Hebrewnee 6:2 - Yn Conaant Noa 1810

² Jeh’n ynsagh mychione bashtey, ny jeh goll fo laueyn, as jeh irree‐seose‐reesht ny merriu, as jeh briwnys dy bragh farraghtyn.

Yn Vible Casherick 1775 1819

² Jeh’n ynsagh mychione bashtey, ny jeh goll fo laueyn, as jeh irree-seose-reesht ny merriu, as jeh briwnys dy bragh farraghtyn.

Hebrewnee 6:2 ပူးပေါင်းရင်းမြစ်များ

Noo Mian 28:19

Immee‐jee er‐y‐fa shen, as ynsee‐jee dy chooilley ashoon, as bashtee‐jee ad ayns ennym yn Ayr, as y Vac, as y Spyrryd Noo:

Noo Mian 3:14

Agh va Ean noi shen, gra, Ta feme aym’s dy ve er my vashtey liort’s, as vel uss, cheet hym’s?

Noo Mark 16:16

Bee eshyn ta credjal as ta bashtit, er ny hauail; agh bee eshyn nagh jean credjal er ny gheyrey.

Noo Mark 7:4

As tra t’ad cheet thie veih’n vargey, cha vel ad gee, derrey t’ad niee. As ta ymmodee dy reddyn elley, t’ad er ghoaill orroo dy reayll, niee cappanyn as siyn crayee, siyn prashey as buird.

Noo Mark 7:8

Son treigeil annaghyn Yee ta shiu freeayll oardaghyn deiney, niee siyn crayee as cappanyn: as ymmodee lheid ny reddyn shen ta shiu dy yannoo.

Noo Luke 11:38

As tra honnick yn Pharisee shoh, ghow eh yindys nagh niee eh [e laueyn] roish jinnair.

Noo Luke 12:50

Agh ta bashtey ayms dy ve er my vashtey lesh, as kys ta mee êginit, derrey vees eh er ny chooilleeney?

Noo Luke 14:14

As bee oo bannit; son cha vod adsyn cooilleeney ’chur dhyt: son bee oo cooilleenit ec irree‐reesht y chloan chairagh.

Noo Luke 3:16

Dreggyr Ean as dooyrt eh roo ooilley, Ta mish dy jarroo bashtey shiu lesh ushtey; agh ta fer s’pooaral na mish cheet, kiangley ny braagyn echey cha vel mee feeu dy eaysley: nee eshyn shiu y vashtey lesh y Spyrryd Noo, as lesh aile.

Noo Ean 1:33

As cha dug mish enney er: agh eshyn ren mish y choyrt dy vashtey lesh ushtey, dooyrt eh shen rhym, Ersyn hee oo yn Spyrryd cheet neose as tannaghtyn er, shen eh ta bashtey lesh y Spyrryd Noo.

Noo Ean 5:29

As hig ad magh; adsyn t’er n’yannoo dy mie, gys irree‐seose‐reesht y vea; as adsyn t’er n’yannoo dy olk, gys irree‐seose‐reesht y choayl‐anmey.

Jannoo 10:47

Vod dooinney erbee ushtey y lhiettal, nagh bee ad shoh er nyn mashtey, ta er gheddyn y Spyrryd Noo, chammah as shinyn?

Jannoo 13:3

As tra v’ad er hrostey as er ghoaill padjer, as er lhie nyn laueyn orroo, hug ad ad ersooyl.

Jannoo 16:15

As tra v’ee hene as lught e thie er nyn mashtey, ghuee ee orrin, gra, My ta shiu er vriwnys mish dy ve firrinagh gys y Chiarn, tar‐jee stiagh gys my hie, as gow‐jee aaght mârym. As cha goghe ee obbal voïn.

Jannoo 16:33

As ghow eh ad yn oor cheddin jeh’n oie, as niee eh ny lhottyn oc; as v’eh hene as ooilley lught e hie er nyn mashtey chelleeragh.

Jannoo 17:18

Eisht hoie shiartanse jeh fir‐ynsee ny Epicureanee as ny Stoickyn er: as dooyrt paart jeu, Cre t’ec yn veealerey shoh dy ghra? Dooyrt feallagh elley, T’eh myr dy baillish goaill er‐dy hoiaghey seose Jeeghyn noa: er‐yn‐oyr dy row eh preacheil daue Yeesey, as yn irree‐seose‐reesht.

Jannoo 2:38

Eisht dooyrt Peddyr roo, Gow‐jee arrys as bee‐jee er nyn mashtey dy chooilley unnane eu ayns ennym Yeesey Creest, son leih peccaghyn, as yiow shiu gioot y Spyrryd Noo.

Jannoo 2:41

Eisht v’adsyn ren dy arryltagh goaill‐rish e ghoo er nyn mashtey: as y laa cheddin haink three thousaneyn dy leih stiagh gys y chredjue Creestee.

Jannoo 23:6

As tra denee Paul dy row yn derrey ayrn jeu nyn Sadduceeyn, as yn ayrn elley nyn Phariseeyn, deïe eh ayns y choonceil, Gheiney as vraaraghyn, ta mish my Pharisee, my vac da Pharisee: son y treishteil as irree‐seose‐reesht ny merriu ta mee er my vriwnys.

Jannoo 24:15

As ta treishteil aym gys Jee, shen t’ad hene myrgeddin dy lowal, dy bee ayn irree‐seose‐reesht jeh ny merriu, chammah jeh cairagh as neu‐chairagh.

Jannoo 24:21

Mannagh row eh son yn un choraa shoh hrog mee, tra hass mee ny mast’ oc, Mychione ïrree‐seose‐reesht ny merriu ta mee jiu er my vriwnys lieriu.

Jannoo 24:25

As myr v’eh resooney mychione cairys, sheeltys, as y vriwnys ry heet, huitt Felix er creau, as dansoor eh, Immee royd son y traa shoh, as cha leah’s yioym caa cooie er y hon, ver‐ym fys ort.

Jannoo 26:8

Cre’n‐fa veagh eh smooinit red an‐chredjuagh lieriuish, Jee dy vioghey ny merriu?

Jannoo 4:2

As ayns jiarg‐chorree roo son dy row ad gynsaghey yn pobble, as preacheil trooid Yeesey yn irree‐seose‐reesht veih ny merriu.

Jannoo 6:6

Ad shoh hoie ad kiongoyrt rish ny ostyllyn: as tra va’d er ghoaill padjer, hug ad nyn laueyn orroo.

Romanee 2:16

Ayns y laa tra nee Jee folliaghtyn gheiney y vriwnys liorish Yeesey Creest, cordail rish y sushtal fo my churrym.

1 Corinthianee 10:2

As v’ad ooilley bashtit gys Moses ayns y vodjal, as ayns yn aarkey;

1 Corinthianee 12:13

Son liorish un Spyrryd ta shin ooilley er nyn mashtey ayns un chorp, edyr shin ve Hewnyn ny Ashoonyn‐quaagh: edyr shin ve kianlt ny seyr: as ta shin ooilley er n’iu ayns yn un Spyrryd.

2 Corinthianee 5:10

Son shegin dooin ooilley shassoo fenish stoyl‐briwnys Chreest, dy vod dy chooilley unnane ve cooilleenit son ny reddyn ta jeant ayns y challin, cordail rish shen ny t’eh er n’yannoo, lhig eh ve mie ny sie.

Philippianee 3:21

Nee caghlaa yn corp marvaanagh ain dy vod eh ve er ny chummey casley rish e chorp gloyroil hene, cordail rish y phooar niartal liorish t’eh abyl dy jarroo dy injillaghey dy chooilley nhee huggey hene.

Colossianee 2:12

Oanluckit mârishyn ayns bashtey, ayn myrgeddin ta shiu er n’irree seose mârish trooid credjue obbragh breeoil Yee, t’er hroggal eh reesht veih ny merriu.

2 Timothy 2:18

Ta er n’gholl er‐shaghryn veih’n irriney, gra, Dy vel yn irree seose‐reesht veih ny merriu hannah harrish; as [liorish shoh] lhaggaghey credjue paart dy leih.

Hebrewnee 11:35

Hooar mraane nyn merriu troggit gys bioys reesht: as feallagh elley v’er nyn dorchaghey, gyn jannoo soiagh jeh livrey‐ys; dy voddagh ad irree‐seose‐reesht share y chosney.

Hebrewnee 9:10

Yn chirveish cheddin va shassoo ny lomarcan ayns bee as jough, as ymmodee oonlaghyn as oardaghyn foalley, kianlt orroo derrey imbagh yn stayd noa.

2 Peddyr 3:7

Agh ta ny niaughyn as yn thalloo t’ayn nish, liorish y goo cheddin freilt ayns stoyr, kiarit son yn aile ry‐hoi laa ny briwnys, as toyrt‐mow deiney mee‐chrauee.