Hebrewnee 5:13 - Yn Conaant Noa 1810

¹³ Son ta dagh unnane ta cliaghtey er bainney, neu‐ynsit ayns y ghoo dy ynrickys: son oikan eh.

Yn Vible Casherick 1775 1819

¹³ Son ta dagh unnane ta cliaghtey er bainney, neu-ynsit ayns y ghoo dy ynrickys: son oikan eh.

Hebrewnee 5:13 ပူးပေါင်းရင်းမြစ်များ

Noo Mian 11:25

Ec y traa shen dreggyr Yeesey as dooyrt eh, Ta mee cur booise dhyt, O Ayr, Hiarn niau as thalloo, er‐yn oyr dy vel oo er cheiltyn ny reddyn shoh vouesyn ta creeney as tushtagh, as dy vel oo er hoilshaghey ad da oikanyn.

Noo Mark 10:15

Dy firrinagh ta mee gra riu, Quoi‐erbee nagh jean goaill reeriaght Yee myr lhiannoo beg, cha jed eh stiagh ayn.

Romanee 2:20

Coyrleyder yn vooinjer vee‐hushtagh, fer‐ynsee oikanyn, ayd ta cummey jeh’n tushtey as y firrinys t’ayns y leigh.

1 Corinthianee 13:11

Tra va mee my lhiannoo, loayr mee myr lhiannoo, hoig mee myr lhiannoo, smooinee mee myr lhiannoo: agh tra haink mee dy ve my ghooinney, hug mee reddyn lambanagh dy lhiattee.

1 Corinthianee 14:20

Vraaraghyn, ny bee‐jee nyn gloan ayns tushtey: ny‐yeih ayns olkys bee‐jee myr cloan, agh ayns toiggal bee‐jee deiney.

1 Corinthianee 3:1

As er my hon’s, vraaraghyn, cha voddym loayrt riuish myr rish sleih spyrrydoil, agh myr roosyn ta fo reill ny foalley, dy jarroo myr rish oikanyn ayns Creest.

2 Corinthianee 3:9

Son my va shirveish yn deyrey gloyroil, foddey smoo ta’n chirveish dy ynrickys er‐e‐skyn ayns gloyr.

Ephesianee 4:14

Nagh bee mayd maghey shoh nyn gloan lheaystey noon as noal, as eiyrit mygeayrt lesh dy chooilley gheay dy ynsagh, liorish kialgyn deiney, as ny croutyn cliucagh, lhieu t’ad lhie cooyl‐chlea er‐chee dy volley:

2 Timothy 3:16

Ta ooilley’n scriptyr er ny choyrt liorish bree Spyrryd casherick Yee, as te vondeishagh son ynsagh, son oghsan, son lhiasaghey‐bea, son tushtey ayns ynrickys:

1 Peddyr 2:2

Myr oikanyn noa‐ruggit yeearree‐jee bainney spyrrydoil y ghoo, dy vod shiu gaase liorish:

2 Ean 1:11

Son eshyn ta goltaghey da, t’eh paarteeas mârish ayns e ghrogh‐yannoo.