Jannoo 10:38 - Yn Conaant Noa 1810

³⁸ Kys dy ren Jee Yeesey dy Nazareth y ooillaghey lesh y Spyrryd Noo, as lesh pooar; eh hie mygeayrt jannoo mie; as slaanaghey ooilley adsyn va seaghnit liorish y drogh‐spyrryd: son va Jee mârish.

Yn Vible Casherick 1775 1819

³⁸ Kys dy ren Jee Yeesey dy Nazareth y ooilaghey lesh y Spyrryd Noo, as lesh pooar; eh hie mygeayrt jannoo mie; as slaanaghey ooilley adsyn va seaghnit liorish y drogh-spyrryd: son va Jee mârish.

Jannoo 10:38 ပူးပေါင်းရင်းမြစ်များ

Noo Mian 12:15

Agh tra va fys ec Yeesey er, jimmee eh veih shen: as deiyr earrooyn mooarey dy leih er, as ren eh ad ooilley y lheihys.

Noo Mian 12:28

Agh my ta mish liorish spyrryd Yee castey drogh‐spyrrydyn, eisht ta reeriaght Yee er jeet hiuish.

Noo Mian 9:19

As hrog Yeesey, as deiyr eh er, as myr shen ren e ynseydee.

Noo Mian 9:35

As hie Yeesey mygeayrt ooilley ny ard‐valjyn as ny baljyn‐cheerey oc, gynsaghey ayns ny kialteenyn oc, as preacheil sushtal yn reeriaght, as lheihys dy chooilley hingys, as dy chooilley ghoghan mastey’n pobble.

Noo Mark 6:6

As ghow eh yindys jeh’n vee‐chredjue oc. As hie eh mygeayrt ny baljyn‐cheerey oc gynsaghey.

Noo Luke 3:22

As haink y Spyrryd Noo neose er, myr ayns cummey dooghyssagh calmane, as haink coraa veih niau, gra, Oo my vac ennoil, jeed ta mee dy mooar soiaghey.

Noo Luke 4:18

Ta spyrryd y Chiarn orrym’s, er‐y‐fa dy vel eh er my ooillaghey dy phreacheil y sushtal gys ny boghtyn, t’eh er my choyrt dy laanaghey yn vooinjer hrome‐chreeagh, dy phreacheil livrey‐ys gys ny cap‐peeyn, dy chur soilshey da ny doail, as reamys dauesyn ta broojit,

Noo Luke 9:42

As myr v’eh foast cheet, cheau yn drogh‐spyrryd sheese eh ayns strepyn: agh vaggyr Yeesey er y spyrryd neu‐ghlen, as laanee eh yn lhiannoo, as livrey eh eh reesht gys e ayr.

Noo Luke 9:56

Son cha vel Mac yn dooinney er jeet dy stroie bioys deiney, agh dy nyn sauail. As hie ad roue gys balley elley.

Noo Ean 10:32

Dreggyr Yeesey ad, Shimmey yn obbyr vie ta mee er hoilshaghey diu veih my Ayr; son quoi jeh ny obbraghyn cheddin ta shiu ry‐hoi m’y chlaghey?

Noo Ean 16:32

Cur‐my‐ner ta’n oor cheet, as eer nish er jeet, dy bee shiu er nyn skeayley dy chooilley ghooinney gys e ynnyd hene, as dy vaag shiu mish my lomarcan: as foast cha vel mee my lomarcan, er‐y‐fa dy vel yn Ayr mârym.

Noo Ean 3:2

Haink eh shoh gys Yeesey ayns yn oie, as dooyrt eh rish, Rabbi, ta fys ain dy nee fer‐ynsee oo t’er jeet veih Jee: son cha vod dooinney erbee ny mirrilyn shen y yannoo t’ou uss dy yannoo, mannagh bee Jee mârish.

Noo Ean 3:34

Son t’eshyn ta Jee er choyrt, loayrt goan Yee: son cha nee liorish towse ta Jee cur y Spyrryd da.

Noo Ean 6:27

Ny bee‐jee imneagh son y beaghey ta cherraghtyn, agh son y beaghey shen ta tannaghtyn gys y vea veayn, nee yn Mac dooinney y choyrt diu: son eshyn ta Jee yn Ayr er chowraghey.

Jannoo 10:37

Yn goo shen (ta mee gra) ta fys euish dy row eh er ny hoilshaghey magh trooid ooilley Judea, as dy ghow eh toshiaght veih Galilee, lurg y bashtey ren Ean y phreacheil;

Jannoo 2:22

Gheiney Israel, eaisht‐jee rish ny goan shoh; Yeesey dy Nazareth, dooinney ren Jee soiaghey jeh nyn mast’ eu, liorish mirrilyn, as yindyssyn as cowraghyn, dobbree Jee liorishyn ayns yn enish eu, myr s’mie fys myrgeddin eu hene:

Hebrewnee 1:9

T’ou er choyrt graih da cairys, as feoh da mee‐chairys; shen‐y‐fa ta Jee, dy jarroo yn Jee ayd’s, er dty ooillaghey lesh yn ooil dy ghennallys erskyn dy heshaghyn.

1 Peddyr 5:8

Bee‐jee sheelt, bee‐jee er nyn arrey; er‐yn‐oyr dy vel y noid eu yn drogh‐spyrryd myr lion buirroogh, shooyl mygeayrt, shirrey quoi oddys eh y stroie:

1 Ean 2:20

Agh ta shiu er ny ooillaghey liorish y fer casherick, as toiggal eu ayns dy chooilley nhee.

1 Ean 3:8

Eshyn ta jannoo peccah, t’eh jeh’n drogh‐spyrryd; son ta’n drogh‐spyrryd kyndagh jeh peccah er‐dyn toshiaght. Son yn oyr shoh va Mac Yee er ny hoilshaghey, dy voddagh eh cur mow obbraghyn y drogh‐spyrryd.