Hebrewnee 5:7 - Yn Conaant Noa 1810

⁷ Ayns laghyn e ghooghys‐foalley, tra v’eh er hebbal padjeryn as aghinyn, lesh eam jeean as jeir, huggeysyn va pooaral dy hauail eh veih baase, as v’eh er ny livrey veih shen ny ghow eh aggle [crauee] roish;

Yn Vible Casherick 1775 1819

⁷ Ayns laghyn e ghooghys-foalley, tra v’eh er hebbal padjeryn as aghinyn, lesh eam jeean as jeïr, huggeysyn va pooaral dy hauail eh veih baase, as v’eh er ny livrey veih shen ny ghow eh aggle [crauee] roish;

Hebrewnee 5:7 ပူးပေါင်းရင်းမြစ်များ

Noo Mian 27:46

As mygeayrt yn nuyoo oor, deïe Yeesey lesh ard‐choraa, gra, Eli, Eli, lama sabacthani? ta shen dy ghra, My Yee, My Yee, cre’n‐fa t’ou er my hreigeil?

Noo Mian 27:50

Tra va Yeesey er n’eamagh reesht lesh ard‐choraa, phaart eh.

Noo Mark 15:34

As ec yn nuyoo oor deïe Yeesey lesh ard‐choraa, gra, Eloi, Eloi, lama sabachthani? ta shen dy ghra ’sy ghlare ainyn, My Yee, My Yee, cre’n‐fa t’ou er my hreigeil?

Noo Mark 15:37

As deïe Yeesey lesh ard‐choraa, as ren eh paartail.

Noo Luke 23:46

As tra va Yeesey er n’eamagh lesh ard‐choraa, dooyrt eh Ayr, gys dty laueyn ta mish chymney my spyrryd: as tra v’eh er ghra shoh, phaart eh.

Noo Ean 1:14

As ghow yn Goo er dooghys ny foalley, as ren eh beaghey nyn mast’ ain (as hug shin my‐ner yn ghloyr echey, yn ghloyr myr jeh’n ynrycan Mac er‐ny‐gheddyn jeh’n Ayr) lane dy ghrayse as dy irrinys.

Noo Ean 11:35

Ren Yeesey keayney.

Noo Ean 11:42

As va fys aym dy vel oo rieau dy my chlashtyn: agh er coontey yn phobble ta mygeayrt‐y‐moom dooyrt mee shoh, dy vod ad credjal dy vel oo er my choyrt.

Noo Ean 17:1

Ny goan shoh loayr Yeesey; as hrog eh seose e hooillyn gys niau, as dooyrt eh, Ayr, ta’n oor er jeet; jean dty Vac y ghloyraghey, dy vod dty Vac myrgeddin uss y ghloyraghey.

Romanee 8:3

Son shen nagh voddagh y leigh y yannoo, trooid annooinid ny foalley, ren Jee liorish coyrt e Vac hene, ayns caslys feill peccoil, as son peccah, peccah y gheyrey ayns yn eill:

Galatianee 4:4

Agh tra va’n traa cooie er jeet mygeayrt, ren Jee e Vac y choyrt, ruggit jeh ben, jeant fo’n leigh,

1 Timothy 3:16

As son shickyrys, s’mooar ta’n folliaght dy chraueeaght: va Jee er ny hoilshaghey ’syn eill, er ny heyrey liorish y spyrryd, er ny akin liorish ainleyn, er ny phreacheil gys ny Ashoonee, er ny chredjal ayn ’sy theihll, er ny ghoaill seose ayns gloyr.

Hebrewnee 10:10

Liorish yn aigney cheddin ta shin er nyn gasherickey, liorish yn oural jeh corp Yeesey Creest un cheayrt son ooilley.

Hebrewnee 10:5

Shen‐y‐fa tra t’eh cheet gys y theihll, t’eh gra, Oural as chebbal cha bailt’s, agh corp t’ou er chummey er my hon:

Hebrewnee 11:7

Liorish credjue, Noah, myr va raaue er ny choyrt da liorish Jee mychione reddyn nagh row foast ry‐akin, greinnit lesh aggle, ren eh arg y hroggal dy hauail e lught‐thie: liorish shoh ren eh yn seihll y gheyrey, as haink eh dy ve eirey jeh’n chairys shen ta liorish credjue.

Hebrewnee 12:28

Shen‐y‐fa fakin dy vel shinyn er gheddyn reeriaght nagh vod v’er ny scughey, lhig da grayse ve ain, liorish oddys mayd Jee y hirveish dy booisal, lesh arrym as aggle crauee.

Hebrewnee 13:20

Nish dy jean Jee ny shee hug lesh reesht veih ny merriu nyn Jiarn Yeesey, ard‐vochilley ny geyrragh, trooid fuill y chonaant dy bragh farraghtyn,

Hebrewnee 2:14

Son wheesh eisht dy vel y chloan goaill ayrn jeh feill as fuill, ghow eshyn eh‐hene myrgeddin ayrn jeh lheid cheddin: dy voddagh eh liorish baase eshyn y stroie va pooar y vaaish echey, ta shen, yn jouyl;

1 Ean 4:3

As dy chooilley spyrryd nagh vel goaill‐rish dy vel Yeesey Creest er jeet ayns yn eill, cha vel eh jeh Jee: as shoh spyrryd yn an‐chreestee shen, my‐e‐chione ta shiu er chlashtyn, dy row eh ry hoi cheet, as dy jarroo nish hene t’eh hannah ’sy theihll.

2 Ean 1:7

Son ta ymmodee molteyryn er n’gholl magh fud y theihll, nagh vel goaill‐rish dy vel Yeesey Creest er jeet ayns yn eill. Shoh eh ta ny volteyr, as yn an‐chreestee.