Jannoo 10:23 - Yn Conaant Noa 1810

²³ Eisht deïe eh orroo stiagh, as hooar eh aaght daue. As laa ny vairagh jimmee Peddyr mâroo, as hie myrgeddin shiartanse jeh ny braaraghyn mârish veih Joppa.

Yn Vible Casherick 1775 1819

²³ Eisht deïe eh orroo stiagh, as hooar eh aaght daue. As laa-ny-vairagh jimmee Peddyr mâroo, as hie myrgeddin shiartanse jeh ny braaraghyn mârish veih Joppa.

Jannoo 10:23 ပူးပေါင်းရင်းမြစ်များ

Jannoo 1:15

As ayns ny laghyn shen hass Peddyr seose mastey fir‐eiyrtee [Yeesey] as dooyrt eh (va earroo ny henmyn cooidjagh mysh shey‐feed)

Jannoo 10:29

As she shoh va’n oyr dy vel mee er jeet hiu dy arryltagh, cha leah as hug shiu fys orrym: baillym er‐y‐fa shen shiu dy insh dou cre’n oyr hug shiu fys orrym.

Jannoo 10:33

Chelleeragh er‐y‐fa shen hug mee fys ort: as t’ou er n’yannoo dy mie dy vel oo er jeet. Nish er‐y‐fa shen ta shin ooilley ayns shoh kionfenish, kiongoyrt rish Jee, dy chlashtyn dy chooilley nhee ta Jee er n’oardaghey dhyt.

Jannoo 10:45

As ghow mooinjer yn ghiarey‐chymmylt va er chredjal, yindys mooar, whilleen as haink marish Peddyr, son er ny Ashoonee myrgeddin dy row gioot y Spyrryd Noo er ny gheayrtey magh.

Jannoo 11:12

As doardee yn Spyrryd dou goll mâroo, fegooish mee‐ourys erbee. As haink ny shey braaraghyn shoh ry heshaght mârym, as hie shin stiagh ayns thie yn dooinney:

Jannoo 28:15

As veih shen, tra cheayll ny braaraghyn j’in, haink ad magh nyn guail choud as Appii‐forum, as ny Three thieyn‐oast: as tra honnick Paul ad, hug eh booise da Jee, as ghow eh dunnallys.

Jannoo 9:36

Nish va ec Joppa ben dy row jeh’n chredjue, yiarragh ad Tabitha r’ee, er aght elley Dorcas: va’n ven shoh berchagh ayns obbraghyn mie as giastyllys gys ny boghtyn.

Jannoo 9:38

As son wheesh as dy row Lydda er‐gerrey da Joppa, as dy row ny credjuee er chlashtyn dy row Peddyr ayns shen, hug ad huggey daa ghooinney, guee er eh dy heet huc ayns dy chooilley hiyr.

Jannoo 9:42

As va shoh er ny hoilshaghey magh trooid ooilley Joppa; as ren ymmodee credjal ayns y Chiarn.

2 Corinthianee 8:21

Kiarail ro‐laue reddyn onneragh, cha nee ny lomarcan ayns shilley’n Chiarn, agh myrgeddin ayns shilley gheiney.

Hebrewnee 13:2

Ny jarrood‐jee dy choyrt oltagh‐bea da joarreeyn: son liorish ta paart er choyrt oltagh‐bea da ainleyn gyn‐yss daue hene.

1 Peddyr 4:9

Cur‐jee oltaghey‐bee yn derrey yeh da’n jeh elley fegooish mooaraghey.