Jamys 1:25 - Yn Conaant Noa 1810

²⁵ Agh quoi‐erbee ta jeeaghyn dy dowin ayns leigh yn seyrsnys firrinagh, as tannaghtyn ayn; nagh vel jarrood ny t’eh dy chlashtyn, agh fer ta jannoo yn obbyr, bee’n dooinney shoh bannit ayns e yannoo.

Yn Vible Casherick 1775 1819

²⁵ Agh quoi-erbee ta jeeaghyn dy dowin ayns leigh yn seyrsnys firrinagh, as tannaghtyn ayn; nagh vel jarrood ny t’eh dy chlashtyn, agh fer ta jannoo yn obbyr, bee’n dooinney shoh bannit ayns e yannoo.

Jamys 1:25 ပူးပေါင်းရင်းမြစ်များ

Noo Luke 11:28

Agh dooyrt eshyn, Dy jarroo foddey s’bannee t’adsyn ta clashtyn goo Yee, as freayll eh.

Noo Ean 13:17

My ta fys eu er ny reddyn shoh, s’mayrnrey vees shiu my nee shiu ad y yannoo.

Noo Ean 8:36

My nee yn Mac er‐y‐fa shen shiuish seyr, bee shiu seyr dy jarroo.

Jannoo 13:43

As erreish da’n chaglym‐cooidjagh v’er skeayley, deiyr ymmodee jeh ny Hewnyn, as jeh ny proselyteyn crauee er Paul as Barnabas; as loayr ad roo, as choyrlee ad ad dy hannaghtyn ayns grayse Yee.

Jannoo 2:42

As ren ad tannaghtyn ayns ynsagh as sheshaght ny hostyllyn, as ayns brishey arran, as ayns padjeryn.

Jannoo 26:22

Lesh y cooney er‐y‐fa shen hooar mee veih Jee, ta mee er‐mayrn gys y laa t’ayn jiu, gymmyrkey feanish chammah gys beg as mooar, fegooish nhee erbee sodjey y ghra na dooyrt ny phadeyryn as Moses harragh gy‐kione:

Romanee 11:22

Cur‐my‐ner er‐y‐fa shen mieys as briwnys gyere Yee: orroosyn ren tuittym briwnys gyere; agh ort’s, mieys, my t’ou tannaghtyn ayns e vieys: er aght elley bee uss myrgeddin giarit jeh.

Romanee 2:13

(Son cha nee adsyn ta clashtyn y leigh ta seyr fenish Yee, agh jeantee yn leigh vees er ny heyrey.

Romanee 7:12

Myr shen ta’n leigh casherick; as ta’n anney casherick, as cairagh, as mie.

Romanee 8:15

Son cha vel shiu er ghoaill yn Spyrryd dy vondiaght reesht dy ve fo aggle; agh ta shiu er gheddyn yn Spyrryd dy gholtanys, liorish ta shin geamagh, Abba, Ayr.

Romanee 8:2

Son ta leigh Spyrryd y vea, ayns Creest Yeesey, er n’yannoo mee seyr veih leigh peccah as baase.

1 Corinthianee 15:58

Shen‐y‐fa, my chaarjyn graihagh, shass‐jee shickyr, gyn scughey, dy kinjagh goll er nyn doshiaght ayns obbyr y Chiarn, son wheesh as dy vel fys eu nagh vel y laboraght eu ayns fardail ayns y Chiarn.

2 Corinthianee 13:5

Feysht‐jee shiu hene, vel shiu ayns y chredjue; prow‐jee shiu hene: nagh vel fys euish shiu hene, dy vel Yeesey Creest ayndiu; mannagh vel, ta shiu mee‐lowit?

Galatianee 2:4

As shen kindagh rish braaraghyn foalsey v’er nyn goyrt lhieu gyn‐yss ny vud ain, haink stiagh dy croutagh dy chronnaghey yn reamys t’ain ayns Creest Yeesey, dy voddagh ad shin y choyrt lhieu fo bondiaght:

Galatianee 5:1

Shass‐jee shickyr er‐y‐fa shen ’sy reamys ta Creest er chosney dooin, as ny bee‐jee kianlt reesht fo’n whing dy vondiaght.

Galatianee 6:2

Ymmyrk‐jee erraghyn y cheilley, as myr shoh lhieen‐jee yn leigh.

Colossianee 1:23

My nee shiu tannaghtyn ’sy chredjue gruntit as shickyrit, as gyn ve scughit ersooyl veih treishteil y tushtal, ta shiu er chlashtyn, as v’er ny phreacheil da dy chooilley chretoor fo niau; jeh shen ta mish Paul pointit dy ve my hirveishagh.

1 Timothy 2:15

Foast, bee ee er ny hauail ayns gymmyrkey‐lhiannoo, my nee ad tannaghtyn ayns credjue as graih, as craueeaght lesh sheeltys.

1 Timothy 4:16

Cur tastey dhyt hene, as da dty ynsagh; jean tannaghtyn ayndoo: son ayns jannoo shoh, nee oo chammah oo hene y hauail, ad adsyn ta dy dty chlashtyn.

Hebrewnee 12:15

Jeeaghyn dy imneagh, nagh duitt dooinney erbee giare jeh grayse Yee; er‐aggle dy jean fraue erbee dy herriuid gaase seose, shiu y voirrey, as ymmodee liorish shen er nyn byshooney:

Jamys 2:12

Myr shen loayr‐jee, as myr shen jean‐jee, myr adsyn vees er nyn mriwnys liorish y leigh dy reamys [creestee].

1 Peddyr 2:16

Myr adsyn ta seyr, fegooish jannoo ymmyd jeh’n seyrsnys eu son coodaghey dy olkys; agh myr sharvaantyn Yee.

1 Ean 2:24

Lhig da shen eisht tannaghtyn ayndiu, ta shiu er chlashtyn er‐dyn toshiaght. My nee shen ta shiu er chlashtyn er‐dyn toshiaght tannaghtyn ayndiu, nee shiuish myrgeddin tannaghtyn ayns y Mac, as ayns yn Ayr.

Ashlish 14:13

As cheayll mee coraa veih niau, gra rhym, Scrieu, Veih shoh magh, bannit ta ny merriu ta geddyn baase ayns y Chiarn: Dy jarroo myr shen ta’n Spyrryd dy ghra, son t’ad ec fea veih nyn seaghyn; as ta nyn obbraghyn geiyrt daue.

Ashlish 22:14

Bannit t’adsyn ta cooilleeney e annaghyn, dy vod cairys ve oc gys billey yn vea, as dy vod ad goll stiagh er ny giattyn gys yn ard‐valley.