Jannoo 11:20 - Yn Conaant Noa 1810

²⁰ As va paart jeu deiney veih Cyprus as Cyrene, as tra va’d er jeet gys Antioch loayr ad rish ny Grecianee, preacheil yn Chiarn Yeesey.

Yn Vible Casherick 1775 1819

²⁰ As va paart jeu deiney veih Cyprus as Cyrene, as tra v’ad er jeet gys Antioch loayr ad rish ny Grecianee, preacheil yn Chiarn Yeesey.

Jannoo 11:20 ပူးပေါင်းရင်းမြစ်များ

Noo Mian 27:32

As myr haink ad magh, hooar ad dooinney jeh Cyrene, enmyssit Simon: eshyn d’êginee ad dy ymmyrkey yn chrosh mârish.

Noo Ean 7:35

Eisht dooyrt ny Hewnyn nyn mast’ oc hene, C’raad hed eh, nagh vow mayd eh? jed eh gys ny Hewnyn t’er nyn skeayley mastey ny Ashoonee, as adsyn y ynsaghey?

Jannoo 11:19

Nish va’n vooinjer v’er nyn skeayley magh, kyndagh rish y tranlaase va jeant er coontey Steaon er droailt choud as Phenice, as Cyprus, as Antioch, as cha ren ad yn goo y phreacheil da unnane erbee agh ynrycan da ny Hewnyn.

Jannoo 11:22

Eisht haink naightyn jeh ny reddyn shoh gys clashtyn yn agglish va ec Jerusalem: as hug ad magh Barnabas dy gholl gys Antioch.

Jannoo 11:26

As haink eh gy‐kione dy duirree ad choud as bleïn ayns shen ayns sheshaght ny hagglish, as dy dynsee ad ymmodee dy leih; as va ny credjuee enmyssit Creesteenyn hoshiaght ayns Antioch.

Jannoo 11:27

As ayns ny laghyn shen haink phadeyryn veih Jerusalem gys Antioch.

Jannoo 13:1

Nish va ayns yn agglish va ec Antioch, shiartanse dy adeyryn as dy ir‐ynsee; myr Barnabas, as Simeon va enmyssit Niger, as Lucius yn Cyrenian, as Manaen va troggit marish Herod yn tetrarch, as Saul.

Jannoo 14:26

As veih shen ghow ad lhuingys gys Antioch, voish v’ad er ve chymnit gys grayse Yee, son yn obbyr v’ad dy chooilleeney.

Jannoo 15:22

Eisht yeeagh ny ostyllyn as y chanstyr, as y slane agglish er dy ve ymmyrchagh dy chur deiney reiht jeh’n cheshaght oc hene gys Antioch, marish Paul as Barnabas, ta shen dy ghra, Judas sliennooit Barsabas, as Silas, ard‐gheiney mastey ny braaraghyn:

Jannoo 15:23

As hug ad screeuyn lhieu er yn aght shoh, Ta ny ostyllyn, as y chanstyr, as ny braaraghyn cur bannaght gys ny braaraghyn ta jeh ny Ashoonee ayns Antioch, as Syria as Cilicia.

Jannoo 15:30

Myr shen tra v’ad er lhiggey yn raad daue, haink ad gys Antioch: as cha leah as va’n cheshaght er nyn jaglym cooidjagh, livrey ad ny screeuyn.

Jannoo 17:18

Eisht hoie shiartanse jeh fir‐ynsee ny Epicureanee as ny Stoickyn er: as dooyrt paart jeu, Cre t’ec yn veealerey shoh dy ghra? Dooyrt feallagh elley, T’eh myr dy baillish goaill er‐dy hoiaghey seose Jeeghyn noa: er‐yn‐oyr dy row eh preacheil daue Yeesey, as yn irree‐seose‐reesht.

Jannoo 18:22

As tra v’eh er jeet er thalloo ec Cesarea, as er gholl seose, as er vannaghey da’n agglish, hie eh sheese gys Antioch.

Jannoo 2:10

Phrygia as Pamphylia ayns Egypt, as ardjyn Lybia mygeayrt Cyrene, as joarreeyn veih yn Raue, Hewnyn as Proselytyn,

Jannoo 4:36

As Joses, va liorish ny ostyllyn sliennooit Barnabas (ta shen dy ghra ’sy ghlare ainyn, Mac ny gerjee) va ny Levite, as jeh cheer Cyprus,

Jannoo 5:42

As gagh laa ayns y chiamble, as veih thie dy thie cha scuirr ad dy ynsaghey as dy phreacheil Yeesey Creest.

Jannoo 6:1

As ayns ny laghyn shen tra va earroo ny credjuee er nyn mishaghey, hug ny Grecianee stiagh plaiynt noi ny Hebrewnyn, son dy row ny mraane‐treoghe oc faagit magh gyn ayrn jeh’n ghiastyllys gagh‐laa.

Jannoo 6:5

As by‐haittyn lesh y cheshaght y raa shoh: as reih ad Steaon, dooinney va lane dy chredjue as jeh’n Spyrryd Noo, as Philip as Prochorus, as Nicanor, as Timon, as Parmenas, as Nicolas proselyte veih Antioch.

Jannoo 6:9

Eisht dirree shiartanse jeh yn synagogue ta enmyssit ny Libertinee, as jeh ny Cyrenianee, as Alexandrianee, as jeusyn jeh Cilicia as Asia, pleadeil rish Steaon.

Jannoo 8:35

Eisht doshil Philip e veeal, as ghow eh toshiaght ec y scriptyr cheddin, as ren eh Yeesey y phreacheil da.

Jannoo 8:5

Agh hie Philip sheese gys ard‐valley Samaria, as ren eh Creest y phreacheil daue.

Jannoo 9:20

As chelleeragh ren eh Creest y phreacheil ayns ny kialteenyn, dy nee Mac Yee eh.

Jannoo 9:29

As loayr eh lesh dunallys ayns ennym y Chiarn Yeesey, as ren eh pleadeil rish ny Grecianee: agh ghow adsyn ayns laue dy varroo eh.

1 Corinthianee 2:2

Son va mee kiarit gyn dy hoiggal nhee erbee ny mast’ eu, agh Yeesey Creest, as eshyn er ny chrossey.

Galatianee 2:11

Agh tra va Peddyr er jeet gys Antioch, hug mee eddin da, er‐yn‐oyr dy row eh foiljagh.

Ephesianee 3:8

Dooys, ta’n fer sloo jeh ooilley ny nooghyn, ta’n ghrayse shoh er ny choyrt, dy beïgns dy phreacheil mastey ny Ashoonyn‐quaagh berchys Chreest nagh vod ve ronsit magh;