Jamys 2:19 - Yn Conaant Noa 1810

¹⁹ T’ou credjal dy vel un Jee ayn; t’ou jannoo dy mie: ta ny drogh‐spyrrydyn hene credjal, as er‐creau.

Yn Vible Casherick 1775 1819

¹⁹ T’ou credjal dy vel un Jee ayn; t’ou jannoo dy mie: ta ny drogh-spyrrydyn hene credjal, as er-creau.

Jamys 2:19 ပူးပေါင်းရင်းမြစ်များ

Noo Mian 8:29

As cur‐my‐ner deïe ad, gra, Cre’n eïe t’ayd orrin, Yeesey Vac Yee? vel oo er jeet dy nyn dorchaghey rhoish y traa?

Noo Mark 1:24

Gra, Faag voïd shin, cre’n eïe t’ayd orrin, Yeesey dy Nazareth? vel oo er jeet dy nyn stroie? ta fys aym quoi oo hene, eer fer casherick Yee.

Noo Mark 12:29

As dreggyr Yeesey eh, Yn chied anney jeh ooilley ny annaghyn, Clasht, O Israel, Ta’n Chiarn yn Jee ain yn ynrycan Chiarn;

Noo Mark 5:7

Agh deïe eh lesh ard‐choraa, as dooyrt eh, Cre’n eïe t’ayd orrym, Yeesey Vac yn Jee smoo ard? ta mee guee ort, ayns ennym Yee gyn oo dy my horchaghey.

Noo Mark 7:9

As dooyrt eh roo, S’mie ta shiu jannoo anney Yee gyn vree, dy hoiaghey seose ny oardaghyn eu hene.

Noo Luke 4:34

Gra, Faag shin; cre’n eïe t’ayd orrin uss Yeesey dy Nazareth? vel oo er jeet dy nyn stroie? ta fys aym quoi oo hene; Fer‐casherick Yee.

Noo Ean 17:3

As shoh yn vea veayn, tushtey y ve oc jeed’s yn ynrycan Jee firrinagh, as jeh Yeesey Creest t’ou uss er choyrt.

Jannoo 16:17

Deiyr ee shoh er Paul as orrinyn, gyllagh as gra, Ny deiney shoh sharvaantyn y Jee smoo ard, ta soilshaghey dooin raad y taualtys.

Jannoo 19:15

As dreggyr y drogh‐spyrryd as dooyrt eh, Yeesey shione dou, as ta enney aym er Paul; agh quoi shiuish?

Jannoo 24:25

As myr v’eh resooney mychione cairys, sheeltys, as y vriwnys ry heet, huitt Felix er creau, as dansoor eh, Immee royd son y traa shoh, as cha leah’s yioym caa cooie er y hon, ver‐ym fys ort.

Romanee 3:30

Fakin dy nee yn un Jee cheddin, nee seyrey yn giarey‐chymmylt liorish credjue, as yn an‐ghiarey‐chymmylt trooid credjue.

1 Corinthianee 8:4

Mychione gee ny reddyn shen eisht t’er ny hebbal ayns oural gys jallooyn, ta fys ain nagh vel jalloo monney ’sy theihll, as nagh vel Jee erbee elley ayn agh unnane.

1 Corinthianee 8:6

Agh dooinyn cha vel ayn agh un Jee, yn Ayr, jehsyn ta dy chooilley nhee, as shinyn aynsyn; as un Chiarn Yeesey Creest, liorishyn ta dy chooilley nhee, as shinyn liorishyn.

Galatianee 3:20

Nish cha vel fer ta loayrt eddyr jees loayrt son unnane ny lomarcan, agh ta Jee unnane.

1 Timothy 2:5

Son ta un Jee ayn, as un er ta loayrt eddyr Jee as deiney, yn dooinney Creest Yeesey;

Jamys 2:8

My ta shiu cooilleeney yn leigh reooil, cordail rish y scriptyr, Ver oo graih da dy naboo myr dhyt hene, ta shiu jannoo dy mie.

Jude 1:4

Son ta shiartanse dy gheiney dy steetagh er hayrtyn stiagh, nyn gour va’n vriwnys shoh roïe er ny oardaghey; deiney mee‐chrauee, chyndaa grayse yn Jee ain gys rouanys, as gobbal yn ynrycan Chiarn Jee, as nyn Jiarn Yeesey Creest.

Jude 1:6

As ny ainleyn nagh dreill yn chied stayd oc hene, agh daag nyn gummallyn cooie, t’eh er vreayll ayns geulaghyn dy bragh farraghtyn fo dorraghys cour briwnys yn laa mooar.

Ashlish 20:10

As va’n jouyl ren ad y volley, er ny hilgey ayns y logh dy aile as brimstone, raad ta’n veisht as y phadeyr foalsey, as bee ad er nyn dorchaghey oie as laa son dy bragh as dy bragh.