Jannoo 1:5 - Yn Conaant Noa 1810

⁵ Son ren Ean dy firrinagh bashtey lesh ushtey; agh bee shiuish ayns traa gerrit er nyn mashtey lesh y Spyrryd Noo.

Yn Vible Casherick 1775 1819

⁵ Son ren Ean dy firrinagh bashtey lesh ushtey; agh bee shiuish ayns traa gerrit er nyn mashtey lesh y Spyrryd Noo.

Jannoo 1:5 ပူးပေါင်းရင်းမြစ်များ

Noo Mian 3:11

Ta mish dy jarroo bashtey shiu lesh ushtey gys arrys: agh t’eshyn ta cheet my‐yeï ny s’pooaral na mish, ny braggyn echey cha vel mee feeu dy ymmyrkey: bashtee eshyn shiu lesh y Spyrryd Noo as lesh aile.

Noo Mian 3:6

As goaill‐rish ny beccaghyn v’ad er nyn mashtey liorish ayns Jordan.

Noo Mark 1:8

Ta mish dy jarroo er vashtey shiu lesh ushtey: agh bashtee eshyn shiu lesh y Spyrryd Noo.

Noo Luke 3:16

Dreggyr Ean as dooyrt eh roo ooilley, Ta mish dy jarroo bashtey shiu lesh ushtey; agh ta fer s’pooaral na mish cheet, kiangley ny braagyn echey cha vel mee feeu dy eaysley: nee eshyn shiu y vashtey lesh y Spyrryd Noo, as lesh aile.

Noo Ean 1:26

Dreggyr Ean ad, gra, Ta mish bashtey lesh ushtey: agh ta fer shassoo nyn mast’ eu, nagh vel enney eu er;

Noo Ean 1:31

As cha row enney aym’s er: agh dy beagh eh er ny hoilshaghey da Israel, shen‐y‐fa haink mish bashtey lesh ushtey.

Noo Ean 1:33

As cha dug mish enney er: agh eshyn ren mish y choyrt dy vashtey lesh ushtey, dooyrt eh shen rhym, Ersyn hee oo yn Spyrryd cheet neose as tannaghtyn er, shen eh ta bashtey lesh y Spyrryd Noo.

Jannoo 10:45

As ghow mooinjer yn ghiarey‐chymmylt va er chredjal, yindys mooar, whilleen as haink marish Peddyr, son er ny Ashoonee myrgeddin dy row gioot y Spyrryd Noo er ny gheayrtey magh.

Jannoo 19:4

Eisht dooyrt Paul, Ren Ean dy firrinagh shirveish yn bashtey dy arrys, coyrlaghey yn pobble, Ad dy chredjal aynsyn harragh ny yeï, ta shen, ayns Creest Yeesey.

1 Corinthianee 12:13

Son liorish un Spyrryd ta shin ooilley er nyn mashtey ayns un chorp, edyr shin ve Hewnyn ny Ashoonyn‐quaagh: edyr shin ve kianlt ny seyr: as ta shin ooilley er n’iu ayns yn un Spyrryd.

Titus 3:5

Cha nee liorish obbraghyn dy chairys, ta shin er n’yannoo, agh cordail rish e vyghin t’eh er hauail shin liorish niee yn aa‐ghiennaghtyn [ayns bashtey], as jannoo shin ass‐y‐noa liorish y Spyrryd Noo;