Jannoo 10:32 - Yn Conaant Noa 1810

³² Cur fys er‐y‐fa shen gys Joppa, dy eamagh er Simon ta sliennooit Peddyr; t’eh goaill aaght ayns thie Simon yn tanner, rish oirr ny marrey: as tra hig eh, loayree eh rhyt.

Yn Vible Casherick 1775 1819

³² Cur fys er-y-fa shen gys Joppa, dy eamagh er Simon ta sliennooit Peddyr; t’eh goaill aaght ayns thie Simon yn tanner, rish oirr ny marrey: as tra hig eh, loayree eh rhyt.

Jannoo 10:32 ပူးပေါင်းရင်းမြစ်များ

Noo Ean 18:28

Eisht hug ad lhieu Yeesey veih Caiaphas gys halley ny briwnys: as ve moghey, as cha jagh ad hene stiagh ayns halley ny briwnys, er‐aggle dy beagh ad an‐chasherick; as nagh voddagh ad yn Eayncaisht y ee.

Noo Ean 4:9

Eisht dooyrt y ven dy Samaria rish, Kys dy vel uss, ta dty Hew, shirrey jough orrym’s, ta my ven dy Samaria? son cha vel veg y dellal ec ny Hewnyn rish ny Samaritanee.

Jannoo 10:31

As dooyrt eh, Cornelius, ta dty phadjer er ny chlashtyn, as dty yeirk freilt ayns cooinaghtyn fenish Jee.

Jannoo 10:33

Chelleeragh er‐y‐fa shen hug mee fys ort: as t’ou er n’yannoo dy mie dy vel oo er jeet. Nish er‐y‐fa shen ta shin ooilley ayns shoh kionfenish, kiongoyrt rish Jee, dy chlashtyn dy chooilley nhee ta Jee er n’oardaghey dhyt.

Jannoo 10:5

As nish chur chaghteryn gys Joppa, as cur fys er Simon ta sliennooit Peddyr:

Jannoo 11:14

Eh nee goan y hoilshaghey dhyt, lioroo bee oo hene as ooilley dty hie er nyn sauail.

Jannoo 11:3

Gra, Ren oo shehaght rish deiney chymmyltagh, as ghow oo beaghey mâroo.

Jannoo 15:7

As erreish daue v’er ve foddey resooney, dirree Peddyr seose, as dooyrt eh roo, Gheiney as vraaraghyn, ta fys eu foddey er‐dy‐henney, dy ren Jee reih y yannoo nyn mast’ ain, dy row ny Ashoonee veih my veeal’s dy chlashtyn goo yn tushtal, as dy chredjal.

Jannoo 16:9

As honnick Paul ashlish ayns yn oie; Hass dooinney jeh Macedonia liorish, as ghuee eh er, gra, Tar noon gys Macedonia, as coon lhien.

Jannoo 9:43

As haink eh gy‐kione, dy duirree eh ymmodee laghyn ayns Joppa marish tanner dy row va enmyssit Simon.

Jannoo 9:6

As v’eh er‐creau as fo atchim, as dooyrt eh, Hiarn, cre bailt mee dy yannoo? As dooyrt y Chiarn rish, Irree, as gow gys yn ard‐valley, as bee eh inshit dhyt cre ta ort dy yannoo.