Jannoo 10:22 - Yn Conaant Noa 1810

²² As dooyrt adsyn Cornelius yn centurion, dooinney cairagh, as beaghey ayns aggle Yee, as jeh goo mie mastey slane ashoon ny Hewnyn, t’eh er gheddyn raaue veih Jee liorish ainle casherick, dy chur fys ort’s gys e hie, dy eaishtagh rish dty ghoan.

Yn Vible Casherick 1775 1819

²² As dooyrt adsyn, Cornelius yn centurion, dooinney cairagh, as baghey ayns aggle Yee, as jeh goo mie mastey slane ashoon ny Hewnyn, t’eh er gheddyn raaue veih Jee liorish ainle casherick, dy chur fys ort’s gys e hie, dy eaishtagh rish dty ghoan.

Jannoo 10:22 ပူးပေါင်းရင်းမြစ်များ

Noo Mian 1:19

As myr va Joseph e sheshey ny ghooinney cairal, as neu‐wooiagh dy choyrt ee gys nearey foshlit, v’eh smooinaghtyn dy scarrey r’ee dy follit.

Noo Mian 2:12

As myr va Jee er chur raaue daue ayns ashlish, gyn ad dy hyndaa gys Herod, ghow ad raad elley gys nyn jeer hene.

Noo Mark 6:20

Son va Herod ayns ammys Ean, toiggal dy row eh ny ghooinney cairagh as crauee, as hug eh geill da, as er y choyrle echey v’eh er n’yannoo ymmodee reddyn, as deaisht eh rish dy arryltagh.

Noo Mark 8:38

Quoi‐erbee er‐y‐fa shen ghoys nearey roym’s, as roish my ghoan, ayns y cheeloghe foalsey as peccoil shoh, roishyn myrgeddin ghoys Mac y dooinney nearey, tra hig eh ayns gloyr e Ayrey, as ny ainleyn casherick mârish.

Noo Luke 2:25

As cur‐my‐ner va dooinney ayns Jerusalem va enmyssit Simeon; as va’n dooinney cheddin cairagh as crauee, farkiaght son gerjagh Israel: as va’n Spyrryd Noo ersyn.

Noo Luke 23:50

As cur‐my‐ner va dooinney va enmyssit Joseph, va ny er‐coyrlee, as ny ghooinney mie as cairagh:

Noo Luke 9:26

Son quoi‐erbee ghoys nearey jeem’s, as jeh my ghoan, jehsyn ghoys yn Mac dooinney nearrey tra hig eh ayns e ghloyr hene, as gloyr e Ayrey, as ny ainleyn casherick.

Noo Ean 13:20

Dy firrinagh firrinagh ta mee gra riu, Eshyn ta jannoo soiagh jeh quoi‐erbee ta mee dy choyrt, t’eh jannoo soiagh jeem’s: as eshyn ta soiaghey jeem’s, t’eh soiaghey jehsyn t’er my choyrt.

Noo Ean 17:20

Chamoo ta mee guee er ny son oc shoh nyn lomarcan, agh myrgeddin er ny son ocsyn nee credjal aynym’s trooid y goo oc.

Noo Ean 17:8

Son hug mish dauseyn ny goan hug uss dooys; as t’ad er ghoaill huc hene ad, as er hoiggal ayns shickyrys dy daink mee magh voïds, as t’ad er chredjal dy ren oo my choyrt.

Noo Ean 5:24

Dy firrinagh firrinagh ta mee gra riu, Eshyn ta clashtyn my ghoo’s, as credjal aynsyn t’er my choyrt, ta’n vea ta dy bragh farraghtyn echey, as cha jig eh gys coayl‐anmey: agh t’eh er gholl veih baase gys bea.

Noo Ean 6:63

She yn spyrryd ta bioghey, cha vel yn eill jannoo veg y vie: ny goan ta mish dy loayrt riu, t’ad spyrryd as t’ad bea.

Noo Ean 6:68

Eisht dreggyr Simon Peddyr eh, Hiarn, quoi gys hem mayd? ayd’s ta goan y vea veayn.

Jannoo 10:2

Dooinney crauee, as beaghey ayns aggle Yee, eh hene as ooilley e hie, as v’eh cur mooarane jeirk da’n pobble, as dy mennick ayns padjer gys Jee.

Jannoo 10:21

Eisht hie Peddyr sheese gys ny chaghteryn haink huggey veih Cornelius; as dooyrt eh, Cur‐my‐ner, Mish eh ta shiu dy hirrey: cre’n eilkin t’eu rhym’s dy vel shiu er jeet?

Jannoo 10:30

As dooyrt Cornelius, Kiare laa er‐dy‐henney va mish my hrostey derrey mysh y traa shoh dy laa, as ec yn nuyoo oor ghow mee padjer ayns my hie, as cur‐my‐ner hass dooinney kiongoyrt rhym ayns coamrey sollys,

Jannoo 10:33

Chelleeragh er‐y‐fa shen hug mee fys ort: as t’ou er n’yannoo dy mie dy vel oo er jeet. Nish er‐y‐fa shen ta shin ooilley ayns shoh kionfenish, kiongoyrt rish Jee, dy chlashtyn dy chooilley nhee ta Jee er n’oardaghey dhyt.

Jannoo 10:6

T’eh goaill aaght marish Simon yn tanner, ta’n thie echey rish oirr ny marrey: inshee eshyn dhyt cre ta ort dy yannoo.

Jannoo 11:14

Eh nee goan y hoilshaghey dhyt, lioroo bee oo hene as ooilley dty hie er nyn sauail.

Jannoo 22:12

As haink hym fer dy row enmyssit Ananias, dooinney crauee cordail rish y leigh, echey va goo mie veih ooilley ny Hewnyn va cummal ayns shen,

Jannoo 24:15

As ta treishteil aym gys Jee, shen t’ad hene myrgeddin dy lowal, dy bee ayn irree‐seose‐reesht jeh ny merriu, chammah jeh cairagh as neu‐chairagh.

Jannoo 6:3

Shen‐y‐fa, vraaraghyn, jeeagh‐jee magh ny mast’ eu hene, son shiaght deiney dy ghoo mie, lane jeh’n Spyrryd Noo as jeh creenaght, dooinyn dy choyrt yn currym shoh orroo.

Romanee 1:17

Son ayns shen ta firrinys Yee er ny hoilshaghey veih credjue gys credjue: myr te scruit, Bee’n fer cairagh bio liorish credjue.

2 Corinthianee 5:18

As ta dy chooilley nhee veih Jee, ta er choardail shinyn rish hene liorish Yeesey Creest, as ta er livrey dooin shirveish y choardail;

1 Timothy 3:7

Shegin da myrgeddin goo mie ve echey vouesyn ta mooie; er‐aggle dy duitt eh fo scammylt, as ribbey yn drogh‐spyrryd.

Hebrewnee 10:38

Son bee’n dooinney cairagh er ny hauail liorish credjue: agh my ver dooinney erbee cooyl gys y chredjue, cha gow m’annym veg y taitnys ayn.

Hebrewnee 11:2

Son liorish ren ny shenn‐ayryn cosney goo mie.

Hebrewnee 12:23

Gys y slane chaglym‐cooidjagh as agglish ny chied nooghyn, ta recortyssit ayns niau, as gys Jee yn briw harrish ooilley, as gys spyrrydyn deiney mie ayns flaunys,

2 Peddyr 3:2

Dy vod shiu freayll ayns nyn aigney ny goan v’er nyn loayrt roish nish liorish ny phadeyryn casherick, as yn oardagh ainyn ostyllyn y Chiarn as Saultagh:

3 Ean 1:12

Ta goo mie ec Demetrius veih dy chooilley ghooinney, as veih’n irriney hene: dy jarroo, as ta shinyn myrgeddin gymmyrkey feanish, as ta fys eu dy vel y feanish ainyn firrinagh.

Ashlish 14:10

Nee’n fer cheddin giu jeh feeyn corree Yee, er ny lhieeney da gyn meenaghey dy vyghin, ayns cappan e yymmoose; as bee eh er ny horchaghey lesh aile as brimstone, kionfenish ny ainleyn casherick, as kiongoyrt rish yn Eayn: