Jannoo 13:15 - Yn Conaant Noa 1810

¹⁵ As lurg lhaih yn leigh as ny phadeyryn, hug fir‐reill yn synagogue fys huc, gra, Shiuish gheiney as vraaraghyn, my ta fockle erbee dy choyrle eu dy chur da’n pobble, loayr‐jee eh.

Yn Vible Casherick 1775 1819

¹⁵ As lurg lhaih yn leigh as ny phadeyryn, hug fir-reill yn synagogue fys huc, gra, Shiuish gheiney as vraaraghyn, my ta fockle erbee dy choyrle eu dy chur da’n pobble, loayr-jee eh.

Jannoo 13:15 ပူးပေါင်းရင်းမြစ်များ

Noo Mark 5:22

As cur‐my‐ner, haink fer jeh reiltee yn synagogue va enmyssit Jairus, as tra honnick eh eh, huitt eh sheese ec e chassyn.

Noo Luke 16:16

Va’n leigh as ny phadeyryn derrey Ean: er‐dyn traa shen, ta reeriaght Yee er ny phreacheil, as ta dy chooilley ghooinney chionney stiagh huggey.

Jannoo 1:16

Gheiney as vraaraghyn, beign da’n scriptyr shoh ve cooilleenit, ren y Spyrryd Noo phadeyrys liorish beeal Ghavid mychione Yuaase, va ny leeideilagh dauesyn ghow Yeesey.

Jannoo 13:27

Son cummaltee Yerusalem, as ny fir‐reill oc, son nagh dug ad tastey dasyn, ny foast da, goo ny phadeyryn t’er nyn lhaih dy chooilley ghoonaght, t’ad er chooilleeney ad shen ayns eshyn y gheyrey.

Jannoo 15:21

Son ta ec Moses er‐dyn chenn earish, ayns dy chooilley ard‐valley adsyn ta dy phreacheil eh, as t’eh er ny lhaih ayns ny kialteenyn dy chooilley ghoonaght.

Jannoo 15:7

As erreish daue v’er ve foddey resooney, dirree Peddyr seose, as dooyrt eh roo, Gheiney as vraaraghyn, ta fys eu foddey er‐dy‐henney, dy ren Jee reih y yannoo nyn mast’ ain, dy row ny Ashoonee veih my veeal’s dy chlashtyn goo yn tushtal, as dy chredjal.

Jannoo 18:17

Eisht ghow ooilley ny Greekyn Sosthenes, ard‐fer‐ynsee yn synagogue, as woaill ad eh kiongoyrt rish stoyl y vriwnys: as cha ren Gallio soiaghey scansh erbee jeh veg ny reddyn shen.

Jannoo 18:8

As ren Crispus ard‐fer‐reill yn synagogue, credjal ayns y Chiarn, as ooilley e lught‐thie: as va ymmodee jeh ny Corinthianee ren clashtyn as credjal, er nyn mashtey.

Jannoo 2:29

Gheiney as vraaraghyn, lhig dou lesh nyn gied loayrt riu mychione yn patriarch David ta chammah marroo as oanluckit, as dy vel yn oaie echey ry akin gys y laa t’ayn jiu.

Jannoo 2:37

Nish tra cheayll ad shoh, v’ad guint ayns nyn gree, as dooyrt ad rish Peddyr, as rish ny ostyllyn elley, Gheiney as vraaraghyn, cre bailliu shin dy yannoo?

Jannoo 2:4

As v’ad ooilley lhieent lesh y Spyrryd Noo, as ren ad toshiaght dy loayrt lesh chengaghyn noa, myr va’n Spyrryd cur bree loayrtys ayndoo.

Jannoo 20:2

As tra v’eh er gholl harrish ny ardjyn shen, as dy jeean er choyrlaghey ad, haink eh gys Greece;

Jannoo 22:1

Gheiney, vraaraghyn, as ayraghyn, clasht‐jee rish ny t’aym’s dy ghra ayns my lieh hene.

Jannoo 4:36

As Joses, va liorish ny ostyllyn sliennooit Barnabas (ta shen dy ghra ’sy ghlare ainyn, Mac ny gerjee) va ny Levite, as jeh cheer Cyprus,

Jannoo 7:2

As dooyrt eshyn, Gheiney, vraaraghyn, as ayraghyn, eaisht‐jee, Ren Jee ny ghloyr eh hene y hoilshaghey da nyn ayr Abraham, tra v’eh ayns Mesopotamia, roish my row eh cummal ayns Charran,

Romanee 12:8

Ny eshyn ta coyrlaghey, da coyrle; eshyn ta cur da’n voght, lhig da ’yannoo eh lesh feoiltys; eshyn ta reill, lesh imnea; eshyn ta soilshaghey myghin, lesh gennallys.

1 Corinthianee 14:3

Agh eshyn ta preacheil, t’eh loayrt rish deiney gys nyn ynsagh, nyn goyrle, as nyn gherjagh.

2 Corinthianee 3:14

Agh va nyn aignaghyn dollit: son gys y laa t’ayn jiu ta’n coodagh cheddin er‐mayrn orroo, ayns lhaih yn chenn chonaant; yn coodagh cheddin ta goit jeh ayns Creest.

1 Thessalonianee 2:3

Son cha row yn choyrle ain veih molteyrys, ny veih neu‐ghlennid, ny ayns foalfaght:

Hebrewnee 13:22

As ta mee guee erriu, vraaraghyn, gow‐jee rish y goo dy choyrle, son ta mee er scrieu hiu ayns focklyn giarey.