Jannoo 1:2 - Yn Conaant Noa 1810

² Derrey’n laa v’eh er ny ghoaill seose, erreish da, trooid y Spyrryd Noo, v’er chur dagh nhee ayns currym da ny ostyllyn v’eh er reih.

Yn Vible Casherick 1775 1819

² Derrey’n laa v’eh er ny ghoaill seose, erreish da, trooid y Spyrryd Noo, v’er chur dagh nhee ayns currym da ny ostyllyn v’eh er reih.

Jannoo 1:2 ပူးပေါင်းရင်းမြစ်များ

Noo Mian 12:28

Agh my ta mish liorish spyrryd Yee castey drogh‐spyrrydyn, eisht ta reeriaght Yee er jeet hiuish.

Noo Mian 3:16

As lurg da Yeesey ve bashtit, hie eh seose jeeragh ass yn ushtey: as cur‐my‐ner va ny niaughyn er nyn vosley er‐e‐skyn, as honnick eh Spyrryd Yee cheet neose myr calmane, as soie er.

Noo Mark 6:30

As haink ny ostyllyn cooidjagh gys Yeesey, as dinsh ad da dy chooilley nhee, chammah cre v’ad er n’yannoo, as cre v’ad er n’ynsaghey.

Noo Luke 24:51

As haink eh gy‐kione, choud as v’eh dy vannaghey ad, dy row eh er ny s’carrey voue, as er ny hroggal seose gys niau.

Noo Luke 9:51

As haink eh gy‐kione, myr va’n traa tayrn er‐gerrey dasyn dy ve goit seose, dy row eh dy shickyr kiarit er soiaghey e eddin dy gholl gys Jerusalem.

Noo Ean 1:16

As jeh’n slane towse echey ta shin ooilley er gheddyn ayrn, as grayse er grayse.

Noo Ean 13:1

Nish, roish feailley ny Caisht, as fys ec Yeesey, dy row yn oor echey er jeet, tra v’eh dy gholl ass y theihll shoh gys yn Ayr, myr v’eh graihagh er e vooinjer hene, va ayns y theihll, hug eh graih daue gys y jerrey.

Noo Ean 13:18

Cha vel mee loayrt j’iu ooilley; ta fys aym quoi ta mee er reih: agh dy vod y scriptyr ve cooilleenit, T’eshyn ta gee arran mârym, er hroggal e voyn m’oï.

Noo Ean 13:3

Va fys ec Yeesey dy row yn Ayr er chur dy chooilley nhee ayns ny laueyn echey, as dy nee veih Jee haink eh, as dy nee gys Jee v’eh goll.

Noo Ean 16:28

Haink mee magh veih’n Ayr, as ta mee er jeet gys y theihll: reesht, ta mee faagail y seihll, as goll roym gys yn Ayr.

Noo Ean 17:13

As nish ta mee cheet hood’s, as ny reddyn shoh ta mee dy loayrt ayns y theihll, dy vod y boggey aym’s y ve oc jeant magh ayndoo hene.

Noo Ean 20:17

Dooyrt Yeesey r’ee, ’Ny benn rhym; son cha vel mee foast er gholl seose gys myr Ayr; agh gow gys my vraaraghyn, as abbyr roo, Ta mee goll seose gys my Ayr’s as yn Ayr euish, as gys my Yee’s as y Jee euish.

Noo Ean 20:21

Eisht dooyrt Yeesey roo reesht, Shee dy row hiu; myr ta my Ayr er my choyrt’s, myr shen ta mish coyrt shiuish.

Noo Ean 3:34

Son t’eshyn ta Jee er choyrt, loayrt goan Yee: son cha nee liorish towse ta Jee cur y Spyrryd da.

Noo Ean 6:62

Cre my hee shiu Mac y dooinney goll seose raad v’eh roïe?

Noo Ean 6:70

Dreggyr Yeesey ad, Nagh vel mish er reih shiuish yn ghaa‐yeig, as ta fer j’iu ny youyl?

Jannoo 1:11

Dooyrt myrgeddin, Gheiney Ghalilee, cre’n‐fa ta shiuish nyn shassoo blakey seose syn aer? nee Yeesey shoh t’er ny ghoaill veue gys niau, cheet reesht er yn aght cheddin ta shiu er n’akin eh goll seose gys niau.

Jannoo 1:13

As tra v’ad er jeet stiagh, hie ad seose er lout, raad duirree Peddyr as Jamys, as Ean as Andreays, Philip as Thomase, Parlane as Mian, Jamys mac Alpheus, as Simon Zelotes, as Judas braar Yamys.

Jannoo 1:22

Goaill toshiaght veih bashtey Ean derrey’n laa v’eh er ny ghoaill seose voïn, shegin da fer ve ny eanish mârin jeh’n irree‐seose‐reesht echey.

Jannoo 1:9

As tra v’eh er loayrt ny goan shoh, v’eh er ny hroggal seose voue, choud as v’ad cur‐my‐ner, as ghow bodjal eh ass nyn shilley.

Jannoo 10:38

Kys dy ren Jee Yeesey dy Nazareth y ooillaghey lesh y Spyrryd Noo, as lesh pooar; eh hie mygeayrt jannoo mie; as slaanaghey ooilley adsyn va seaghnit liorish y drogh‐spyrryd: son va Jee mârish.

Galatianee 1:1

Paul ny ostyl (cha nee veih deiney, chamoo liorish dooinney, agh liorish Yeesey Creest, as Jee yn Ayr, ren eshyn y hroggal veih ny merriu)

Ephesianee 2:20

As troggit er undin ny ostyllyn as phadeyryn, Yeesey Creest hene yn ard chlagh‐chorneilagh;

1 Timothy 3:16

As son shickyrys, s’mooar ta’n folliaght dy chraueeaght: va Jee er ny hoilshaghey ’syn eill, er ny heyrey liorish y spyrryd, er ny akin liorish ainleyn, er ny phreacheil gys ny Ashoonee, er ny chredjal ayn ’sy theihll, er ny ghoaill seose ayns gloyr.

Hebrewnee 9:24

Son cha vel Creest er n’gholl stiagh ayns ny ynnydyn casherick jeant lesh laueyn, ta co‐chaslyslyn jeh’n ynnyd firrinagh; agh ayns niau hene, nish dy hassoo ayns fenish Yee er nyn son:

1 Peddyr 3:22

Ta er gholl gys niau, as ta er laue yesh Yee, huggeysyn ta ainleyn as ard‐reillyn, as pooaraghyn er nyn injillaghey.

2 Peddyr 3:2

Dy vod shiu freayll ayns nyn aigney ny goan v’er nyn loayrt roish nish liorish ny phadeyryn casherick, as yn oardagh ainyn ostyllyn y Chiarn as Saultagh:

Ashlish 1:1

Ashlish Yeesey Creest, hug Jee da, dy hoilshaghey da e harvaantyn reddyn shegin dy gerrit cheet gys kione; as ren eh shoh y choyrt as y chowraghey liorish ainle da e harvaant Ean:

Ashlish 2:11

Eshyn ta cleaysh echey, lhig eh clashtyn cre ta’n Spyrryd dy ghra rish ny kialteenyn, Cha vow eshyn ta geddyn y varriaght, aggair liorish yn nah vaase.

Ashlish 2:17

Eshyn ta cleaysh echey, lhig eh clashtyn cre ta’n Spyrryd dy ghra rish ny kialteenyn. Dasyn ta geddyn yn varriaght ver‐yms dy ee jeh’n manna follit, as ver ym da clagh vane, as er y chlagh ennym noa scruit, nagh nione da dooinney erbee, agh eshyn ta dy gheddyn eh.

Ashlish 2:29

Eshyn ta cleaysh echey, lhig da clashtyn ny ta’n Spyrryd dy ghra rish ny kialteenyn.

Ashlish 2:7

Eshyn ta cleaysh echey, lhig da clashtyn cre ta’n Spyrryd dy ghra rish ny kialteenyn. Dasyn yiow yn varriaght ver‐ym’s dy ee jeh billey yn vea, ta ayns mean paradise Yee.

Ashlish 21:14

As va ec voalley yn ard‐valley daa undin yeig, as ayndoosyn enmyn daa ostyl yeig yn Eayn.

Ashlish 3:13

Eshyn ta cleaysh echey, lhig eh clashtyn ny ta’n Spyrryd dy ghra rish ny kialteenyn.

Ashlish 3:16

Myr shen er‐yn‐oyr dy vel oo eddyr y jees, as nagh vel oo edyr feayr ny cheh, tilg‐ym oo magh ass my veeal:

Ashlish 3:22

Eshyn ta cleaysh echey, lhig eh clashtyn ny ta’n Spyrryd dy ghra rish ny kialteenyn.