Jannoo 11:27 - Yn Conaant Noa 1810

²⁷ As ayns ny laghyn shen haink phadeyryn veih Jerusalem gys Antioch.

Yn Vible Casherick 1775 1819

²⁷ As ayns ny laghyn shen haink phadeyryn veih Jerusalem gys Antioch.

Jannoo 11:27 ပူးပေါင်းရင်းမြစ်များ

Noo Mian 23:34

Shen‐y‐fa, cur‐my‐ner, ta mish coyrt hiu phadeyryn, as deiney creeney, as scrudeyryn; as paart jeu nee shiu y varroo, as y chrossey, as paart jeu nee shiu y scuitchal ayns nyn guaiylyn, as geiyrt ad veih ard‐valley gys ard‐valley:

Noo Luke 11:49

As shoh yn oyr ta creenaght Yee er ghra, Ver‐ym huc phadeyryn as ostyllyn, as paart jeu nee ad y varroo, as tranlaase y yannoo orroo:

Jannoo 11:20

As va paart jeu deiney veih Cyprus as Cyrene, as tra va’d er jeet gys Antioch loayr ad rish ny Grecianee, preacheil yn Chiarn Yeesey.

Jannoo 11:22

Eisht haink naightyn jeh ny reddyn shoh gys clashtyn yn agglish va ec Jerusalem: as hug ad magh Barnabas dy gholl gys Antioch.

Jannoo 13:1

Nish va ayns yn agglish va ec Antioch, shiartanse dy adeyryn as dy ir‐ynsee; myr Barnabas, as Simeon va enmyssit Niger, as Lucius yn Cyrenian, as Manaen va troggit marish Herod yn tetrarch, as Saul.

Jannoo 14:26

As veih shen ghow ad lhuingys gys Antioch, voish v’ad er ve chymnit gys grayse Yee, son yn obbyr v’ad dy chooilleeney.

Jannoo 15:22

Eisht yeeagh ny ostyllyn as y chanstyr, as y slane agglish er dy ve ymmyrchagh dy chur deiney reiht jeh’n cheshaght oc hene gys Antioch, marish Paul as Barnabas, ta shen dy ghra, Judas sliennooit Barsabas, as Silas, ard‐gheiney mastey ny braaraghyn:

Jannoo 15:30

Myr shen tra v’ad er lhiggey yn raad daue, haink ad gys Antioch: as cha leah as va’n cheshaght er nyn jaglym cooidjagh, livrey ad ny screeuyn.

Jannoo 15:32

As myr va Judas as Silas nyn vadeyryn ad hene, choyrlee ad ny braaraghyn lesh ymmodee goan, as hickyree ad [ad ayns nyn gredjue.]

Jannoo 18:22

As tra v’eh er jeet er thalloo ec Cesarea, as er gholl seose, as er vannaghey da’n agglish, hie eh sheese gys Antioch.

Jannoo 2:17

As hig eh gy‐kione ayns ny laghyn jerrinagh (ta Jee gra) dy deayrt‐yms magh jeh my Spyrryd er dy chooilley eill: as nee ny mec as ny inneenyn eu phadeyrys, as nee ny deiney aegey eu ashlishyn y akin, as ny shenn gheiney eu dreamallyn y ghreamal:

Jannoo 21:4

As son dy dooar shin Creesteenyn ayns shen, duirree shin mâroo shiaght laa: as choyrlee ad Paul trooid y Spyrryd, gyn eh dy gholl seose gys Jerusalem.

Jannoo 21:9

As va kiare inneenyn ec y dooinney cheddin, moidynyn, va jannoo phadeyrys.

Jannoo 6:5

As by‐haittyn lesh y cheshaght y raa shoh: as reih ad Steaon, dooinney va lane dy chredjue as jeh’n Spyrryd Noo, as Philip as Prochorus, as Nicanor, as Timon, as Parmenas, as Nicolas proselyte veih Antioch.

1 Corinthianee 12:10

Da fer elley dy obbraghey mirrillyn; da fer elley phadeyrys; da fer elley yn briwnys dy phrowal ny spyrrydyn; da fer elley caghlaaghyn dy ghlaraghyn; da fer elley dy chur bun er glaraghyn.

1 Corinthianee 12:28

As ta Jee er hoiaghey paart ayns yn agglish, hoshiaght ostyllyn, ’sy nah ynnyd phadeyryn, ’sy trass ynnyd fir‐ynsee, lurg shen mirrillyn, eisht giootyn dy lheihys, fir‐choonee, reilltee, caghlaaghyn dy ghlare.

1 Corinthianee 14:32

As ta spyrrydyn ny phadeyryn fo reill ny phadeyrys.

Galatianee 2:11

Agh tra va Peddyr er jeet gys Antioch, hug mee eddin da, er‐yn‐oyr dy row eh foiljagh.

Ephesianee 4:11

As hug eh da paart, dy ve nyn ostyllyn; as da paart, dy ve phadeyryn; as da paart, dy ve sushtallee; as da paart, dy ve bochillyn as fir‐ynsee.