Hebrewnee 9:16 - Yn Conaant Noa 1810

¹⁶ Son raad ta chymney, te ymmyrchagh neesht dy bee baase yn fer ren y chymney er ny yannoo mie:

Yn Vible Casherick 1775 1819

¹⁶ Son raad ta chymney, te ymmyrchagh neesht dy bee baase yn fer ren y chymney er ny yannoo mie:

Hebrewnee 9:16 ပူးပေါင်းရင်းမြစ်များ

Romanee 5:12

Shen‐y‐fa, myr liorish un dooinney haink peccah stiagh ’sy theihll, as baase, liorish peccah; as myr shen jimmee’n baase er dy chooilley ghooinney, son dy vel ooilley er n’yannoo peccah.

Romanee 6:23

Son she faill peccah yn baase: agh she gioot Yee yn vea dy bragh beayn, trooid Yeesey Creest nyn Jiarn.

1 Corinthianee 15:22

Son ’naght myr ayns Adam ta ooilley geddyn baase, dy jarroo myr shen ayns Creest bee ooilley jeant bio.

Hebrewnee 1:3

Myr v’eh sollyssid e ghloyr, as eer co‐chaslys e phersoon, as cummal seose dy chooilley nhee liorish goo e phooar, tra v’eh liorish hene er ghlenney ersooyl ny peccaghyn ainyn, hoie eh sheese er laue yesh yn ard‐ooashley ayns yn yrjid:

Hebrewnee 13:20

Nish dy jean Jee ny shee hug lesh reesht veih ny merriu nyn Jiarn Yeesey, ard‐vochilley ny geyrragh, trooid fuill y chonaant dy bragh farraghtyn,

Hebrewnee 9:15

As son yn oyr shoh she eshyn ta eddyr shin as Jee fo’n conaant noa, myr shen liorish fuilliaghtyn baase dy yannoo lhiassaghey son ny peccaghyn va fo’n chied chonaant, dy voddagh adsyn t’er nyn eam geddyn yn gialdynys jeh eiraght dy bragh farraghtyn.

Hebrewnee 9:17

Son ta chymmey goaill ynnyd lurg da sleih ve marroo; er aght elley cha vel eh jeh veg y vree choud as ta’n chymneyder bio.

Jamys 2:10

Son quoi‐erbee nee freayll yn slane leigh, as ny yeih ta foiljagh ayns un phoint, t’eh kyndagh jeu ooilley.