Hebrewnee 9:23 - Yn Conaant Noa 1810

²³ Ve ymmyrchagh er‐y‐fa shen dy beagh ny sampleyryn dy reddyn ayns ny niaughyn er ny ghlenney lhieu shoh; agh ny reddyn flaunyssagh hene lesh ourallyn share na ad shoh.

Yn Vible Casherick 1775 1819

²³ Ve ymmyrchagh er-y-fa shen dy beagh ny sampleyryn dy reddyn ayns ny niaughyn er nyn ghlenney lhieu shoh; agh ny reddyn flaunyssagh hene lesh ourallyn share na ad shoh.

Hebrewnee 9:23 ပူးပေါင်းရင်းမြစ်များ

Noo Luke 24:26

Nagh beign da Creest ny reddyn shoh y hurranse as goll stiagh ayns e ghloyr?

Noo Luke 24:46

As dooyrt eh roo, Shoh myr te scruit, as shoh myr ve kiarit da Creest dy hurranse, as dy irre yn trass laa veih ny merriu:

Noo Ean 14:3

As my hem’s dy yannoo aarloo ynnyd er nyn son, hig‐ym reesht, as goym shiu hym pene, raad ta mish dy vod shiuish ve myrgeddin.

Jannoo 23:15

Nish er‐y‐fa shen jean‐jee shiuish as y choonceil fys y chur gys yn ard‐chaptan eh dy chur lesh eh fenish euish mairagh, myr dy beagh red ennagh eu dy gheddyn toiggal sodjey jeh mychione echey: as bee mainyn aarloo dy ghoaill e vioys my jig eh nyn vaar.

Colossianee 2:17

Ta scaa jeh reddyn ta ry heet; agh ta’n corp jeh Creest.

Hebrewnee 10:1

Cha vod y leigh, nagh vel agh scaa jeh reddyn mie ry‐heet, as cha nee cummey firrinagh ny reddyn hene, dy bragh lesh ny ourallyn shen ren ad chebbal kinjagh blein lurg blein, adsyn ta cheet huc y chasherickey.

Hebrewnee 10:4

Son cha vel eh possible dy jinnagh fuill terriu as goair goaill ersooyl peccaghyn.

Hebrewnee 8:5

Ta shirveish fo caslys as scadoo reddyn flaunyssagh, myr hug Jee raaue da Moses tra v’eh mysh troggal yn cabbane‐agglish. Son jeeagh (as eshyn) dy jean oo dy chooilley nhee cordail rish y sampleyr v’er ny ashlaghey dhyt er y chronk.

Hebrewnee 9:14

Cre‐woad smoo nee fuill Chreest, ren eh hene y oural gyn foill gys Jee trooid y Spyrryd dy bragh beayn, yn chooinsheanse euish y ghlenney veih obbraghyn marroo dy hirveish y Jee bio?

Hebrewnee 9:24

Son cha vel Creest er n’gholl stiagh ayns ny ynnydyn casherick jeant lesh laueyn, ta co‐chaslyslyn jeh’n ynnyd firrinagh; agh ayns niau hene, nish dy hassoo ayns fenish Yee er nyn son:

Ashlish 5:9

As ghow ad arrane noa, gra, T’ou uss feeu dy ghoaill y lioar, as dy eaysley ny sealyn eck: son v’ou er ny choyrt dy baase, as t’ou er chionnaghey shin reesht gys Jee liorish dty uill, ass dy chooilley chynney, as glare, as pobble, as ashoon;