Hebrewnee 5:12 - Yn Conaant Noa 1810

¹² Fakin son y traa lhisagh shiu ve fir‐ynsee, ta shin hene feme fer dy ynsaghey diu reesht cre ta ny chied banglaneyn jeh leigh Yee; as ta shiu lheid as ta feme bainney, as cha nee bee lajer.

Yn Vible Casherick 1775 1819

¹² Fakin son y traa lhisagh shiu ve fir-ynsee, ta shin hene feme fer dy ynsaghey diu reesht cre ta ny chied banglaneyn jeh leigh Yee; as ta shiu lheid as ta feme bainney, as cha nee bee lajer.

Hebrewnee 5:12 ပူးပေါင်းရင်းမြစ်များ

Noo Mian 17:17

Dansoor Yeesey as dooryt eh, O heeloghe vee‐chredjuagh as roonagh, caïd ta mish dy ve mêriu? caïd ta mee dy hurranse diu? cur lhiat eh hym’s ayns shoh.

Noo Mark 9:19

Dreggyr eshyn as dooyrt eh, O heeloghe vee‐chredjuagh, caïd ta mish dy ve mêriu? caïd ta mee dy hurranse diu? cur lhiat eh hym’s.

Jannoo 7:38

Shoh eh va harrish yn agglish ayns yn aasagh, marish yn ainle loayr rish er cronk Sina, as rish ny ayraghyn ain: eh hooar goan ny bea dy choyrt ad dooinyn.

Romanee 3:2

Mooarane er dy chooilley aght: hoshiaght, son dy nee dauesyn v’er ny livrey goo Yee.

1 Corinthianee 14:19

Ny‐yeih ’sy cheeill baare lhiam queig focklyn y loayrt dy v’er my hoiggal, dy voddin feallagh elley myrgeddin y ynsaghey, na jeih thousaneyn dy ocklyn ayns chengey yoarree.

1 Corinthianee 14:20

Vraaraghyn, ny bee‐jee nyn gloan ayns tushtey: ny‐yeih ayns olkys bee‐jee myr cloan, agh ayns toiggal bee‐jee deiney.

Galatianee 4:3

Er yn aght cheddin, tra va shin nyn gloan, va shin ayns bondiaght fo oardaghyn y theihll:

Philippianee 3:1

Ny sodjey, my vraaraghyn, gow‐jee boggey ayns y Chiarn. Dy scrieu ny reddyn cheddin hiuish, cha vel eh deinagh dooys, agh diuish te vondeishagh.

Colossianee 3:16

Lhig da goo Chreest tannaghtyn ayndiu dy palchey ayns dy chooilley chreenaght; gynsaghey as coyrlaghey yn derrey yeh yn jeh elley ayns psalmyn, as arraneyn moyllee as spyrrydoil, goaill arrane lesh grayse ayns nyn greeaghyn gys y Chiarn.

Hebrewnee 10:32

Agh cooinee‐jee er ny laghyn t’er n’gholl shaghey, ayndoo tra haink shiu gys soilsheyn’n tushtal, chum shiu rish dy dunnal fo’n laad trome dy heaghyn.

Hebrewnee 5:11

My‐e‐chione ta ymmodee reddyn ain dy ghra, as doillee dy choyrt bun orroo; fakin dy vel shiu moal ayns clashtyn.

Hebrewnee 5:13

Son ta dagh unnane ta cliaghtey er bainney, neu‐ynsit ayns y ghoo dy ynrickys: son oikan eh.

Hebrewnee 6:1

Shen‐y‐fa faagail ny chied vanglaneyn jeh ynsagh Chreest, lhig dooin goll er nyn doshiaght gys slane creestiaght, cha nee soiaghey reesht yn undin dy arrys veih obbraghyn marroo, as jeh credjue gys Jee,

1 Peddyr 2:2

Myr oikanyn noa‐ruggit yeearree‐jee bainney spyrrydoil y ghoo, dy vod shiu gaase liorish:

1 Peddyr 4:11

My ta dooinney erbee loayrt, lhig da loayrt cordail rish goo Yee; my ta dooinney erbee shirveish, lhig da shen y yannoo cordail rish y phooar ta Jee dy choyrt da: dy vod Jee ayns dy chooilley nhee ve er ny ghloyraghey, trooid Yeesey Creest; dasyn dy row moylley as reill son dy bragh dy bragh. Amen.