Jannoo 10:19 - Yn Conaant Noa 1810

¹⁹ Choud as va Peddyr smooinaghtyn er yn ashlish, dooyrt y Spyrryd rish, Cur‐my‐ner, ta three deiney briaght er dty hon.

Yn Vible Casherick 1775 1819

¹⁹ Choud as va Peddyr smooinaghtyn er yn ashlish, dooyrt y Spyrryd rish, Cur-my-ner, ta three deiney briaght er dty hon.

Jannoo 10:19 ပူးပေါင်းရင်းမြစ်များ

Noo Ean 16:13

Agh tra hig eshyn, Spyrryd ny firriney, leeidee eh shiu gys dy chooilley irrinys: son cha loayr eh jeh hene, agh cre‐erbee nee eh y chlashtyn, shen loayrys eh; as soilshee eh diu reddyn ta ry‐heet.

Jannoo 10:18

As deïe ad, as dênee ad row Simon va sliennooit Peddyr goaill aaght ayns shen.

Jannoo 10:3

Honnick eh shoh ayns ashlish dy baghtal, mysh yn nuyoo oor jeh’n laa, ainle dy Yee cheet stiagh huggey, as gra rish, Cornelius.

Jannoo 11:12

As doardee yn Spyrryd dou goll mâroo, fegooish mee‐ourys erbee. As haink ny shey braaraghyn shoh ry heshaght mârym, as hie shin stiagh ayns thie yn dooinney:

Jannoo 13:2

As myr v’ad shirveish gys y Chiarn as trostey, dooyrt y Spyrryd Noo, Reih‐jee magh dooys Barnabas as Saul, son yn obbyr huggey ta mee er n’eamagh ad.

Jannoo 15:7

As erreish daue v’er ve foddey resooney, dirree Peddyr seose, as dooyrt eh roo, Gheiney as vraaraghyn, ta fys eu foddey er‐dy‐henney, dy ren Jee reih y yannoo nyn mast’ ain, dy row ny Ashoonee veih my veeal’s dy chlashtyn goo yn tushtal, as dy chredjal.

Jannoo 21:4

As son dy dooar shin Creesteenyn ayns shen, duirree shin mâroo shiaght laa: as choyrlee ad Paul trooid y Spyrryd, gyn eh dy gholl seose gys Jerusalem.

Jannoo 8:29

Eisht dooyrt y Spyrryd rish Philip, Immee er‐gerrey as jean sheshaght rish yn ainagh shoh.

1 Corinthianee 12:11

Agh ad shoh ooilley ta’n un as yn eer Spyrryd cheddin gobbraghey, rheynn er dy chooilley ghooinney er‐lheh myr saillish hene.

1 Timothy 4:1

Nish ta’n Spyrryd ginsh dy plain, dy jean paart ayns ny laghyn s’jerree tuittym veih’n chredjue, coyrt geill da spyrrydyn molteyragh, as ynsagh drogh‐spyrrydyn;