Jamys 3:13 - Yn Conaant Noa 1810

¹³ Quoi ta ny ghooinney creeney as tushtagh ny mast’ eu? lhig da soilshaghey, liorish ymmyrkey mie, e obbraghyn ayns y veenid dy chreenaght.

Yn Vible Casherick 1775 1819

¹³ Quoi ta ny ghooinney creeney as tushtagh ny mast’ eu? lhig da soilshaghey, liorish ymmyrkey mie, e obbraghyn ayns y veenid dy chreenaght.

Jamys 3:13 ပူးပေါင်းရင်းမြစ်များ

Noo Mian 11:29

Gow‐jee my whing erriu, as ynsee‐jee voym’s, son ta mee meen as imlee ayns cree: as yiow shiu fea da nyn anmeenyn.

Noo Mian 21:5

Insh‐jee da inneen Sion, Cur‐my‐ner, ta dty ree cheet hood dy imlee, as ny hoie er assyl, as er lhiy sharragh assyl.

Noo Mian 5:5

Bannit t’adsyn ta meen‐surransagh: son bee yn thalloo oc ayns eiraght.

Noo Mian 7:24

Quoi‐erbee er‐y‐fa shen ta clashtyn ad shoh my ghoan’s, as jannoo ymmyd mie jeu soylee‐ym eh gys dooinney creeney hrog e hie er creg:

1 Corinthianee 6:5

Ta mee loayrt gys y nearey eu. Nee shen myr te, nagh vel dooinney creeney nyn mast’ eu? unnane hene vees abyl cooish y vriwnys eddyr e vraaraghyn?

2 Corinthianee 10:1

Nish ta mish Paul mee hene guee erriu, liorish meenid as meiyghys Chreest, mish ta dy yeeaghyn orrym pene fardalagh nyn mast’ eu, agh dunnal tra ta mee veue.

2 Corinthianee 8:24

Shen‐y‐fa jeeagh‐jee dauesyn, as fenish ny kialteenyn, prowal jeh’n ghraih eu, as jeh’n voggyssagh ain er y lieh euish.

Galatianee 5:23

Meenid, sheeltys: noi nyn lheid cha vel leigh erbee.

Galatianee 6:1

Vraaraghyn, my ta dooinney taghyrt dy huittym ayns peccah, shiuish ta spyrrydoil, gow‐jee stiagh eh reesht ayns y spyrryd dy veenid; smooinaghtyn ort hene, er‐aggle dy vod uss myrgeddin ve miolit.

Galatianee 6:4

Agh lhig da dy chooilley ghooinney e obbyr hene y phrowal, as eisht vees echey oyr boggey ayn hene ny lomarcan, as cha nee ayns fer elley.

Ephesianee 4:2

Ayns dy chooilley injillid as meenid, lesh surranse‐foddey, gymmyrkey yn derrey yeh lesh y jeh elley ayns graih;

Philippianee 1:27

Erskyn ooilley, lhig da’n ymmyrkey‐bea eu ve cordail rish sushtal Chreest: myr shen edyr mee dy heet dy yeeaghyn shiu, ny gyn cheet, dy voddym clashtyn jeh nyn stayd, dy vel shiu shassoo shickyr ayns un Spyrryd, lesh un aigney streeu cooidjah son credjue yn tushtal;

Colossianee 3:12

Cur‐jee erriu er‐y‐fa shen (myr cloan reiht Yee, casherick as graihagh) meeaghyn dy vyghin, kenjallys, injillid‐aigney, meenid, surranse‐foddey;

1 Timothy 4:12

Ny lhig da dooinney erbee beg y hoiaghey jeh dty aegid, agh bee dty hampleyr dauesyn ta credjal, ayns goo, ayns ymmykey‐bea, ayns graih, ayns spyrryd, ayns credjue, ayns glennid.

1 Timothy 6:11

Agh uss, O ghooinney dy Yee, chea veih ny reddyn shoh: as eiyr da ynrickys, craueeaght, credjue, graih, surranse, meenid.

2 Timothy 2:25

Ayns meenid gynsageey adsyn ta shassoo magh; my saillish Jee arrys y chur daue gys goaill‐rish yn irriney;

Titus 3:2

Nagh loayr ad olk jeh dooinney erbee, dy ve sheeoil, imlee, soilshaghey dy chooilley veenid da dagh unnane.

Hebrewnee 13:5

Lhig da’n ymmyrkey‐bea eu ve fegooish saynt; as bee‐jee booiagh lesh lheid as t’eu: son t’eh er ghra, Cha vaag‐ym, ny cha dreig‐ym oo dy bragh.

Jamys 1:21

Shen‐y‐fa cur‐jee dy lhiattee dy chooilley neu‐ghlennid, as rouyr dy olkys, as gow‐jee lesh meenid yn goo ta fraueit ayndiu, ta fondagh dy hauail nyn anmeenyn.

Jamys 2:18

Agh foddee fer gra, Ta credjue ayd’s, as ta obbraghyn aym’s: jeeagh dooys yn credjue ayd’s fegooish dty obbraghyn, as jeeagh‐yms dhyts yn credjue aym’s liorish my obbraghyn.

Jamys 3:1

My vraaraghyn, ny shir‐jee dy ve ymmodee fir‐ynsee, toiggal [liorish shoh] dy bee mayd ny s’geyre er nyn mriwnys.

Jamys 3:17

Agh y chreenaght ta veih’n yrjey t’ee hoshiaght glen, eisht sheeoil, meen, as aashagh dy ve coyrlit, lane dy erreeish as dy vessyn mie, fegooish neu‐chorrymid, as fegooish chraueeaght‐oalsey.

1 Peddyr 1:15

Agh myr ta eshyn ta er n’eamagh erriu casherick, myr shen bee‐jee shiuish casherick ayns nyn slane ymmyrkey‐bea.

1 Peddyr 2:12

Leeideil nyn mea dy onneragh mastey ny Ashoonee; son wheesh as dy vel ad loayrt noi eu myr drogh‐yantee, dy vod ad liorish ny obbraghyn mie eu ver ad my‐ner, Jee y ghloyraghey ayns laa yn chooilleen.

1 Peddyr 2:9

Agh ta shiuish sheeloghe reiht, saggyrtys reeoil, ashoon casherick, pobble cosnit; dy jinnagh shiu soilshaghey magh yn moylley echeysyn t’er n’eamagh shiu ass y dorraghys gys e hoilshey mirrilagh:

1 Peddyr 3:4

Agh lhig da ve yn dooinney follit ’sy chree, ayns shen nagh jed naardey, dy jarroo yn coamrey dy spyrryd meen as feagh, ta mooar soit jeh ayns shilley Yee.