Hebrewnee 5:2 - Yn Conaant Noa 1810

² Oddys chymmey y hoilshaghey er ny mee‐hushtee, as orroosyn t’er n’gholl er‐shaghryn; son dy vel eh hene injillit gys annooinid:

Yn Vible Casherick 1775 1819

² Oddys chymmey y hoilshaghey er ny mee-hushtee, as orroosyn t’er n’gholl er-shaghryn; son dy vel eh-hene injillit gys annooinid:

Hebrewnee 5:2 ပူးပေါင်းရင်းမြစ်များ

Noo Luke 22:32

Agh ta mish er ghuee er dty hon’s, nagh jean dty chredjue failleil; as tra vees oo er jyndaa, niartee dty vraaraghyn.

2 Corinthianee 11:30

My shegin dou boggyssagh, nee’m boggyssagh jeh ny reddyn shen ta bentyn rish my annooinidyn hene.

2 Corinthianee 12:5

Jeh lheid shen nee’m boggyssagh: foast jee’m pene cha jean‐ym boggyssagh, agh ayns my annooinidyn.

Galatianee 4:13

Ta fys eu kys trooid annooinid y challin, ren mee yn sushtal y preacheil hiuish ec y toshiaght.

Ephesianee 4:18

Yn tushtey oc fo dorraghys, nyn yoarreeyn gys bea Yee, kyndagh rish y vee‐hushtey t’ayndoo, trooid creoghys nyn greeaghyn:

1 Timothy 1:13

Mish va roïe loayrt dy olkyssagh [noi Creest], as my hranlaasagh, as eulyssagh. Agh hooar mee myghin, er‐yn‐oyr dy ren mee eh dy neu‐hushtagh, ayns mee‐chredjue:

Hebrewnee 12:13

As jean‐jee raaidyn rea son nyn gassyn, er‐aggle dy bee yn baccagh chyndaït jeh’n raad, agh dy vod eh dy jarroo ve er ny niartaghey.

Hebrewnee 2:17

Shen‐y‐fa ve cooie da er dy chooilley aght dy ve jeant casley rish e vraaraghyn; dy voddagh eh ve ny ard‐saggyrt myghinagh as firrinagh, ayns reddyn bentyn rish Jee, dy yannoo lhiassaghey son peccaghyn yn phobble:

Hebrewnee 2:18

Son myr v’eh hene er ny phrowal liorish surranse, t’eh pooaral dy niartaghey lhieusyn t’er nyn browal [lesh seaghyn.]

Hebrewnee 4:15

Son cha vel ain ard‐saggyrt nagh vel ennaghtyn chymmoil echey jeh nyn annooinidyn; agh v’eh er dy chooilley aght er ny phrowal lesh seaghyn myr ta shin hene, foast fegooish peccah.

Hebrewnee 7:28

Son ta’n leigh, jannoo ard‐saggyrtyn jeh deiney giare‐heihllagh; agh ta’n goo dy vreearrey va er‐dyn leigh, jannoo yn Mac [ny ard‐saggyrt] ta er ny chasherickey son dy bragh.

Hebrewnee 9:7

Agh stiagh ayns yn nah ayrn hie yn ard‐saggyrt ny lomarcan keayrt ’sy vlein, cha nee fegooish fuill, ren eh chebbal er e hon hene, as son shaghrynys y phobble.

Jamys 5:19

Vraaraghyn, my ta unnane erbee eu goll er‐shaghryn veih’n irriney, as fer dy hyndaa eh;

1 Peddyr 2:25

Son va shiu myr kirree goll er‐shaghryn; agh ta shiu nish er jyndaa reesht gys Bochilley as Aspick nyn anmeenyn.