Jamys 2:14 - Yn Conaant Noa 1810

¹⁴ Cre sheeagh eh, my vraaraghyn, da dooinney dy ghra dy vel credjue echey, as nagh vel obbraghyn echey? vod credjue y hauail eh?

Yn Vible Casherick 1775 1819

¹⁴ Cre sheeagh eh, my vraaraghyn, da dooinney dy ghra dy vel credjue echey, as nagh vel obbraghyn echey? vod credjue y hauail eh?

Jamys 2:14 ပူးပေါင်းရင်းမြစ်များ

Noo Mian 5:20

Son ta mee gra riu, Mannagh bee yn ynrickys euish erskyn ynrickys ny Scrudeyryn as ny Phariseeyn, cha vod shiu er aght erbee goll stiagh ayns reeriaght niau.

Noo Luke 3:11

Dreggyr eh as dooyrt eh roo, Eshyn ta daa chooat echey, lhig da y choyrt dasyn nagh vel cooat eddyr echey; as eshyn ta beaghey echey, lhig da jannoo er yn aght cheddin.

Noo Luke 6:49

Agh eshyn ta clashtyn as nagh vel jannoo ymmyd mie jeh, t’eh goll‐rish dooinney, ren fegooish undin thie y hroggal er yn ooir, as ren y thooilley brishey stiagh dy trome, as chelleeragh huitt eh, as s’mooar va toyrt‐mow yn thie shen.

Jannoo 15:9

As cha dug eh liettrimys erbee eddyr adsyn as shinyn, casherickey ny creeaghyn oc liorish credjue.

Jannoo 8:13

As va Simon hene er hyndaa gys y chredjue: as tra v’eh er ny vashtey, duirree eh marish Philip, goaill yindys, as cur tastey da ny mirrilyn as ny cowraghyn v’er nyn obbraghey.

Jannoo 8:21

Cha vel aart ny paart ayd ’sy chirveish shoh: son cha vel dty chree ynrick ayns shilley Yee.

Romanee 2:25

Son dy firrinagh ta giarey‐chymmylt vondeishagh, my t’ou freayll y leigh: agh my t’ou brishey’n leigh, ta dty ghiarey‐chymmylt jeant ny an‐ghiarey‐chymmylt.

1 Corinthianee 15:2

Liorish ta shiu myrgeddin er nyn sauail, my ta shiu freayll ayns cooinaghtyn shen ny ren mee y phreacheil diu, mannagh vel shiu er chredjal ayns fardail.

1 Corinthianee 16:22

My ta dooinney erbee nagh vel graih echey er y Chiarn Yeesey Creest, lhig da ve Anathema, Maran‐atha.

Galatianee 5:13

Son ta shiuish, vraaraghyn, er ve er nyn eam gys reamys [Creestee]; agh ny jean‐jee yn reamys shoh leshtal son yn eill, agh ayns graih shirveish‐jee yn derrey yeh yn jeh elley.

Galatianee 5:6

Son ayns Yeesey Creest, cha vel giarey‐chymmylt jeh veg y vondeish, ny an‐ghiarey‐chymmylt, agh credjue ta gobbraghey liorish graih.

1 Thessalonianee 1:3

Cooinaghtyn dy kinjagh er yn obbyr eu dy chredjue, as y tooilleil dy ghraih, as y surranse dy hreishteil ayns nyn Jiarn Yeesey Creest, ayns shilley Yee as nyn Ayr:

1 Timothy 1:5

Nish ta graih lhieeney yn anney, ayns cree glen, as cooinsheanse vie, as credjue firrinagh:

1 Timothy 4:8

Er son shirveish y challin cha vooar yn ymmyd t’ayn: agh ta craaueeaght vondeishagh gys dy chooilley nhee, myr ta gialdyn echey jeh’n vea ta nish ayn, as jeh shen ta ry heet.

Titus 1:16

T’ad goaill orroo dy vel tushtey oc dy Yee; agh ayns nyn obbraghyn t’ad gobbal eh, feohdoil as mee‐viallagh, as noi dy chooilley obbyr vie er nyn greoghey.

Titus 3:8

Shoh raa firrinagh, as ny reddyn shoh saillym oo kinjagh, dy hionney orroo, dy vod adsyn ta er chredjal ayns Jee, ve kiaralagh dy hoilshaghey magh obbraghyn mie: ta ny reddyn shoh mie as vondeishagh da deiney.

Hebrewnee 11:17

Liorish credjue ren Abraham tra v’eh er ny phrowal, chebbal seose Isaac: as ren eshyn hooar ny gialdynyn e ynrycan er‐ny‐gheddyn mac y hebbal seose:

Hebrewnee 13:9

Ny bee‐jee er nyn imman noon as noal lesh ymmodee ynsaghyn joarree: son te red mie dy bee’n cree er ny niartaghey lesh grayse, cha nee ayns y leigh mychione bee, nagh vel er ve vondeishagh dauesyn t’er chur tastey daue.

Jamys 1:16

Ny bee‐jee mollit, ny chaarjyn ghraihagh.

Jamys 2:16

As unnane eu dy ghra roo, Immee‐jee reue ayns shee, dy row fastee as beaghey eu: as nagh vel shiu coyrt daue ny reddyn shen ta ymmyrchagh da’n chorp; cre‐woad share ad?

Jamys 2:18

Agh foddee fer gra, Ta credjue ayd’s, as ta obbraghyn aym’s: jeeagh dooys yn credjue ayd’s fegooish dty obbraghyn, as jeeagh‐yms dhyts yn credjue aym’s liorish my obbraghyn.

Jamys 2:26

Son myr ta’n corp fegooish y spyrryd marroo, myr shen ta credjue fegooish obbraghyn marroo myrgeddin.

2 Peddyr 1:5

As marish shoh, lesh slane imnea, cur‐jee gys nyn gredjue, dunnallys; as gys dunnallys, tushtey;