Hebrewnee 9:11 - Yn Conaant Noa 1810

¹¹ Agh ta Creest er jeet dy ve ny ard‐saggyrt jeh reddyn mie ry‐heet, liorish cabbane‐agglish smoo as s’fondee, cha nee jeant lesh laueyn, ta shen dy ghra, cha nee jeh’n troggal shoh;

Yn Vible Casherick 1775 1819

¹¹ Agh ta Creest er jeet dy ve ny ard-saggyrt jeh reddyn mie ry-heet, liorish cabbane-agglish smoo as s’fondee, cha nee jeant lesh laueyn, ta shen dy ghra, cha nee jeh’n troggal shoh;

Hebrewnee 9:11 ပူးပေါင်းရင်းမြစ်များ

Noo Mian 11:3

Dy ghra rish, Nee uss eh va dy heet, ny vel shin dy yeeaghyn son fer elley?

Noo Mian 2:6

As uss Vethlehem ayns cheer Yudea, cha nee oo sloo ta mastey princeyn Yuda: son assyd’s hig Kiannoort nee reill my phobble Israel.

Noo Mark 14:58

Cheayll shin eh gra, Lhieg‐yms y chiamble shoh ta jeant lesh laueyn, as cheu‐sthie jeh three laa, trog‐ym chiamble elley vees jeant fegooish laueyn.

Noo Ean 1:14

As ghow yn Goo er dooghys ny foalley, as ren eh beaghey nyn mast’ ain (as hug shin my‐ner yn ghloyr echey, yn ghloyr myr jeh’n ynrycan Mac er‐ny‐gheddyn jeh’n Ayr) lane dy ghrayse as dy irrinys.

Noo Ean 4:25

Dooyrt y ven rish, Ta fys aym dy vel Messias cheet ta enmyssit Creest: tra hig eshyn, inshee eh dooin dy chooilley nhee.

Jannoo 7:48

Ny‐yeih cha vel y Jee smoo ard cummal ayns chiambyllyn troggit lesh laueyn; myr ta’n phadeyr gra,

2 Corinthianee 4:18

Choud as ta sooill ain, cha nee er ny reddyn ta ayns fakin, agh er ny reddyn nagh vel ayns fakin: son cha vel ny reddyn t’ayns fakin agh son tammylt; agh ny reddyn nagh vel ayns fakin, t’ad dy bragh farraghtyn.

2 Corinthianee 5:1

Son ta fys ain, dy beagh y thie thallooinagh ain jeh’n chabbane shoh er ny choyrt naardey, dy vel ynnyd‐vaghee ain veih Jee, thie nagh vel jeant lesh laueyn, dy bragh farraghtyn ayns ny niaughyn.

Colossianee 2:11

Aynsyn ta shiuish myrgeddin er nyn ghiarey‐chymmylt lesh y ghiarey‐chymmylt jeant fegooish laueyn, ayns coyrt ersooyl corp peccaghyn yn eill, liorish giarey‐chymmylt Chreest:

Hebrewnee 10:1

Cha vod y leigh, nagh vel agh scaa jeh reddyn mie ry‐heet, as cha nee cummey firrinagh ny reddyn hene, dy bragh lesh ny ourallyn shen ren ad chebbal kinjagh blein lurg blein, adsyn ta cheet huc y chasherickey.

Hebrewnee 12:27

As ta’n raa shoh, Foast keayrt elley, cowraghey scughey ny reddyn shen ta er ny chraa, myr reddyn ta jeant [son earish], dy vod ny reddyn shen nagh vod v’er ny chraa tannaghtyn.

Hebrewnee 13:14

Son ayns shoh cha vel ain ard‐valley shickyr, agh ta skin jerkal rish ta ry‐heet.

Hebrewnee 2:17

Shen‐y‐fa ve cooie da er dy chooilley aght dy ve jeant casley rish e vraaraghyn; dy voddagh eh ve ny ard‐saggyrt myghinagh as firrinagh, ayns reddyn bentyn rish Jee, dy yannoo lhiassaghey son peccaghyn yn phobble:

Hebrewnee 3:1

Shen‐y‐fa, vraaraghyn chrauee, paarteeassyn ’syn eam flaunyssagh, cur‐jee tastey mie da Yeesey Creest, ostyl as ard‐saggyrt nyn gredjue:

Hebrewnee 4:15

Son cha vel ain ard‐saggyrt nagh vel ennaghtyn chymmoil echey jeh nyn annooinidyn; agh v’eh er dy chooilley aght er ny phrowal lesh seaghyn myr ta shin hene, foast fegooish peccah.

Hebrewnee 7:1

Son y Melchisedec shoh ree Salem, saggyrt yn Jee smoo syrjey, hie quaïl Abraham myr v’eh er y raad veih stroie ny reeaghyn, as vannee eh:

1 Ean 5:20

As ta fys ain dy vel Mac Yee er jeet, as er choyrt dooin tushtey, dy vod mayd enney y choyrt ersyn ta firrinagh: as ta shin aynsyn ta firrinagh, dy jarroo ayns e Vac Yeesey Creest. Shoh yn Jee firrinagh, as yn vea dy bragh farraghtyn.

2 Ean 1:7

Son ta ymmodee molteyryn er n’gholl magh fud y theihll, nagh vel goaill‐rish dy vel Yeesey Creest er jeet ayns yn eill. Shoh eh ta ny volteyr, as yn an‐chreestee.