Jannoo 1:24 - Yn Conaant Noa 1810

²⁴ As ghow ad padjer, as dooyrt ad, Uss, Hiarn, ayd ta fys cre t’ayns cree dy chooilley ghooinney, soilshee quoi jeh’n jees shoh t’ou er reih.

Yn Vible Casherick 1775 1819

²⁴ As ghow ad padjer, as dooyrt ad, Uss, Hiarn, ayd ta fys cre t’ayns cree dy chooilley ghooinney, soilshee quoi jeh’n jees shoh t’ou er reih.

Jannoo 1:24 ပူးပေါင်းရင်းမြစ်များ

Noo Luke 16:15

As dooyrt eh roo, Shiuish yn vooinjer ta dy heyrey shiu hene kiongoyrt rish deiney: agh ta fys ec Jee er ny creeaghyn eu: son ta shen ta dy mooar soit jeh mastey deiney, feohdoil ayns shilley Yee.

Noo Ean 21:17

Dooyrt eh rish yn trass cheayrt, Simon mac Yonas, vel oo graihagh orrym? Va Peddyr mooar‐seaghnit dy dooyrt eh rish yn trass cheayrt, Vel oo graihagh orrym? As dooyrt eh rish, Hiarn, ta fys ayd’s er dy chooilley nhee; as fys ayd hene dy vel mee graihagh ort. Dooyrt Yeesey rish, Jeeagh dy mie da my chirree.

Jannoo 14:23

As tra v’ad er n’oardaghey shirveishee ayns ooilley ny kialteenyn, as er ghoaill padjer lesh trostey, ren ad y hymney ad gys y Chiarn, ayn v’ad er chredjal.

Jannoo 15:8

Agh dymmyrk Jee, fer‐fysseree ny creeaghyn, feanish lhieu, as hug eh daue yn Spyrryd Noo, myr hug eh dooinyn.

Jannoo 6:6

Ad shoh hoie ad kiongoyrt rish ny ostyllyn: as tra va’d er ghoaill padjer, hug ad nyn laueyn orroo.

Romanee 8:27

As ta fys echeysyn ta ronsaghey yn cree, cre ta aigney yn Spyrryd, er‐yn‐oyr dy veh eh jannoo accan ayns lieh ny nooghyn cordail rish aigney Yee.

Hebrewnee 4:13

Chamoo ta cretoor erbee keillit ayns e enish: agh ta dy chooilley nhee rooisht as foshlit gys ny sooillyn echeysyn, da ta shin dy choyrt coontey.

Ashlish 2:23

As stroie‐ym yn chloan eck lesh baase; as bee fys ec ooilley ny kialteenyn dy nee mish eh ta ronsaghey ny meeaghyn as y cree: as ver‐yms da dagh unnane eu cordail rish nyn obbraghyn.