Jannoo 1:11 - Yn Conaant Noa 1810

¹¹ Dooyrt myrgeddin, Gheiney Ghalilee, cre’n‐fa ta shiuish nyn shassoo blakey seose syn aer? nee Yeesey shoh t’er ny ghoaill veue gys niau, cheet reesht er yn aght cheddin ta shiu er n’akin eh goll seose gys niau.

Yn Vible Casherick 1775 1819

¹¹ Dooyrt myrgeddin, Gheiney Ghalilee, cre’n-fa ta shiuish nyn shassoo blakey seose ’syn aer? nee Yeesey shoh t’er ny ghoaill veue gys niau, cheet reesht er yn aght cheddin ta shiu er n’akin eh goll seose gys niau.

Jannoo 1:11 ပူးပေါင်းရင်းမြစ်များ

Noo Mian 16:27

Son hig Mac y dooinney ayns gloyr e Ayrey, as e ainleyn casherick mârish: as ec y traa shen cooilleenee eh da dy chooilley ghooinney cordail rish e obbraghyn.

Noo Mian 16:28

Dy firrinagh ta mee gra, riu, Dy vel paart nyn shassoo ayns shoh, nagh jean blashtyn er y baase, derrey hee ad Mac y dooinney cheet ayns e reeriaght.

Noo Mian 24:30

As eisht bee cowrey Mac y dooinney er ny akin ayns yn aer: as ec y traa shen nee ooilley sheelogheyn y thallooin dobberan, as hee ad yn Mac dooinney cheet ayns bodjallyn yn aer, lesh pooar as gloyr vooar.

Noo Mian 25:31

Tra hig Mac y dooinney ayns e ghloyr, as ooilley e ainleyn casherick mârish shen y traa hoie‐ys eh er stoyl‐reeoil e ghloyr.

Noo Mark 13:26

As eisht hee ad Mac y dooinney cheet ayns ny bodjallyn, lesh pooar as ard‐ghloyr.

Noo Mark 14:70

As dob eh reesht. As tammylt ny lurg shen, dooyrt paart jeh’n cheshaght, reesht rish Peddyr, Son shickyrys t’ou uss fer jeu: son she Galilean oo, as ta dty ghlare dy hoilshaghey eh.

Noo Mark 16:19

Myr shen erreish da’n Chiarn v’er loyart roo, v’eh er ny ghoaill seose gys niau, as hoie eh er laue yesh Yee.

Noo Luke 21:27

As eisht hee ad Mac y dooinney cheet ayns bodjal lesh pooar as ard‐ghloyr.

Noo Luke 24:5

As myr v’ad ayns aggle, as croymmey sheese lesh nyn eddin gys y thalloo, dooyrt ad roo, Cre’n‐fa ta shiu shirrey yn vio mastey ny merriu?

Noo Ean 14:3

As my hem’s dy yannoo aarloo ynnyd er nyn son, hig‐ym reesht, as goym shiu hym pene, raad ta mish dy vod shiuish ve myrgeddin.

Jannoo 1:2

Derrey’n laa v’eh er ny ghoaill seose, erreish da, trooid y Spyrryd Noo, v’er chur dagh nhee ayns currym da ny ostyllyn v’eh er reih.

Jannoo 1:22

Goaill toshiaght veih bashtey Ean derrey’n laa v’eh er ny ghoaill seose voïn, shegin da fer ve ny eanish mârin jeh’n irree‐seose‐reesht echey.

Jannoo 1:9

As tra v’eh er loayrt ny goan shoh, v’eh er ny hroggal seose voue, choud as v’ad cur‐my‐ner, as ghow bodjal eh ass nyn shilley.

Jannoo 13:31

As ve’h er ny akin ymmodee laghyn lioroosyn haink seose mârish veih Galilee gys Jerusalem, va ny feanishyn echey da’n pobble.

Jannoo 2:7

As s’mooar yn aggle as yn yindys v’orroo ooilley, gra yn derrey yeh rish y jeh elley, Cur‐my‐ner, nagh vel ad shoh ooilley ta loayrt nyn Ghalileanee?

Jannoo 3:12

As tra honnick Peddyr shoh, dansoor eh yn pobble, Gheiney Israel, cre’n‐fa ta shiu gindys er shoh; ny jeeaghyn cha gyere orrinyn, myr ey beagh shin liorish y phooar ny’n chraueeaght ain hene er chur er y dooinney shoh shooyl?

Jannoo 3:21

Eshyn ta dy ve ayns niau, derrey earishyn lhiassaghey dy chooilley nhee, ta Jee er loayrt liorish beeal ooilley e adeyryn crauee, er‐dy hoshiaght y theihll.

1 Thessalonianee 1:10

As dy arkiagh son e Vac veih niau, t’eh er hroggal veih ny merriu, dy jarroo Yeesey t’er nyn livrey veih’n chorree ta dy heet.

1 Thessalonianee 4:16

Son hig y Chiarn neose veih niau lesh eam ard, lesh coraa yn ard‐ainle, as lesh cayrn Yee: as nee ny merriu ayns Creest girree hoshiaght.

Hebrewnee 9:28

Myr shen va Creest un cheayrt er ny hebbal dy ymmyrkey peccaghyn ymmodee; as dauesyn ta jeeaghyn er e hon, nee eh soilshaghey eh hene yn nah cheayrt fegooish peccah gys saualtys.

Ashlish 1:7

Cur‐my‐ner, t’eh cheet lesh bodjallyn; as hee dy chooilley hooill eh, as adsyn myrgeddin ren eh y hoylley: as nee ooilley kynneeyn y thallooin dobberan kyndagh rish: myr shen dy row, Amen.