Hebrewnee 6:1 - Yn Conaant Noa 1810

¹ Shen‐y‐fa faagail ny chied vanglaneyn jeh ynsagh Chreest, lhig dooin goll er nyn doshiaght gys slane creestiaght, cha nee soiaghey reesht yn undin dy arrys veih obbraghyn marroo, as jeh credjue gys Jee,

Yn Vible Casherick 1775 1819

¹ Shen-y-fa faagail ny chied vanglaneyn jeh ynsagh Chreest, lhig dooin goll er nyn doshiaght gys slane Creestiaght, cha nee soiaghey reesht yn undin dy arrys veih obbraghyn marroo, as jeh credjue gys Jee,

Hebrewnee 6:1 ပူးပေါင်းရင်းမြစ်များ

Noo Mian 21:29

Dreggyr eshyn as dooyrt eh, Cha jem: agh ny lurg shen ghow eh arrys, as hie eh.

Noo Mian 21:32

Son haink Ean hiuish ayns raad y chairys, as cha chred shiu eh: agh chred ny publicanee as ny drogh‐vraane eh. As ga dy vaik shiu shoh, cha ghow shiu arrys ny lurg shen, dy chredjal ayn.

Noo Mian 3:2

As gra, Gow‐jee arrys: son ta reeriaght Yee er‐gerrey.

Noo Mian 4:17

Veih yn traa shen ren Yeesey toshiaght dy phreacheil, as dy ghra, Gow‐jee arrys, son ta reeriaght niau er‐gerrey.

Noo Mian 5:48

Bee‐jee shuish er‐y‐fa shen slane‐ynrick, eer myr ta nyn Ayr t’ayns niau slane‐ynrick.

Noo Mian 7:25

As haink y fliaghey neose, as dhatt ny thooillaghyn, as heid ny geayghyn, as cheau ad er y thie shen: as cha huitt eh, son dy row yn undin echey er creg.

Noo Mark 1:1

Toshiaght sushtal Yeesey Creest, Mac Yee;

Noo Mark 6:12

As hie ad magh, as ren ad preacheil, sleih dy ghoaill arrys.

Noo Luke 6:48

T’eh er ny hoylaghey rish dooinney ren thie y hroggal, as chleiy dy dowin, as hoie yn undin er creg: as tra dhatt yn ushtey, vrish yn thooilley stiagh dy trome er y thie shen, agh cha yiarg eh er y chraa eh; er‐yn‐oyr dy row yn undin echey er creg.

Noo Ean 12:44

Hrog Yeesey seose e choraa as dooyrt eh, Eshyn ta credjal aynym’s, cha nee aynym’s t’eh credjal, agh aynsyn t’er my choyrt.

Noo Ean 14:1

Ny lhig da’n cree eu ve seaghnit: ta shiu credjal ayns Jee, cred‐jee myrgeddin aynym’s.

Noo Ean 5:24

Dy firrinagh firrinagh ta mee gra riu, Eshyn ta clashtyn my ghoo’s, as credjal aynsyn t’er my choyrt, ta’n vea ta dy bragh farraghtyn echey, as cha jig eh gys coayl‐anmey: agh t’eh er gholl veih baase gys bea.

Jannoo 11:18

Tra cheayll ad shoh, v’ad nyn dhost, as hug ad gloyr da Jee, gra, Eisht ta Jee da ny Ashoonee myrgeddin er ghialdyn arrys gys bea.

Jannoo 17:30

As er earishyn y vee‐hushtey oc, cha ghow Jee kerraghey; agh nish t’eh cur sarey da dy chooilley ghooinney er feai ny cruinney arrys y ghoaill:

Jannoo 2:38

Eisht dooyrt Peddyr roo, Gow‐jee arrys as bee‐jee er nyn mashtey dy chooilley unnane eu ayns ennym Yeesey Creest, son leih peccaghyn, as yiow shiu gioot y Spyrryd Noo.

Jannoo 20:21

Gymmyrkey feanish chammah gys ny Hewnyn as myrgeddin gys ny Ashoonee, mychione arrys gys Jee, as credjue gys nyn Jiarn Yeesey Creest.

Jannoo 26:20

Agh hoilshee mee hoshiaght dauesyn v’ayns Damascus, as ec Jerusalem, as trooid ooilley ardjyn Yudea, as eisht da ny Ashoonee, ad dy ghoaill arrys as dy hyndaa gys Jee, as dy chur rish obbraghyn cooie son arrys.

Jannoo 3:19

Gow‐jee arrys er‐y‐fa shen, as chyndaa‐jee, dy vod shiu v’er nyn ghlenney veih nyn beccaghyn, dy vod earishyn yn ooraghey cheet erriu veih fenish y Chiarn,

1 Corinthianee 13:10

Agh tra vees y stayd firrinagh er jeet, eisht bee shen ny ta ayns ayrn ec kione.

1 Corinthianee 2:6

Agh ta shinyn loayrt creenaght nyn mast’ ocsyn ta slane ynsit, ny‐yeih cha nee creenaght y theihll shoh, ny jeh princeyn y theihll ta lheïe ersooyl:

2 Corinthianee 7:1

Fakin eisht dy vel ny gialdynyn shoh ain (my ghraihyn deyr) lhig dooin glenney shin hene veih dy chooilley vroïd jeh’n eill as jeh’n spyrryd, cooilleeney casherickys ayns aggle Yee.

2 Corinthianee 7:10

Son ta trimshey crauee gobbraghey arrys gys saualtys, nagh vel arrys dy v’er ny ghoaill jeh: agh ta trimshey’n theihll gobbraghey baase.

Ephesianee 2:1

As shiuish t’eh er vioghey va marroo ayns loghtyn as peccah.

Ephesianee 2:5

Dy jarroo tra va shin marroo ayns peccaghyn, t’eh er vioghey shin cooidjagh marish Creest (liorish grayse ta shiu er nyn sauail)

Ephesianee 4:12

Son niartaghey ny nooghyn, son oik y chirveish, son coamrey corp Chreest;

Colossianee 1:28

Eshyn ta shinyn dy phreacheil, cur raaue da dy chooilley ghooinney, as gynsaghey dy chooilley ghooinney ayns slane creenaght; dy vod mayd dy chooilley ghooinney y hebbal dy slane casherick ayns Creest Yeesey:

Colossianee 3:14

As erskyn ooilley ny reddyn shoh, cur‐jee erriu graih, ta’n eer kiangley dy oays firrinagh.

Colossianee 4:12

Ta Epaphras, fer j’iu hene, sharvaant Chreest, dy vannaghey diu, dy kinjagh gleck dy jeean er nyn son eu ayns padjeryn, dy vod shiu shassoo dy shickyr as slane fondagh ayns ooilley aigney Yee.

1 Timothy 3:16

As son shickyrys, s’mooar ta’n folliaght dy chraueeaght: va Jee er ny hoilshaghey ’syn eill, er ny heyrey liorish y spyrryd, er ny akin liorish ainleyn, er ny phreacheil gys ny Ashoonee, er ny chredjal ayn ’sy theihll, er ny ghoaill seose ayns gloyr.

1 Timothy 6:19

Coyrt seose ayns stoyr nyn gour oc hene undin mie ry‐hoï yn traa ta ry heet, dy vod ad greme y ghoaill er y vea veayn.

2 Timothy 2:19

Ny‐yeih, ta undin Yee shassoo shickyr, sealit lesh y cowrey shoh, Shione da’n Chiarn e vooinjer hene. As, Lhig da dy chooilley unnane ta genmys ennym Chreest chea veih mee‐chraueeaght.

Hebrewnee 11:6

Agh fegooish credjue te neu‐phossible eshyn y wooiys: son eshyn ta cheet gys Jee, shegin da credjal dy vel Jee ayn, as dy vel eh cooilleeney adsyn ta dy imnea‐agh shirrey huggey.

Hebrewnee 12:13

As jean‐jee raaidyn rea son nyn gassyn, er‐aggle dy bee yn baccagh chyndaït jeh’n raad, agh dy vod eh dy jarroo ve er ny niartaghey.

Hebrewnee 7:11

Dy beagh er‐y‐fa shen slane seyrsnys [veih peccah] fo saggyrtys kynney Levi, (son fo shen hooar y pobble y leigh) cre’n feme sodjey va son saggyrt elley dy irree lheid as va Melchisedec, as dyn eh ve enmyssit saggyrt lheid as va Aaron?

Hebrewnee 9:14

Cre‐woad smoo nee fuill Chreest, ren eh hene y oural gyn foill gys Jee trooid y Spyrryd dy bragh beayn, yn chooinsheanse euish y ghlenney veih obbraghyn marroo dy hirveish y Jee bio?

Jamys 1:4

Agh cur‐jee slane raad da meenid dy yannoo e obbyr hene, dy vod shiu ve slane ynrick, gyn ve ergooyl ayns nhee erbee.

1 Peddyr 1:21

Ta liorishyn credjal ayns Jee, hrog eh seose veih ny merriu, as hug da gloyr, dy voddagh nyn gredjue as nyn dreishteil ve ayns Jee.

1 Peddyr 5:10

Agh dy jean y Jee jeh dy chooilley ghrayse, ta er n’eamagh orrin gys e ghloyr dy bragh farraghtyn liorish Creest Yeesey, lurg diu ve er hurranse tammylt beg, dy jean eh shiu y yannoo dy firrinagh mie, dy jean eh shiu y chummal seose, y niartaghey, as y hickyraghey,

1 Ean 4:12

Cha vel dooinney erbee er vakin Jee ec traa erbee. My ta shin graihagh yn derrey yeh er y jeh elley, ta Jee tannaghtyn aynin, as ta’n ghraih echey dy firrinagh aynin.