Hebrewnee 6:11 - Yn Conaant Noa 1810

¹¹ As ta shin geearree dy jean dagh unnane eu soilshagey yn imnea cheddin, son y slane shickyrys dy hreishteil gys y jerrey:

Yn Vible Casherick 1775 1819

¹¹ As ta shin geearree dy jean dagh unnane eu soilshaghey yn imnea cheddin, son y slane shickyrys dy hreishteil gys y jerrey:

Hebrewnee 6:11 ပူးပေါင်းရင်းမြစ်များ

Noo Mian 24:13

Agh bee eshyn, nee tannaghtyn firrinagh gys y jerrey, er ny hauail.

Noo Luke 1:1

Son wheesh as dy vel ymmodee er ghoaill ayns laue dy chur coontey cairagh jeh ny reddyn ta dy firrinagh er nyn gredjal nyn mast’ ain.

Romanee 12:8

Ny eshyn ta coyrlaghey, da coyrle; eshyn ta cur da’n voght, lhig da ’yannoo eh lesh feoiltys; eshyn ta reill, lesh imnea; eshyn ta soilshaghey myghin, lesh gennallys.

Romanee 15:13

Nish dy jean y Jee dy hreishteil shiuish y lhieeney lesh dy chooilley voggey as shee ayns credjal, dy vod shiu bishaghey ayns treishteil trooid pooar y Spyrryd Noo.

1 Corinthianee 13:13

As nish ta ayn ny three grayseyn shoh, credjue, treishteil, as graih; agh yn grayse syrjey jeu shoh graih.

1 Corinthianee 15:58

Shen‐y‐fa, my chaarjyn graihagh, shass‐jee shickyr, gyn scughey, dy kinjagh goll er nyn doshiaght ayns obbyr y Chiarn, son wheesh as dy vel fys eu nagh vel y laboraght eu ayns fardail ayns y Chiarn.

Galatianee 5:5

Son ta shinyn trooid y Spyrryd farkiaght son y treishteil dy chairys liorish credjue.

Galatianee 6:9

As ny lhig dooin gaase skee ayns jannoo mie, son ayns imbagh cooie nee mayd buinn, mannagh bee mayd lhiastey.

Philippianee 3:15

Lhig dooinyn er‐y‐fa shen, whilleen as ta dy slane ynsit, ve jeh’n aigney shoh: as my vees shiu ayns nhee erbee jeh aigney elley, nee Jee shoh myrgeddin y hoilshaghey diu.

Colossianee 1:23

My nee shiu tannaghtyn ’sy chredjue gruntit as shickyrit, as gyn ve scughit ersooyl veih treishteil y tushtal, ta shiu er chlashtyn, as v’er ny phreacheil da dy chooilley chretoor fo niau; jeh shen ta mish Paul pointit dy ve my hirveishagh.

Colossianee 1:5

Son y treishteil ta tashtit nyn gour ayns niau, jeh ta shiu roïe er chlashtyn ayns goo firrinys y tushtal;

Colossianee 2:2

Dy vod ny creeaghyn oc ve er nyn gherjaghey, sniemmit cooidjagh ayns graih, as gys dy chooilley verchys as slane shickyrys jeh tushtey, dy ghoaill rish folliaght Yee, dy jarroo yn Ayr, as jeh Creest;

1 Thessalonianee 1:5

Son cha daink y sushtal ainyn hiu ayns goo ny lomarcan, agh myrgeddin ayns pooar, as ayns y Spyrryd Noo, as ayns slane shickyrys, myr ta fys eu kys ren shin gymmyrkey shin hene nyn mast’ eu, er y choontey eu.

1 Thessalonianee 4:10

As dy jarroo ta shiu dy yannoo eh da ooilley ny braaraghyn dy chooilley raad ayns Macedonia: agh ta shin guee erriu, vraaraghyn, dy jean shiu bishaghey ny smoo as ny smoo;

2 Thessalonianee 3:13

Agh shiuish, vraaraghyn, ny bee‐jee liastey ayns jannoo mie.

Hebrewnee 10:22

Lhig dooin tayrn er‐gerrey lesh cree firrinagh, ayns slane shickyrys dy chredjue, liorish nyn greeaghyn v’er nyn ghlenney veih drogh chooinsheanse, as nyn girp er nyn niee lesh ushtey glen.

Hebrewnee 3:14

Son ta cairys ain ayns Creest, my ta shin cummal undin nyn marrantys ersyn shickyr gys y jerrey;

Hebrewnee 3:6

Agh Creest myr Mac harrish e hie hene: yn thie echesyn ta shin, my ta shin cummal shickyr dunnallys as boggey nyn dreishteil gys y jerrey.

1 Peddyr 1:21

Ta liorishyn credjal ayns Jee, hrog eh seose veih ny merriu, as hug da gloyr, dy voddagh nyn gredjue as nyn dreishteil ve ayns Jee.

2 Peddyr 1:10

Shen‐y‐fa, vraaraghyn, bee‐jee ny s’kiaralee dy yannoo yn stayd huggey va shiu er nyn eam as er nyn reih, shickyr: son my nee shiu ny reddyn shoh, cha duitt shiu son dy bragh:

2 Peddyr 3:14

Shen‐y‐fa, chaarjyn, fakin dy vel shiu jerkal rish lheid ny reddyn, bee‐jee imneagh dy bee shiu er nyn gheddyn liorishyn ayns shee, fegooish foill, as gyn loght.

1 Ean 3:14

Ta fys ain dy vel shin caghlaait veih baase gys bea, er‐yn‐oyr dy nhynney lhien ny braaraghyn: eshyn nagh nhynney lesh e vraar, t’eh tannaghtyn ayns baase.

1 Ean 3:19

As liorish shoh ta fys ain er dy vel shin jeh’n irriney, as bee shickyrys ec nyn greeaghyn kiongoyrt rish,

Ashlish 2:26

As eshyn ta geddyn y varriaght, as freayll my obbraghyn gys y jerrey dasyn ver‐ym pooar harrish ny ashoonyn: