Jamys 5:7 - Yn Conaant Noa 1810

⁷ Fark‐jee er‐y‐fa shen, vraaraghyn, derrey cheet y Chiarn. Cur‐my‐ner, ta’n eirinnagh farkiagh son mess berchagh y thallooin, as t’eh farkiagh foddey er y hon, derrey hig fliaghey cooie ny imbaghyn.

Yn Vible Casherick 1775 1819

⁷ Fark-jee er-y-fa shen, vraaraghyn, derrey cheet y Chiarn. Cur-my-ner, ta’n eirinnagh farkiagh son mess berchagh y thallooin, as t’eh farkiagh foddey er y hon, derrey hig fliaghey cooie ny imbaghyn.

Jamys 5:7 ပူးပေါင်းရင်းမြစ်များ

Noo Mian 16:27

Son hig Mac y dooinney ayns gloyr e Ayrey, as e ainleyn casherick mârish: as ec y traa shen cooilleenee eh da dy chooilley ghooinney cordail rish e obbraghyn.

Noo Mian 16:28

Dy firrinagh ta mee gra, riu, Dy vel paart nyn shassoo ayns shoh, nagh jean blashtyn er y baase, derrey hee ad Mac y dooinney cheet ayns e reeriaght.

Noo Mian 24:27

Son myr ta’n tendreil cheet ass y shiar, as cur soilshey choud as gys y sheear: myr shen neesht vees cheet Mac y dooinney.

Noo Mian 24:44

Shen‐y‐fa bee‐jee shiuish myrgeddin ullee: son ec lheid yn oor as nagh vel shiu smooinaghtyn er, hig yn Mac dooinney.

Noo Luke 18:8

Ta mee ginsh diu dy jean eh dy tappee goaill cooilleeney er nyn son. Ny‐yeih tra hig Mac y dooinney, vow eh credjue er y thalloo?

Noo Luke 21:27

As eisht hee ad Mac y dooinney cheet ayns bodjal lesh pooar as ard‐ghloyr.

Noo Luke 8:15

Agh shen er y thalloo mie, yn vooinjer, ta lesh creeaghyn onneragh as mie, er chlashtyn yn goo, as ta dy reayll oc eh, as cur magh mess lesh meenid.

Noo Ean 21:22

Dooyrt Yeesey rish, My she m’aigney’s eh eshyn dy uirriaght derrey hig‐ym, cre ta shen dhyt’s? Eiyr uss orrym’s.

Noo Ean 21:23

Eisht hie yn raa shen magh mastey ny braaraghyn, nagh row yn ostyl shen dy gheddyn baase: agh cha dooyrt Yeesey rish, Cha vow eh baase: agh, My she m’aigney’s eh eshyn dy uirriaght derrey hig‐yms, cre ta shen dhyt’s.

Romanee 15:4

Son cre‐erbee ny reddyn v’er nyn scrieu ’sy traa t’er n’gholl shaghey, v’ad scruit son yn ynsagh ain; trooid meenid as gerjagh ny scriptyryn dy voddagh treishteil ve ain.

Romanee 2:7

Dauesyn, liorish tannaghtyn dy meen ayns jannoo mie, ta shirrey son gloyr, as ooashley, as flaunys; yn vea dy bragh farraghtyn:

1 Corinthianee 1:7

Myr shen nagh vel shiu cheet er‐gooyl ayns gioot erbee; farkiagh son cheet y Chiarn Yeesey Creest;

Galatianee 5:5

Son ta shinyn trooid y Spyrryd farkiaght son y treishteil dy chairys liorish credjue.

Galatianee 6:9

As ny lhig dooin gaase skee ayns jannoo mie, son ayns imbagh cooie nee mayd buinn, mannagh bee mayd lhiastey.

Colossianee 1:11

Er nyn niartaghey lesh slane troshid, cordail rish y phooar gloyroil echeysyn, gys dy chooilley veenid as surranse‐foddey, lesh gennallys;

1 Thessalonianee 1:3

Cooinaghtyn dy kinjagh er yn obbyr eu dy chredjue, as y tooilleil dy ghraih, as y surranse dy hreishteil ayns nyn Jiarn Yeesey Creest, ayns shilley Yee as nyn Ayr:

1 Thessalonianee 2:19

Son cre ta nyn dreishteil, ny nyn moggey, ny nyn attey dy ghennallys? nagh nee dy jarroo shiuish kionfenish nyn Jiarn Yeesey Creest, ec y cheet echey?

1 Thessalonianee 3:13

Gys y jerrey dy vod eh niartaghey ny creeaghyn eu gyn‐loght ayns casherickys kionfenish Jee, dy jarroo nyn Ayr, ec cheet nyn Jiarn Yeesey Creest, marish ooilley e nooghyn.

Hebrewnee 6:15

As myr shen lurg da v’er hurranse dy meen, hooar eh cooilleen yn ghialdyn.

Jamys 4:11

Ny loayr‐jee olk yn derrey yeh jeh’n jeh elley, vraaraghyn. Eshyn ta goltooaney e vraar, as briwnys e vraar, t’eh goltooaney yn leigh, as briwnys y leigh: agh my t’ou briwnys y leigh, cha vel oo cooilleeney’n leigh, agh jannoo oo hene dty vriw.

Jamys 5:10

My vraaraghyn, gow‐jee ny phadeyryn, t’er loayrt ayns ennym y Chiarn, son sampleyr jeh surranse seaghyn, as jeh meenid.

Jamys 5:3

Ta’n airh as aargid eu mergit; as bee’n mergey oc feanish nyn ’oï eu, as nee eh gee yn eill eu myr aile: ta shiu er stoyral seose tashtaghyn cooidjagh gour ny laghyn s’jerree.

2 Peddyr 3:4

As gra, Cre vel gialdyn y cheet echey? son er‐dyn traa huitt ny ayraghyn nyn gadley, ta dy chooilley nhee tannaghtyn myr v’ad er‐dy hoshiaght y chroo.