Jamys 1:27 - Yn Conaant Noa 1810

²⁷ Craueeaght firrinagh as glen kiongoyrt rish Jee, dy jarroo yn Ayr, shoh eh, Dy ghoaill kiarail jeh cloan gyn ayr as mraane‐treoghe ayns nyn seaghyn, as dy reayll eh hene glen veih broïd y theihll.

Yn Vible Casherick 1775 1819

²⁷ Craueeaght firrinagh as glen kiongoyrt rish Jee, dy jarroo yn Ayr, shoh eh, Dy ghoaill kiarail jeh cloan gyn ayr as mraane-treoghe ayns nyn seaghyn, as dy reayll eh hene glen veih broïd y theihll.

Jamys 1:27 ပူးပေါင်းရင်းမြစ်များ

Noo Mian 12:32

As quoi‐erbee loayrys fockle noi Mac y dooinney, bee eh er ny leih da: agh quoi‐erbee loayrys noi yn Spyrryd Noo, cha bee eh er ny leih da, edyr ’sy theihll shoh, ny ’sy theihll ta ry‐heet.

Noo Mian 5:8

Bannit t’adsyn ta glen ayns cree: son ver ad Jee my‐ner.

Noo Luke 1:6

As va’d ny neesht cairagh kiongoyrt rish Jee, gimmeeaght ayns ooilley annaghyn as oardaghyn y Chiarn gyn loght.

Romanee 12:2

As ny jean‐jee shiu hene y chummey gys y theihll shoh; agh bee‐jee er nyn gaghlaa ayns y cummey noa jeh nyn aigney, dy vod shiu prowal cre ta’n aigney shen dy Yee ta mie as booisal da, as dy slane casherick.

Romanee 2:13

(Son cha nee adsyn ta clashtyn y leigh ta seyr fenish Yee, agh jeantee yn leigh vees er ny heyrey.

Galatianee 1:4

Ren eh‐hene y choyrt son nyn beccaghyn, dy livrey shin veih’n drogh heihll t’ayn nish, cordail rish aigney Yee as nyn Ayr:

Galatianee 3:11

Agh nagh vel dooinney erbee er ny heyrey ayns shilley Yee liorish y leigh, te plain: son, Liorish credjue bee’n dooinney cairal bio.

Galatianee 5:6

Son ayns Yeesey Creest, cha vel giarey‐chymmylt jeh veg y vondeish, ny an‐ghiarey‐chymmylt, agh credjue ta gobbraghey liorish graih.

Galatianee 6:14

Agh ny lhig eh Jee dy jinnin’s boggyssagh, agh ayns crosh nyn Jiarn Yeesey Creest, liorish ta’n seihll er ny chrossey hym’s, as mish gys y theihll.

Ephesianee 2:2

Ayndoo ren shiu gimmeeaght ayns y traa t’er n’gholl shaghey cordail rish cliaghtey yn theihll shoh, cordail rish prince pooar yn aer, yn spyrryd ta nish gobbraghey ayns y chloan dy vee‐viallys:

1 Timothy 1:5

Nish ta graih lhieeney yn anney, ayns cree glen, as cooinsheanse vie, as credjue firrinagh:

1 Timothy 5:4

Agh my ta ec ben‐treoghe erbee cloan ny ogheyn, lhig daue hoshiaght gynsaghey dy hoilshaghey kenjallys dooie ec y thie, as dy yannoo lhiasagh da nyn ayraghyn as moiraghyn: son ta shen mie, as soiagh er ny yannoo jeh fenish Yee.

Titus 2:12

Gynsaghey dooin, liorish, gobbal mee‐chraueeaght as yeearreeyn seihlltagh, dy lhisagh shin beaghey dy sheelt, dy cairal, as dy crauee ayns y theihll shoh;

Jamys 3:17

Agh y chreenaght ta veih’n yrjey t’ee hoshiaght glen, eisht sheeoil, meen, as aashagh dy ve coyrlit, lane dy erreeish as dy vessyn mie, fegooish neu‐chorrymid, as fegooish chraueeaght‐oalsey.

Jamys 3:9

Lesh ta shin bannaghey Jee, dy jarroo yn Ayr; as lesh ta shin gweeaghyn da deiney, ta jeant lurg caslys Yee.

Jamys 4:4

Shiuish gheiney as vraane maarderee [spyrrydoil,] nagh vel fys eu dy vel caarjys y theihll noidys rish Jee? quoi‐erbee er‐y‐fa shen saillish ve ny charrey da’n seihll, t’eh noid Yee.

2 Peddyr 1:4

Liorish t’er ny choyrt dooinyn gialdynyn erskyn towse mooar as ooasle; lioroo shoh dy vod shiu ve goaill ayrn jeh’n dooghys flaunyssagh, myr ta shiu er haghney yn neu‐ghlennid t’ayns y theihll trooid yeearreeyn ny foalley.

2 Peddyr 2:20

Son lurg daue ve er haghney broïd y theihll trooid tushtey jeh’n Chiarn as Saualtagh Yeesey Creest, my t’ad reesht goit ’sy ribbey, as yn varriaght er ny gheddyn orroo; ta’n jerrey oc ny smessey na’n toshiaght.

2 Peddyr 3:14

Shen‐y‐fa, chaarjyn, fakin dy vel shiu jerkal rish lheid ny reddyn, bee‐jee imneagh dy bee shiu er nyn gheddyn liorishyn ayns shee, fegooish foill, as gyn loght.

1 Ean 5:18

Ta fys ain quoi‐erbee ta ruggit jeh Jee, nagh vel eh cur rish peccah; agh eshyn ta er ny ghientyn jeh Jee, t’eh freayll arrey er hene, as cha vel yn drogh‐er bentyn rish.