Jannoo 13:50 - Yn Conaant Noa 1810

⁵⁰ Agh ghreinnee ny Hewnyn ny mraane seyrey va jeh’n chredjue oc, as deiney ooasle yn ard‐valley nyn ’oï oc, as dirree ad seose noi Paul as Barnabas, as deiyr ad ad ass dy ardjyn oc.

Yn Vible Casherick 1775 1819

⁵⁰ Agh ghreinnee ny Hewnyn ny mraane seyrey va jeh’n chredjue oc, as deiney ooasle yn ard-valley nyn ’oï oc, as dirree ad seose noi Paul as Barnabas, as deiyr ad ad ass ny ardjyn oc.

Jannoo 13:50 ပူးပေါင်းရင်းမြစ်များ

Noo Mian 10:23

Agh tra nee ad tranlaase erriu ayns un ard‐valley, cosne‐jee reue gys ard‐valley elley son ta mee shickyrys diu, nagh bee shiu er n’gholl harrish ard‐valjyn Israel, derrey vees Mac y dooinney er jeet.

Noo Mark 15:43

Haink Joseph dy Arimathea, fer‐coyrlee ooasle, va myrgeddin eh hene farkiaght son reeriaght Yee, as cha ghow eh aggle, agh hie eh stiagh dy dunnal gys Pilate, as ren eh aghin son corp Yeesey.

Noo Mark 5:17

As ren ad toshiaght dy ghuee er, eh dy gholl roish ass ny ardjyn oc.

Jannoo 13:43

As erreish da’n chaglym‐cooidjagh v’er skeayley, deiyr ymmodee jeh ny Hewnyn, as jeh ny proselyteyn crauee er Paul as Barnabas; as loayr ad roo, as choyrlee ad ad dy hannaghtyn ayns grayse Yee.

Jannoo 13:45

Agh tra honnick ny Hewnyn lheid y chaglym dy leih, daase ad feer jymmoosagh, as loayr ad noi ny reddyn va Paul dy livrey, cur eddin da, as oltooaney eh.

Jannoo 14:19

As haink shiartanse dy Hewnyn veih Antioch as Iconium, as chleaynee ad y pobble, as ren ad Paul y chlaghey as y hayrn magh ass yn ard‐valley, sheiltyn dy row eh marroo.

Jannoo 14:2

Agh ghreinnee ny Hewnyn mee‐chredjuagh ny Ashoonee, as physhoon ad ny aignaghyn oc noi ny braaraghyn.

Jannoo 14:4

Agh va sleih yn ard‐valley noi‐ry‐hoi: as va ayrn jeu goaill paart ny Hewnyn, as ayrn echey paart ny hostyllyn.

Jannoo 14:5

As tra va irree‐magh er ny yannoo chammah jeh ny Ashoonee, as myrgeddin ny Hewnyn marish ny fir‐reill oc, er‐chee drogh‐ghellal y chur daue, as nyn glaghey ad,

Jannoo 16:14

As va ben dy row va enmyssit Lydia, jeh ard‐valley Thyatira, as dellal ayns purple v’ee shoh cur ooashley da Jee, as deaisht ee rooin: as doshil yn Chiarn y cree eck, dy choyrt geill da ny goan va Paul dy loayrt.

Jannoo 17:12

Shen‐y‐fa ren ymmodee jeu credjal: as myrgeddin dy vraane ooasle va nyn Ghreekyn, as dy gheiney cha nee beggan.

Jannoo 17:13

Agh tra hooar Hewnyn Thessalonica fys dy row Paul er phreacheil goo Yee ec Berea, haink ad derrey shen myrgeddin, as ghreinnee ad yn pobble n’oï.

Jannoo 17:17

Shen‐y‐fa ren eh resooney ayns y synagogue rish ny Hewnyn, as rish ny deiney crauee, as ayns thie ny quaallagh gagh laa roosyn va cheet ny raad.

Jannoo 17:4

As ren paart jeu credjal, as lhiantyn gys Paul as Silas: myr ren earroo mooar jeh ny Greekyn crauee, as myrgeddin dy vraane seyrey.

Jannoo 18:7

As jimmee eh veih shen, as hie eh stiagh ayns thie dooinney dy row va ooashlaghey Jee, enmyssit Justus, yn thie echey va er‐gerrey da’n synagogue.

Jannoo 2:5

As va cummal ec Jerusalem, Hewnyn, deiney crauee, veih dagh ashoon er feaï ny cruinney.

Jannoo 21:27

As tra va ny shiaght laa faggys ec kione, ghreinnee ny Hewnyn va veih Asia ooilley yn pobble, tra honnick ad eh ayns y chiamble, as ghreimm ad eh,

Jannoo 28:17

As haink eh gy‐kione lurg three laa, dy deïe Paul er ny ard Hewnyn cooidjagh. As tra v’ad er jeet huggey, dooyrt eh roo, Gheiney as vraaraghyn, ga nagh vel mee er n’yannoo nhee erbee noi yn pobble, ny cliaghtaghyn nyn shenn‐ayryn, ny‐yeih va mee er my livrey seose my phryssoonagh veih Jerusalem gys laueyn ny Romanee.

Jannoo 6:12

As ghreinnee ad y pobble, as y chanstyr, as ny scrudeyryn, as haink ad as haare ad eh, as hug ad lhieu eh fenish y choonceil,

Jannoo 8:1

As va aigney Saul lhieu ayns y choyrt eh gy‐baase. As ec y traa shen va tranlaase er ny yannoo er yn agglish va ec Jerusalem; as va’d ooilley er nyn skeayley magh trooid cheeraghyn Yudea as Samaria, cheu‐mooie jeh ny ostyllyn.

Romanee 10:2

Son ta mee gymmyrkey feanish daue, dy vel graih jeean oc er Jee, agh cha nee cordail rish tushtey (firrinagh.)

2 Corinthianee 11:26

Ayns jurnaaghyn dy mennick, ayns gaue ushtaghyn, ayns gaue roosteyryn, ayns gaue veih my gheiney‐cheerey hene, ayns gaue veih ny Ashoonyn‐quaagh, ayns gaue ’syn ard‐valley, ayns gaue ’syn aasagh, ayns gaue er yn aarkey, ayns gaueghyn mastey braaraghyn foalsey;

1 Thessalonianee 2:14

Son haink shiuish vraaraghyn, dy ve eiyrtyssee er kialteenyn Yee, ta ayns Judea ayns Creest Yeesey: son ta shiuish neesht er hurranse ny reddyn cheddin liorish ny deiney‐cheerey eu hene, dy jarroo myr t’adsyn liorish ny Hewnyn:

2 Timothy 3:11

Yn tranlaase, as y seaghyn haink orrym ec Antioch, ec Iconium, ec Lystra: cre’n tranlaase hie mee ny hrooid; agh assdoo ooilley ren y Chiarn my livrey.