Hebrewnee 9:10 - Yn Conaant Noa 1810

¹⁰ Yn chirveish cheddin va shassoo ny lomarcan ayns bee as jough, as ymmodee oonlaghyn as oardaghyn foalley, kianlt orroo derrey imbagh yn stayd noa.

Yn Vible Casherick 1775 1819

¹⁰ Yn chirveish cheddin va shassoo ny-lomarcan ayns bee as jough, as ymmodee oonlaghyn as oardaghyn foalley, kianlt orroo derrey imbagh yn stayd noa.

Hebrewnee 9:10 ပူးပေါင်းရင်းမြစ်များ

Noo Mark 7:4

As tra t’ad cheet thie veih’n vargey, cha vel ad gee, derrey t’ad niee. As ta ymmodee dy reddyn elley, t’ad er ghoaill orroo dy reayll, niee cappanyn as siyn crayee, siyn prashey as buird.

Galatianee 4:9

Agh nish erreish da enney ve eu er Jee, er‐nonney lurg da enney ve ec Jee erriuish, kys te dy vel shiu chyndaa gys ny cliaghtaghyn faase as fardalagh, foue shen ta shiu geearee dy ve reesht ayns bondiaght?

Ephesianee 1:10

Ayns coorse slane towse ny hearishyn, dy voddagh eh chaglym cooidjagh ayns unnane dy chooilley nhee ayns Creest, chammah ny t’ayns niau as er y thalloo, dy jarroo aynsyn.

Ephesianee 2:15

Coyrt naardey ayns yn eill echey hene yn noidys, dy jarroo leigh ny saraghyn, va shassoo ayns oardaghyn, son dy yannoo ayn hene jeh jees, un dooinney noa, myr shen jannoo shee;

Colossianee 2:16

Ny lhig da dooinney erbee er‐y‐fa shen shiuish y vriwnys mychione bee ny jough, ny mychione laa‐feailley, ny mychione eayst‐noa, ny mychione dooneeyn:

Hebrewnee 10:22

Lhig dooin tayrn er‐gerrey lesh cree firrinagh, ayns slane shickyrys dy chredjue, liorish nyn greeaghyn v’er nyn ghlenney veih drogh chooinsheanse, as nyn girp er nyn niee lesh ushtey glen.

Hebrewnee 13:9

Ny bee‐jee er nyn imman noon as noal lesh ymmodee ynsaghyn joarree: son te red mie dy bee’n cree er ny niartaghey lesh grayse, cha nee ayns y leigh mychione bee, nagh vel er ve vondeishagh dauesyn t’er chur tastey daue.

Hebrewnee 2:5

Son cha vel eh er choyrt fo reill ainleyn yn seihll ta ry heet, my‐e‐chione ta shin loayrt.

Hebrewnee 6:2

Jeh’n ynsagh mychione bashtey, ny jeh goll fo laueyn, as jeh irree‐seose‐reesht ny merriu, as jeh briwnys dy bragh farraghtyn.

Hebrewnee 6:5

As er vlashtyn goo mie Yee, as pooaraghyn y theihll ta ry‐heet;

Hebrewnee 7:12

Son myr va’n saggyrtys er ny chaghlaa, te ymmyrchagh caghlaa ve jeant ayns y leigh myrgeddin.

Hebrewnee 7:16

Ta er ny oardaghey, cha nee lurg leigh sarey foalley, agh lurg pooar bea gyn jerrey.

Hebrewnee 9:1

Va eisht dy jarroo fo’n chied chonaant myrgeddin oardaghyn dy hirveish casherick, as cabbane‐agglish seihlltagh.