Jamys 5:15 - Yn Conaant Noa 1810

¹⁵ As nee’n phadjer lesh credjue yn aslayntagh y lheihys, as ver y Chiarn bea sodjey da; as my t’eh er n’yannoo peccah, bee eh er ny leih da.

Yn Vible Casherick 1775 1819

¹⁵ As nee’n phadjer lesh credjue yn aslayntagh y lheihys, as ver y Chiarn bea sodjey da; as my t’eh er n’yannoo peccah, bee eh er ny leih da.

Jamys 5:15 ပူးပေါင်းရင်းမြစ်များ

Noo Mian 17:20

Dooyrt Yeesey roo, Kyndagh rish nyn gredjue moal: son dy firrinagh ta mee gra riu, Dy beagh nyn gredjue wheesh grine dy rass mustard, jirragh shiu rish y slieau shoh, Scugh veih shoh noon gys shid, as nee eh scughey: as cha bee nhee erbee ro‐ghoillee diu.

Noo Ean 5:14

Ny lurg shen hooar Yeesey eh ayns y chiamble, as dooyrt eh rish, Cur‐my‐ner, t’ou er dty laanaghey: ny jean peccah ny smoo, er‐aggle dy jig red smessey ort.

Noo Ean 6:39

As shoh aigney yn Ayr ta er my choyrt, jeh ooilley ny hug eh dou nagh gaillin veg, agh dy droggin eh seose reesht ec y laa jerrinagh.

1 Corinthianee 1:21

Son fakin, ayns creenaght Yee, nagh dug y seihll liorish creenaght enney er Jee, ve aigney Yee liorish ommijys preacheil dy hauail adsyn ta credjal.

2 Corinthianee 4:14

Toiggal dy jean eshyn hrog seose y Chiarn Yeesey, shinyn myrgeddin y hroggal liorish Yeesey, as shinyn y ghoaill stiagh mêriu.

Jamys 1:6

Agh lhig da geearree ayns credjue, fegooish lheaystey; son t’eshyn ta lheaystey [’sy chredjue] goll‐rish tonn ny marrey, immanit lesh y gheay noon as noal.

Jamys 5:13

Vel unnane erbee ny mast’ eu ayns seaghyn? lhig da padjer y ghoaill. Vel fer erbee gennal? lhig da arraneyn‐moyllee ’ghoaill.

Jamys 5:16

Gow‐jee rish nyn voiljyn yn derrey yeh da’n jeh elley, as gow‐jee padjer yn derrey yeh son y jeh elley, dy vod shiu v’er nyn lheihys: S’mooar y bree t’ayns padjer jeean creeoil yn dooinney crauee.

Jamys 5:20

Lhig da fys ’ve echey, dy jean eshyn ta chyndaa yn peccah veih shaghrynys e raad, sauail annym veih baase, as ymmodee peccaghyn y choodaghey.