Jamys 3:17 - Yn Conaant Noa 1810

¹⁷ Agh y chreenaght ta veih’n yrjey t’ee hoshiaght glen, eisht sheeoil, meen, as aashagh dy ve coyrlit, lane dy erreeish as dy vessyn mie, fegooish neu‐chorrymid, as fegooish chraueeaght‐oalsey.

Yn Vible Casherick 1775 1819

¹⁷ Agh y chreenaght ta veih’n yrjey t’ee hoshiaght glen, eisht sheeoil, meen, as aashagh dy ve coyrlit, lane dy erreeish as dy vessyn mie, fegooish neu-chorrymid, as fegooish craueeaght-oalsey.

Jamys 3:17 ပူးပေါင်းရင်းမြစ်များ

Noo Mian 23:28

Shen myr ta shiuish neesht er cheu‐mooie cairagh ayns shilley deiney, agh cheu‐sthie ta shiu lane dy chraueeaght‐oalsey as dy vee‐chairys.

Noo Mian 5:8

Bannit t’adsyn ta glen ayns cree: son ver ad Jee my‐ner.

Noo Mian 5:9

Bannit t’adsyn ta tayrn sleih gys shee: son bee ad enmyssit nyn gloan dy Yee.

Noo Luke 21:15

Son ver‐yms diu beeal as creenaght, nagh bee ooilley nyn noidyn son loayrt ny shassoo magh n’oï.

Noo Luke 6:36

Bee‐jee er‐y‐fa shen myghinagh, myr ta’n Ayr eu myrgeddin myghinagh.

Noo Ean 1:14

As ghow yn Goo er dooghys ny foalley, as ren eh beaghey nyn mast’ ain (as hug shin my‐ner yn ghloyr echey, yn ghloyr myr jeh’n ynrycan Mac er‐ny‐gheddyn jeh’n Ayr) lane dy ghrayse as dy irrinys.

Noo Ean 1:47

Honnick Yeesey Nathanael cheet ny whail, as dooyrt eh jehsyn, Cur‐my‐ner Israelite firrinagh, ayn nagh vel molteyrys erbee.

Jannoo 11:24

Son v’eh ny ghooinney mie, as lane jeh’n Spyrryd Noo, as jeh credjue; as ren ymmodee sleih chyndaa gys y Chiarn.

Jannoo 9:36

Nish va ec Joppa ben dy row jeh’n chredjue, yiarragh ad Tabitha r’ee, er aght elley Dorcas: va’n ven shoh berchagh ayns obbraghyn mie as giastyllys gys ny boghtyn.

Romanee 12:18

My oddys eh ve, wheesh as t’ayns nyn booar, jean‐jee beaghey ayns shee rish dy chooilley ghooinney.

Romanee 12:9

Lhig da graih ve fegooish foalsaght. Cur‐jee dwoaie da shen ta olk, lhiann‐jee gys shen ta mie.

Romanee 15:14

As ta mish mee hene myrgeddin ayns slane treishteil mychione eu, vraaraghyn, dy vel shiuish myrgeddin lane dy vieys, jeant magh lesh dy chooilley hushtey, fondagh myrgeddin dy choyrlaghey yn derrey yeh yn jeh elley.

1 Corinthianee 12:8

Son da fer ta er ny choyrt liorish y Spyrryd, yn goo dy chreenaght; da fer elley yn goo dy hushtey liorish y Spyrryd cheddin;

2 Corinthianee 10:1

Nish ta mish Paul mee hene guee erriu, liorish meenid as meiyghys Chreest, mish ta dy yeeaghyn orrym pene fardalagh nyn mast’ eu, agh dunnal tra ta mee veue.

2 Corinthianee 6:6

Liorish glennid‐bea, liorish lushtey, liorish surranse‐foddey, liorish kenjallys, liorish y Spyrryd Noo, liorish graih gyn foalsaght,

2 Corinthianee 7:11

Son cur‐my‐ner, yn red shoh hene, dy row shiu trimshagh lurg aght crauee, cre’n imnea ghooisht eh ayndiu, dy jarroo, cre’n seyrey j’iu hene, dy jarroo, cre’n jymmoose, dy jarroo, cre’n aggle, dy jarroo, cre’n yeearree aggindagh, dy jarroo, cre’n jeeanid, dy jarroo, cre’n kerraghey? ayns dy chooilley nhee ta shiu er phrowal shiu hene seyr ayns y chooish shoh.

2 Corinthianee 9:10

Nish dy jean eshyn ta shirveish rass er y chorreyder, chammah shirveish arran son nyn meaghey, as bishaghey nyn arroo‐correy, as cur er‐ash mess yn feoiltys eu)

Ephesianee 5:9

(Son ta mess y Spyrryd shassoo ayns dy chooilley vieys, as cairys, as firrinys),

Philippianee 1:11

Lhieent lesh ny messyn dy chairys, ta liorish Yeesey Chreest, gys gloyr as moylley Yee.

Philippianee 4:8

Ayns focklyn giarey, my chaarjyn, cre‐erbee ny reddyn ta firrinagh, cre‐erbee ny reddyn ta ooasle, cre‐erbee ny reddyn ta cairagh, cre‐erbee ny reddyn ta glen, cre‐erbee ny reddyn ta graihoil, cre‐erbee ny reddyn ta jeh goo mie; my ta foays erbee, as my ta moylley erbee, smooinee‐jee er ny reddyn shoh.

Colossianee 1:10

Dy vod shiuish gimmeeaght ayns aght cooie dy wooiys y Chiarn ayns dy chooilley nhee, messoil ayns dagh obbyr vie, as bishaghey ayns tushtey Yee;

1 Thessalonianee 2:7

Agh va shin aashagh ny vud eu, dy jarroo myr ta bondyr jannoo mooar jeh e cloan hene.

1 Timothy 5:21

Ta mee cur currym ort fenish Yee, as y Chiarn Yeesey Creest, as ny ainleyn reiht, dy der oo tastey da ny reddyn shoh fegooish soiaghey jeh persoon erskyn persoon elley, jannoo dy chooilley nhee lesh kiartys.

2 Timothy 2:24

As cha nhegin da sharvaant y Chiarn ve streeuagh: agh ve meen rish dy chooilley ghooinney, aarloo dy ynsaghey, surransagh.

Titus 1:15

Dauesyn ta glen ta dy chooilley nhee glen, agh dauesyn ta neu‐ghlen, as mee‐chredjuagh, cha vel nhee erbee glen; agh ta eer nyn aigney as nyn gooinsheanse neu‐ghlen.

Titus 3:2

Nagh loayr ad olk jeh dooinney erbee, dy ve sheeoil, imlee, soilshaghey dy chooilley veenid da dagh unnane.

Hebrewnee 12:11

Nish cha vel shin jeeaghyn er smaght erbee, choud as ta shin fo, dy ve gerjoilagh, agh piandagh: agh ec y jerrey te gymmyrkey yn mess sheeoil dy chairys, dauesyn ta er ve er nyn gerraghey liorish.

Hebrewnee 12:14

Eiyr‐jee da shee rish dy chooilley ghooinney, as da craueeaght, n’egooish cha vod dooinney erbee yn Chiarn y akin.

Jamys 1:17

Ta dy chooilley ghioot mie, as dy chooilley ghioot firrinagh veih’n yrjey, as cheet neose veih Ayr y toilshey, mârish nagh vel caghlaa erbee, ny scadoo dy hyndaa.

Jamys 1:5

My ta veg euish feme creenaght, lhig da geearree er Jee, ta coyrt dy feoilt da dy chooilley ghooinney, as nagh vel mooaraghey, as bee eh er ny choyrt da.

Jamys 2:13

Son yiow eshyn briwnys dyn myghin, nagh vel er hoilshaghey myghin; as ta myghin boggyssagh harrish briwnys.

Jamys 2:4

Cha vel shiu eisht jannoo briwnys kiart nyn mast’ eu hene, agh jannoo shiu hene briwnyn neu‐chorrym.

Jamys 3:15

Cha vel y chreenaght shoh cheet neose veih’n yrjey, agh te thallooinagh, beishtagh, niurinagh.

Jamys 4:8

Tayrn‐jee er‐gerrey gys Jee, as tayrnee eshyn er gerrey diuish: niee jee nyn laueyn, shiuish pheccee, as glen‐jee nyn greeaghyn, shiuish dy aigney ghooble.

1 Peddyr 1:22

Fakin dy vel shiu er chasherickey nyn anmeenyn ayns cur biallys da’n irriney trooid y Spyrryd, gys graih firrinagh jeh ny braaraghyn; jeeagh dy bee‐jee dy jeean graihagh yn derrey yeh er y jeh elley lesh cree glen:

1 Peddyr 2:1

Shen‐y‐fa coyrt dy lhiattee dy chooilley ghoanlys, as dy chooilley volteyraght, as foalsaght, as troo, as dy chooilley ghrogh ghlare,

1 Peddyr 2:18

Harvaantyn, bee‐jee biallagh da nyn mainshteryn lesh slane arrym, cha nee ny lomarcan dauesyn ta mie as dooie, agh myrgeddin dauesyn ta creoi dy ghellal roo.

1 Ean 3:18

My chloan veggey, ny lhig dooin graih y choyrt ayns raa, ny ayns glare; agh ayns jannoo as ayns firrinys.

1 Ean 3:3

As ta dy chooilley ghooinney ta’n treishteil shoh echey ayn hene, glenney eh hene, dy jarroo myr t’eshyn glen.