Jamys 3:15 - Yn Conaant Noa 1810

¹⁵ Cha vel y chreenaght shoh cheet neose veih’n yrjey, agh te thallooinagh, beishtagh, niurinagh.

Yn Vible Casherick 1775 1819

¹⁵ Cha vel y chreenaght shoh cheet neose veih’n yrjey, agh te thallooinagh, beishtagh, niurinagh.

Jamys 3:15 ပူးပေါင်းရင်းမြစ်များ

Noo Luke 16:8

As voyll y chiarn y stiurt neu‐chairagh, er‐y‐fa dy row eh er n’yannoo dy creeney: son ta cloan y theihll shoh ayns nyn sheeloghe ny s’creeney na cloan y toilshey.

Noo Ean 3:17

Son cha dug Jee e vac gys y theihll, dy gheyrey yn seihll; agh dy voddagh y seihll liorishyn v’er ny hauail.

Noo Ean 8:44

Ta shiuish jeh’n ayr eu yn drogh‐spyrryd, as saynt nyn ayrey, ver shiu rish: v’eshyn ny ghunver er‐dyn toshiaght, as cha ren eh tannaghtyn ’syn ynrickys, son nagh vel yn irriney ayn. Tra t’eh loayrt breg, t’eh loayrt jeh e chooid hene: son t’eh ny vreagerey, as ayr ny breagey.

Jannoo 13:10

As dooyrt eh, O uss ta lane jeh dy chooilley chialgeyrys as dy olkys, vac noid ny hanmey, noid dy chooilley chairys, nagh naag oo jeh dy chassey raaidyn jeeragh y Chiarn?

Romanee 1:22

Goaill orroo hene dy ve creeney, haink ad dy ve nyn ommydanyn:

1 Corinthianee 1:27

Agh ta Jee er reih reddyn ommijagh y theihll, dy choyrt fo chosh ny reddyn creeney; as ta Jee er reih reddyn faase y theihll, dy naaraghey ny reddyn niartal;

1 Corinthianee 2:14

Agh cha vel y dooinney dooghyssagh goaill rish ny reddyn ta jeh Spyrryd Yee: son t’ad ommijys dasyn; chamoo oddys tushtey ve echey jeu, er yn‐oyr dy vel ad er nyn doiggal ayns aght spyrrydoil.

1 Corinthianee 3:19

Son ta creenaght y theihll shoh ommijys marish Jee: son te scruit, T’eh goaill yn vooinjer chreeney ayns y chroutys oc hene.

1 Corinthianee 3:3

Son ta shiu foast fo reill ny foalley: son fakin dy vel nyn mast’ eu troo, as streeu, as anvea, nagh vel shiu foalley, as gimmeeaght myr deiney?

2 Corinthianee 1:12

Son shoh nyn moggey, feanish nyn gooinsheanse, ayns ônid, as ynrickys crauee, cha nee lesh creenaght seihltagh, agh liorish grayse Yee, dy vel shin er n’ymmyrkey shin hene ’sy theihll, as foddey smoo ny mast’ euish.

2 Corinthianee 11:3

Agh ta aggle orrym, myr ren yn ard‐nieu Aue y volley liorish e chialgyn, myr shen dy beagh ny aignaghyn cuish liorish saaseyn erbee er nyn gleaynaghey veih’n ônid shen t’ayns Creest.

Philippianee 3:19

Ta’n jerrey oc toyrt‐mow, yn Jee oc ta nyn molg, as ta’n gloyr oc ayns nyn nearey, ta nyn aigney er nheeghyn seihltagh.)

2 Thessalonianee 2:9

Dy jarroo eshyn ta’n cheet echey cordail rish gobbraghey Satan, lesh dy chooilley phooar, as cowraghyn, as yindyssyn breagagh,

1 Timothy 4:1

Nish ta’n Spyrryd ginsh dy plain, dy jean paart ayns ny laghyn s’jerree tuittym veih’n chredjue, coyrt geill da spyrrydyn molteyragh, as ynsagh drogh‐spyrrydyn;

Jamys 1:17

Ta dy chooilley ghioot mie, as dy chooilley ghioot firrinagh veih’n yrjey, as cheet neose veih Ayr y toilshey, mârish nagh vel caghlaa erbee, ny scadoo dy hyndaa.

Jamys 1:5

My ta veg euish feme creenaght, lhig da geearree er Jee, ta coyrt dy feoilt da dy chooilley ghooinney, as nagh vel mooaraghey, as bee eh er ny choyrt da.

Jamys 3:17

Agh y chreenaght ta veih’n yrjey t’ee hoshiaght glen, eisht sheeoil, meen, as aashagh dy ve coyrlit, lane dy erreeish as dy vessyn mie, fegooish neu‐chorrymid, as fegooish chraueeaght‐oalsey.

Jude 1:19

Shoh ad ta scarrey ad hene voïn, sleih foalley, fegooish Spyrryd Yee.

Ashlish 12:9

As va’n dragon mooar er ny eiyrt magh, yn chenn ard‐nieu, enmyssit yn Jouyl as Satan, ta molley yn slane seihll; v’eh eiyrit magh gys y thalloo, as va e ainleyn tilgit magh mârish.

Ashlish 2:24

Agh riuish ta mee gra, as rish y vooinjer elley ta ayns Thyatira, Whilleen as nagh vel yn ynsagh shoh oc, as nagh vel er doiggal croutyn dowiney yn Drogh spyrryd, myr jir ad, cha der ym erriu errey erbee sodjey.

Ashlish 9:11

As va oc ree harrystoo, ainle y diunid gyn‐grunt, ta’n ennym echey ayns glare ny Hebrewnee Abaddon, agh ayns glare ny Grecianee ta e ennym Apollyon.