Jannoo 1:15 - Yn Conaant Noa 1810

¹⁵ As ayns ny laghyn shen hass Peddyr seose mastey fir‐eiyrtee [Yeesey] as dooyrt eh (va earroo ny henmyn cooidjagh mysh shey‐feed)

Yn Vible Casherick 1775 1819

¹⁵ As ayns ny laghyn shen hass Peddyr seose mastey fir-eiyrtee [Yeesey] as dooyrt eh, (va earroo ny henmyn cooidjagh mysh shey-feed.)

Jannoo 1:15 ပူးပေါင်းရင်းမြစ်များ

Noo Mian 13:31

Coraa‐dorraghey elley loayr eh roo, gra, Ta reeriaght niau goll‐rish grine dy rass mustard ghow dooinney, as chuirr eh ayns e vagher eh.

Noo Luke 22:32

Agh ta mish er ghuee er dty hon’s, nagh jean dty chredjue failleil; as tra vees oo er jyndaa, niartee dty vraaraghyn.

Noo Ean 14:12

Dy firrinagh firrinagh ta mee gra riu, Eshyn ta credjal aynym’s ny obbraghyn ta mish dy yannoo nee eshyn myrgeddin, as obbraghyn smoo na ad shoh nee eh; er‐y‐fa dy vel mish goll royms gys my Ayr.

Noo Ean 21:23

Eisht hie yn raa shen magh mastey ny braaraghyn, nagh row yn ostyl shen dy gheddyn baase: agh cha dooyrt Yeesey rish, Cha vow eh baase: agh, My she m’aigney’s eh eshyn dy uirriaght derrey hig‐yms, cre ta shen dhyt’s.

Jannoo 10:23

Eisht deïe eh orroo stiagh, as hooar eh aaght daue. As laa ny vairagh jimmee Peddyr mâroo, as hie myrgeddin shiartanse jeh ny braaraghyn mârish veih Joppa.

Jannoo 11:1

As cheayll ny ostyllyn as ny braaraghyn va ayns Judea, dy row ny Ashoonee er ghoaill rish goo Yee.

Jannoo 11:12

As doardee yn Spyrryd dou goll mâroo, fegooish mee‐ourys erbee. As haink ny shey braaraghyn shoh ry heshaght mârym, as hie shin stiagh ayns thie yn dooinney:

Jannoo 11:26

As haink eh gy‐kione dy duirree ad choud as bleïn ayns shen ayns sheshaght ny hagglish, as dy dynsee ad ymmodee dy leih; as va ny credjuee enmyssit Creesteenyn hoshiaght ayns Antioch.

Jannoo 11:29

Eisht ghow ny Creesteenyn ayns laue, dy chooilley ghooinney gys rere e phooar, dy chur cooney gys ny braaraghyn va baghey ayns Judea.

Jannoo 12:17

Agh chrie eshyn e laue orroo ad dy ve nyn dhost, as hoilshee eh daue kys va’n Chiarn er chur lesh eh ass y phryssoon. As dooyrt eh, Insh‐jee ny reddyn shoh da Jamys, as da ny braaraghyn. As jimmee eh roish, as hie eh gys ynnyd elley.

Jannoo 14:2

Agh ghreinnee ny Hewnyn mee‐chredjuagh ny Ashoonee, as physhoon ad ny aignaghyn oc noi ny braaraghyn.

Jannoo 15:1

As dynsee shiartanse dy gheiney haink neose veih Judea ny braaraghyn, gra, Mannagh bee shiu er nyn ghiarey‐chymmylt lurg cliaghtey Voses, cha vod shiu v’er ny sauail.

Jannoo 15:3

As hie yn agglish magh mâroo dy chur ad er nyn doshiaght er nyn yurnah, as jimmee ad trooid Phenice as Samaria, soilshaghey chyndaa ny Hashoonee gys y chredjue: as va shoh oyr boggey mooar da ooilley ny braaraghyn.

Jannoo 16:2

Va goo‐mie ec Timothy shoh veih ny braaraghyn va ec Lystra as Iconium.

Jannoo 16:40

As tra v’adsyn er jeet ass y phryssoon, hie ad stiagh ayns thie Lydia: as erreish daue v’er vakin ny braaraghyn, ren ad y gherjaghey ad, as jimmee ad rhymboo.

Jannoo 17:10

As hug ny braaraghyn ersooyl chelleeragh Paul as Silas ayns yn oie gys Berea: as tra v’ad er jeet gys shen, hie ad stiagh ayns synagogue ny Hewnyn.

Jannoo 17:14

Er shoh hug ny braaraghyn ersooyl Paul jeeragh, myr dy beagh eh dy ghoaill lhuingys: agh duirree Silas as Timothy ayns shen.

Jannoo 17:6

As tra nagh dooar ad ad, hayrn ad lhieu Jason as shiartanse jeh ny braaraghyn gys fir‐reill yn ard‐valley, geamagh, T’ad shoh t’er hyndaa yn seihll bun‐ry‐skyn er jeet ayns shoh neesht;

Jannoo 18:18

As duirree Paul ayns shen ymmodee laghyn, as eisht daag eh bannaght ec ny braaraghyn, as hiauill eh veih shen gys Syria, as mârish Priscilla as Aquila, v’er vaarey e chione ec Cenchrea; son v’eh fo breearrey.

Jannoo 18:27

As tra v’eh kiarit dy gholl er e hoshiaght gys Achaia, scrieu ny braaraghyn lesh coyrlaghey da ny Creesteenyn dy yannoo soiaghey mooar jeh: as erreish da v’er jeet, hug eh dy mie er nyn doshiaght adsyn v’er chredjal trooid grayse.

Jannoo 21:17

As tra va shin er jeet gys Jerusalem, hug ny braaraghyn oltaghey‐bea gennal dooin.

Jannoo 21:20

As tra cheayll ad shen, ren ad y Chiarn y ghloyraghey, as dooyrt ad rish, T’ou fakin, vraar, cre whilleen thousane jeh ny Hewnyn t’er ghoaill yn credjue orroo; as ta graih jeean oc ooilley son y leigh.

Jannoo 21:7

As tra va shin er roie nyn goorse veih Tyre, raink shin Ptolemais, as vannee shin da ny braaraghyn, as duirree shin mâroo un laa.

Jannoo 22:5

Myr ta’n ard‐saggyrt hene gymmyrkey feanish lhiam, as slane quaiyl y chanstyr: voue hooar mee myrgeddin screeuyn gys ny braaraghyn, as hie mee gys Damascus, dy chur lhiam adsyn v’ayns shen, kianlt gys Jerusalem, dy v’er nyn gerraghey.

Jannoo 28:14

Ayns shen hooar shin braaraghyn, as yeearree ad orrin dy uirriaght mâroo shiaght laa: as shen myr hie shin son y Raue.

1 Corinthianee 15:6

Ny lurg shen v’eh er ny akin liorish ny smoo na queig cheead braar ec yn un cheayrt: jeu ta’n ayrn smoo er‐mayrn gys y traa t’ayn: agh ta paart er duittym nyn gadley.

Ashlish 11:13

As ’syn oor cheddin va craa mooar thallooin ayn, as huitt yn jeihoo ayrn jeh’n ard‐valley, as ayns y craa‐thallooin v’er nyn stroie shiaght thousane dooinney: as v’adsyn va er‐mayrn atchimagh, as hug ad gloyr da Jee t’ayns niau.

Ashlish 3:4

Ta regyryn dy enmyn ayd ayns Sardis hene, nagh vel er sollaghey nyn gharmadyn; as nee ad shooyl mârym’s ayns coamraghyn gial: son t’ad feeu.