaue baaish son ennym nyn Jiarn Yeesey Creest.

Jannoo 17:13

Agh tra hooar Hewnyn Thessalonica fys dy row Paul er phreacheil goo Yee ec Berea, haink ad derrey shen myrgeddin, as ghreinnee ad yn pobble n’oï.

Jannoo 22:20

As tra va fuill dty eanish Steaon er ny gheayrtey, va mee my hassoo kionfenish, as m’aigney lhieu ayns y choyrt eh gy‐baase, as yeeagh mee da’n eaddagh ocsyn ren y varroo eh.

Jannoo 7:58

As hilg ad eh magh ass yn ard‐valley, as chlagh ad eh: as hug ny feanishyn nyn eaddagh ny lhie ec cassyn dooinney aeg, va enmyssit Saul,

Jannoo 9:16

Son soilshee‐yms da, cre ny seaghyn mooarey shegin da y hurranse son my ennym’s.

1 Corinthianee 15:31

Ta mee dy hickyraghey liorish y gerjagh t’ainyn ayns Creest Yeesey nyn Jiarn, dy vel mee geddyn vaaish gaghlaa.

2 Corinthianee 11:23

Nee shirveishee Chreest ad? (ta mee loayrt myr ommydan) ta mish er‐nyn‐skyn: ayns tooilleilyn ny s’palchey, ayns surranse buillaghyn erskyn towse, ayns pryssoonyn ny s’menkey, ayns gaue baaish dy mennick.

2 Corinthianee 11:25

Three keayrtyn va mee custit lesh slattyn, un cheayrt va mee er my chlaghey, three keayrtyn duillee mee coayl‐lhuingey oie as laa ta mee er ve ayns y diunid:

2 Corinthianee 11:26

Ayns jurnaaghyn dy mennick, ayns gaue ushtaghyn, ayns gaue roosteyryn, ayns gaue veih my gheiney‐cheerey hene, ayns gaue veih ny Ashoonyn‐quaagh, ayns gaue ’syn ard‐valley, ayns gaue ’syn aasagh, ayns gaue er yn aarkey, ayns gaueghyn mastey braaraghyn foalsey;

1 Thessalonianee 2:14

Son haink shiuish vraaraghyn, dy ve eiyrtyssee er kialteenyn Yee, ta ayns Judea ayns Creest Yeesey: son ta shiuish neesht er hurranse ny reddyn cheddin liorish ny deiney‐cheerey eu hene, dy jarroo myr t’adsyn liorish ny Hewnyn:

2 Timothy 3:11

Yn tranlaase, as y seaghyn haink orrym ec Antioch, ec Iconium, ec Lystra: cre’n tranlaase hie mee ny hrooid; agh assdoo ooilley ren y Chiarn my livrey.