Jannoo 10:45 - Yn Conaant Noa 1810

⁴⁵ As ghow mooinjer yn ghiarey‐chymmylt va er chredjal, yindys mooar, whilleen as haink marish Peddyr, son er ny Ashoonee myrgeddin dy row gioot y Spyrryd Noo er ny gheayrtey magh.

Yn Vible Casherick 1775 1819

⁴⁵ As ghow mooinjer yn ghiarey-chymmylt va er chredjal, yindys mooar, whilleen as haink marish Peddyr, son er ny Ashoonee myrgeddin dy row gioot y Spyrryd Noo er ny gheayrtey magh.

Jannoo 10:45 ပူးပေါင်းရင်းမြစ်များ

Jannoo 10:23

Eisht deïe eh orroo stiagh, as hooar eh aaght daue. As laa ny vairagh jimmee Peddyr mâroo, as hie myrgeddin shiartanse jeh ny braaraghyn mârish veih Joppa.

Jannoo 11:2

As tra va Peddyr er jeet seose gys Jerusalem, hooar ny Hewnyn va er chredjal foill da,

Jannoo 11:3

Gra, Ren oo shehaght rish deiney chymmyltagh, as ghow oo beaghey mâroo.

Jannoo 2:33

Shen‐y‐fa myr t’eh er ny ghoaill seose liorish laue‐yesh Yee, as er gheddyn veih yn Ayr gialdyn yn Spyrryd Noo, t’eh er gheayrtey magh shoh ta shiuish nish fakin as clashtyn.

Jannoo 2:38

Eisht dooyrt Peddyr roo, Gow‐jee arrys as bee‐jee er nyn mashtey dy chooilley unnane eu ayns ennym Yeesey Creest, son leih peccaghyn, as yiow shiu gioot y Spyrryd Noo.

Romanee 5:5

As cha vel treishteil jannoo shin lhag‐chreeagh, er‐y‐fa dy vel graih Yee deayrtit magh ayns nyn greeaghyn, liorish yn Spyrryd Noo t’er ny choyrt dooin.

Galatianee 2:15

Shinyn ta nyn Hewnyn liorish dooghys, as cha nee peccee jeh ny Ashoonee,

Ephesianee 2:11

Shen‐y‐fa cooinee‐jee myr va shiu ayns traa dy row Ashoonee ayns yn eill, ta enmyssit an‐ghiarey‐chymmylt, liorish shen ta enmyssit giarey‐chymmylt ayns yn eill jeant liorish laueyn;