Jannoo 13:48 - Yn Conaant Noa 1810

⁴⁸ As tra cheayll ny Ashoonee shoh ghow ad boggey, as ren ad goo yn Chiarn y ghloyraghey: as whilleen as va feeu as aarloo son y vea veayn ren ad credjal.

Yn Vible Casherick 1775 1819

⁴⁸ As tra cheayll ny Ashoonee shoh ghow ad boggey, as ren ad goo yn Chiarn y ghloyraghey: as whilleen as va feeu as aarloo son y vea veayn ren ad credjal.

Jannoo 13:48 ပူးပေါင်းရင်းမြစ်များ

Noo Mian 25:46

As hed ad shoh ersooyl gys y kerraghey dy bragh farraghtyn: agh y chloan chairagh gys y vea veayn.

Noo Mian 28:16

Eisht hie yn un ostyl yeig roue gys Galilee, gys slieau raad va Yeesey er n’oardaghey daue.

Noo Luke 7:8

Son ta mish mee hene my ghooinney ayns pooar, as ta sidooryn aym foym, as ta mee gra rish shoh, Immee, as t’eh goll: as rish fer elley, Tar, as t’eh cheet: as rish my harvaant, Jean shoh, as t’eh dy yannoo eh.

Noo Ean 10:16

As kirree elley t’aym, nagh vel jeh’n woaillee shoh: ad shen neesht shegin dou y chur lhiam, as cluinnee ad my choraa; as bee un woaillee ayn, as un vochilley.

Noo Ean 11:52

As cha nee ynrican son yn ashoon shen, agh myrgeddin dy jinnagh eh cloan Yee va skeaylt dy lhean, y hayrn gys unnaneys ry‐cheilley.

Jannoo 13:12

Tra honnick yn kiannoort eisht cre va er daghyrt, ren eh credjal, as ghow eh yindys mooar jeh goo yn Chiarn.

Jannoo 13:42

As myr va ny Hewnyn goll magh ass y synagogue, ghuee ny Ashoonee dy beagh ny goan shoh er ny phreacheil daue yn nah ghoonaght.

Jannoo 15:2

Tra va streeu er‐y‐fa shen as resooney nagh nee beggan er ve ec Paul as Barnabas roo, ghow ad ayns laue dy ragh Paul as Barnabas as shiartanse elley mâroo, seose gys Jerusalem gys ny ostyllyn as y chanstyr mychione y question shoh.

Jannoo 15:31

As lhaih ad ee lesh boggey as gerjagh mooar.

Jannoo 2:41

Eisht v’adsyn ren dy arryltagh goaill‐rish e ghoo er nyn mashtey: as y laa cheddin haink three thousaneyn dy leih stiagh gys y chredjue Creestee.

Jannoo 2:47

Cur moylley da Jee, as ayns ard‐ghoo rish ooilley yn pobble. As va’n Chiarn cur stiagh gys yn agglish gagh‐laa lheid as va shirrey son saualtys.

Jannoo 20:13

As hie shin roishyn dy ghoaill lhuingys, as hiauaill shin gys Assos, kiarail Paul y ghoaill stiagh ayns shen: son shen myr v’eh er n’oardaghey, kiarail eh hene dy gholl ry chosh.

Jannoo 22:10

As dooyrt mish, Cre nee’m, Hiarn? As dooyrt y Chiarn rhym, Irree, as immee gys Damascus, as ayns shen vees inshit dhyt mychione dy chooilley nhee ta kiarit dhyt dy yannoo.

Jannoo 28:23

As tra v’ad er phointeil laa er e hon, haink ymmodee huggey gys e hie; daue shoh hug eh tushtey, as dymmyrk eh feanish jeh reeriaght Yee, coyrlaghey ad mychione Yeesey, chammah ass leigh Voses as ny phadeyryn, veih moghrey derrey yn astyr.

Jannoo 8:8

As va boggey mooar ayns yn ard‐valley shen.

Romanee 11:7

Cre eisht? Cha vel Israel er roshtyn gys shen v’eh shirrey er y hon; agh ta’n fooilliagh reiht er chosney eh, as va’n chooid elley er nyn greoghey:

Romanee 13:1

Lhig da dy chooilley annym ve biallagh da ny pooaraghyn syrjey; son cha vel pooar ayn agh veih Jee: ta ny pooaraghyn t’ayn er nyn bointeil liorish Jee.

Romanee 8:28

As ta fys ain dy vel dy chooilley nhee gobbraghey cooidjagh son y chooid share, dauesyn ta graihagh er Jee, dauesyn t’er nyn eam cordail rish e aigney.

1 Corinthianee 16:15

Ta mee guee erriu, vraaraghyn, (shione diu lught‐thie Stephanas, dy vel eh yn chied‐vess dy Achaia, as dy vel ad dy arryltagh er ghoaill orroo dy hirveish er ny nooghyn.)

Ephesianee 1:11

Ayn myrgeddin ta shin er gheddyn eiraght, myr va shin pointit ro‐laue cordail rish y chiarail echeysyn ta gobbraghey dy chooilley nhee lurg coyrle e aigney hene:

Ephesianee 1:19

As cre ta mooads erskyn towse e phooar dooinyn ta credjal, cordail rish bree e phooar niartal;

Ephesianee 1:4

Cordail myr t’eh er reih shinyn aynsyn, roish my va’n seihll er ny chroo, dy beagh shin casherick as gyn loght kiongoyrt rishyn ayns graih:

Ephesianee 1:5

T’er chiarail shin gys doltanys cloan liorish Yeesey Creest da hene, cordail rish taitnys e aigney‐mie hene,

2 Thessalonianee 3:1

Ny sodjey, vraaraghyn, gow‐jee padjer er nyn son, dy vod goo’n Chiarn roie dyn lhiettal, as ve er ny ghloyraghey dy jarroo myr te nyn mast’ euish;