Jannoo 11:26 - Yn Conaant Noa 1810

²⁶ As haink eh gy‐kione dy duirree ad choud as bleïn ayns shen ayns sheshaght ny hagglish, as dy dynsee ad ymmodee dy leih; as va ny credjuee enmyssit Creesteenyn hoshiaght ayns Antioch.

Yn Vible Casherick 1775 1819

²⁶ As haink eh gy-kione, dy duirree ad choud as bleïn ayns shen ayns sheshaght ny hagglish, as dy dynsee ad ymmodee dy leih; as va ny credjuee enmyssit Creesteenyn hoshiaght ayns Antioch.

Jannoo 11:26 ပူးပေါင်းရင်းမြစ်များ

Noo Mian 28:19

Immee‐jee er‐y‐fa shen, as ynsee‐jee dy chooilley ashoon, as bashtee‐jee ad ayns ennym yn Ayr, as y Vac, as y Spyrryd Noo:

Noo Ean 2:2

As va chammah Yeesey cuirt, as e ynseydee, gys y vannish.

Jannoo 1:15

As ayns ny laghyn shen hass Peddyr seose mastey fir‐eiyrtee [Yeesey] as dooyrt eh (va earroo ny henmyn cooidjagh mysh shey‐feed)

Jannoo 11:20

As va paart jeu deiney veih Cyprus as Cyrene, as tra va’d er jeet gys Antioch loayr ad rish ny Grecianee, preacheil yn Chiarn Yeesey.

Jannoo 11:22

Eisht haink naightyn jeh ny reddyn shoh gys clashtyn yn agglish va ec Jerusalem: as hug ad magh Barnabas dy gholl gys Antioch.

Jannoo 11:27

As ayns ny laghyn shen haink phadeyryn veih Jerusalem gys Antioch.

Jannoo 11:29

Eisht ghow ny Creesteenyn ayns laue, dy chooilley ghooinney gys rere e phooar, dy chur cooney gys ny braaraghyn va baghey ayns Judea.

Jannoo 14:20

Ny‐yeih myr va ny Creesteenyn nyn shassoo mygeayrt‐y‐mysh, dirree eh seose as haink eh stiagh ayns yn ard‐valley: as yn nah laa hie eh marish Barnabas gys Derbe.

Jannoo 14:22

Niartaghey anmeenyn ny Creesteenyn, as coyrlaghey ad dy hannaghtyn ayns y chredjue, as dy nhegin dooin trooid ymmodee seaghyn goll stiagh ayns reeriaght Yee.

Jannoo 14:23

As tra v’ad er n’oardaghey shirveishee ayns ooilley ny kialteenyn, as er ghoaill padjer lesh trostey, ren ad y hymney ad gys y Chiarn, ayn v’ad er chredjal.

Jannoo 14:27

As tra v’ad er jeet, as er n’eamagh er yn agglish cooidjagh, hug ad coontey daue jeh ooilley ny va Jee er n’yannoo roo, as kys v’eh er vosley dorrys y chredjue da ny Ashoonee.

Jannoo 14:28

As duirree ad ry‐foddey dy earish ayns shen, marish ny Creesteenyn.

Jannoo 18:27

As tra v’eh kiarit dy gholl er e hoshiaght gys Achaia, scrieu ny braaraghyn lesh coyrlaghey da ny Creesteenyn dy yannoo soiaghey mooar jeh: as erreish da v’er jeet, hug eh dy mie er nyn doshiaght adsyn v’er chredjal trooid grayse.

Jannoo 19:9

Agh tra daase shiartanse jeu roonagh, as mee‐chredjuagh, loayrt dy lûnagh noi yn credjue shen kiongoyrt rish y pobble, hug eh cooyl roo, as scarrey ny Creesteenyn voue, dynsee eh gagh laa ayns schoill fer va enmyssit Tyrannus.

Jannoo 20:1

As erreish da’n irree‐magh shoh ve ec fea, deïe Paul er ny Creesteenyn huggey, as daag eh bannaght oc, as jimmee eh roish dy gholl gys Macedonia.

Jannoo 20:30

Myrgeddin nyn mast’ eu hene nee deiney girree seose, loayrt goan kialgagh, dy chleaynaghey daue hene fir‐eiyrtee.

Jannoo 21:4

As son dy dooar shin Creesteenyn ayns shen, duirree shin mâroo shiaght laa: as choyrlee ad Paul trooid y Spyrryd, gyn eh dy gholl seose gys Jerusalem.

Jannoo 26:28

Eisht dooyrt Agrippa rish Paul, T’ou faggys er my choyrlaghey dy ve my Chreestee.

Jannoo 6:1

As ayns ny laghyn shen tra va earroo ny credjuee er nyn mishaghey, hug ny Grecianee stiagh plaiynt noi ny Hebrewnyn, son dy row ny mraane‐treoghe oc faagit magh gyn ayrn jeh’n ghiastyllys gagh‐laa.

Jannoo 6:5

As by‐haittyn lesh y cheshaght y raa shoh: as reih ad Steaon, dooinney va lane dy chredjue as jeh’n Spyrryd Noo, as Philip as Prochorus, as Nicanor, as Timon, as Parmenas, as Nicolas proselyte veih Antioch.

Jannoo 9:19

As tra v’eh er n’ghoaill beaghey, v’eh er ny niartaghey. Eisht duirree Saul shiartanse dy laghyn marish ny credjuee v’ayns Damascus.

Jannoo 9:38

As son wheesh as dy row Lydda er‐gerrey da Joppa, as dy row ny credjuee er chlashtyn dy row Peddyr ayns shen, hug ad huggey daa ghooinney, guee er eh dy heet huc ayns dy chooilley hiyr.

1 Corinthianee 11:18

Son hoshiaght ooilley, tra ta shiu cheet cooidjagh ayns y cheeill, ta mee clashtyn dy vel streeuaghyn nyn mast’ eu; as ayns ayrn ta mee credjal eh.

1 Corinthianee 12:12

Son ’naght myr ta’n corp unnane, as e oltyn ymmodee, as nagh vel ooilley oltyn yn un chorp shen, ga ymmodee, jannoo agh un chorp: er yn aght cheddin ta Creest.

1 Corinthianee 14:23

Shen‐y‐fa my ta’n slane cheeill er nyn jaglym cooidjagh ayns un voayl, as ad ooilley loayrt ayns glaraghyn joarree, as dy darragh stiagh adsyn nagh vel toiggal yn ghlare oc, ny credjal, nagh jir ad dy vel shiu ass nyn geeayl?

1 Corinthianee 4:17

Son yn oyr shoh ta mee er chur er chaghteraght hiu Timotheus, ta my vac graihagh, as firrinagh ayns y Chiarn, ver shiu ayns cooinaghtyn jeh ny raaidyn aym’s ta ayns Creest, myr ta mee gynsaghey dy chooilley raad ayns ooilley ny kialteenyn.

Ephesianee 3:15

Jehsyn ta’n slane lught‐thie ayns niau as er y thalloo er ny enmys.

Jamys 2:7

Nagh vel ad goltooan yn ennym ooasle shen ta enmyssit erriu?

1 Peddyr 4:14

My ta shiu oltooanit er coontey ennym Chreest, s’maynrey ta shiu; son ta’n spyrryd dy ghloyr, as dy Yee tannaghtyn erriu: er yn ayrn ocsyn t’eh oltooanit, agh er yn ayrn euish t’eh er ny ghloyraghey.

1 Peddyr 4:16

Ny‐yeih my ta dooinney erbee surranse myr Creestee, ny lhig da nearey ve er; agh lhig da Jee y ghloyraghey er y choontey shoh.

1 Ean 2:27

Agh ta’n ooillaghey ta shiu er gheddyn veihsyn, tannaghtyn ayndiu: as cha vel feme eu dooinney erbee dy ynsaghey shiu: Agh myr ta’n ooillaghey cheddin gynsaghey shiu mychione dy chooilley nhee, as dy nee’n irriney eh, as cha nee breg: as dy jarroo myr t’eh er n’ynsaghey shiu, nee shiu tannaghtyn aynsyn.

Ashlish 3:18

Ta mee cur coyrle dhyt dy chionnaghey voym airh er ny phrowal ’syn aile, dy vod oo ve berchagh; as coamrey gial, dy vod oo ve coodit, as nagh bee dty nearey er ny akin; as jean dty hooillyn y ooillaghey lesh shelliu‐sooilley, dy vod oo fakin.