Hebrewnee 6:9 - Yn Conaant Noa 1810

⁹ Agh chaarjyn, ta shin smooinaghtyn ny share jiuish, as reddyn ta bentyn gys saualtys, ga ta shin loayrt myr shoh.

Yn Vible Casherick 1775 1819

⁹ Agh chaarjyn, ta shin smooinaghtyn ny share jiuish, as reddyn ta bentyn gys saualtys, ga ta shin loayrt myr shoh.

Hebrewnee 6:9 ပူးပေါင်းရင်းမြစ်များ

Noo Mark 16:16

Bee eshyn ta credjal as ta bashtit, er ny hauail; agh bee eshyn nagh jean credjal er ny gheyrey.

Jannoo 11:18

Tra cheayll ad shoh, v’ad nyn dhost, as hug ad gloyr da Jee, gra, Eisht ta Jee da ny Ashoonee myrgeddin er ghialdyn arrys gys bea.

Jannoo 20:21

Gymmyrkey feanish chammah gys ny Hewnyn as myrgeddin gys ny Ashoonee, mychione arrys gys Jee, as credjue gys nyn Jiarn Yeesey Creest.

1 Corinthianee 10:14

Shen‐y‐fa my chaarjyn deyr, chea‐jee veih coyrt ooashley da jallooyn.

2 Corinthianee 12:19

Reesht, vel shiu smooinaghtyn dy vel shin jannoo leshtallyn? ta shin loayrt fenish Yee ayns Creest: agh ta shin jannoo dy chooilley nhee, chaarjyn ennoil, dy chur tushtey sodjey diu.

2 Corinthianee 7:1

Fakin eisht dy vel ny gialdynyn shoh ain (my ghraihyn deyr) lhig dooin glenney shin hene veih dy chooilley vroïd jeh’n eill as jeh’n spyrryd, cooilleeney casherickys ayns aggle Yee.

2 Corinthianee 7:10

Son ta trimshey crauee gobbraghey arrys gys saualtys, nagh vel arrys dy v’er ny ghoaill jeh: agh ta trimshey’n theihll gobbraghey baase.

Galatianee 5:6

Son ayns Yeesey Creest, cha vel giarey‐chymmylt jeh veg y vondeish, ny an‐ghiarey‐chymmylt, agh credjue ta gobbraghey liorish graih.

Hebrewnee 10:34

Son va chymmey eu orrym’s ayns my gheulaghyn, as ghow shiu dy arryltagh rish spooilley nyn gooid, toiggal ayndiu hene dy vel nyn gour cooid share as s’beayn ayns niau.

Hebrewnee 10:39

Agh cha vel shin jeh nyn lheid ta tayrn back gys y toyrt‐mow oc hene; agh jeusyn ta credjal, gys saualtys anmey.

Hebrewnee 2:3

Kys oddys shinyn scapail, my nee mayd mee‐rioose er saualtys cha gloyroil, va hoshiaght focklit magh liorish y Chiarn, as v’er ny hickyraghey dooinyn lioroosyn cheayll eh;

Hebrewnee 5:9

As myr shoh er ny chasherickey, haink eh dy ve bun y taualtys dy bragh farraghtyn dauesyn ooilley ta coyrt biallys da;

Hebrewnee 6:10

Son cha vel Jee neu‐chairagh, dy jarrood eh ny obbraghyn as y laboraght euish dy ghraih, ta shiu er hoilshaghey er coontey’n ennym echey, ayns dy vel shiu er hirveish er ny nooghyn, as ta foast shirveish [orroo].

1 Peddyr 2:11

Chaarjyn ghraihagh, ta mee guee erriu myr joarreeyn as troailtee dy reayll shiu hene veih sayntyn ny foalley, ta caggey noi yn annym;

2 Peddyr 3:1

Yn nah screeuyn shoh, chaarjyn graihagh, ta mee nish scrieu hiuish; ayndoo ny neesht ta mee greinnaghey ny aignaghyn ynrick eu gys cooinaghtyn:

1 Ean 2:7

Vraaraghyn, cha vel mee scrieu anney erbee noa hiuish, agh shenn anney va eu er‐dyn toshiaght: yn chenn anney yn goo ta shiu er chlashtyn er‐dyn toshiaght.

Jude 1:3

Chaarjyn, tra va mish ayns lane imnea dy scrieu hiuish mychione y taualtys cadjin, ve ymmyrchagh dooys dy scrieu hiu, as dy choyrlaghey shiu dy jeean dy hassoo seose son y chredjue va un cheayrt er ny livrey da ny nooghyn.