Hebrewnee 5:1 - Yn Conaant Noa 1810

¹ Son ta dy chooilley ard‐saggyrt reiht veih mastey deiney, er ny oardaghey son [vondeish] deiney ayns reddyn bentyn rish Jee, dy vod eh chammah giootyn as ourallyn y hebbal son peccaghyn:

Yn Vible Casherick 1775 1819

¹ Son ta dy chooilley ard-saggyrt reiht veih mastey deiney, er ny oardaghey son [vondeish] deiney ayns reddyn bentyn rish Jee, dy vod eh chammah giootyn as ourallyn y hebbal son peccaghyn:

Hebrewnee 5:1 ပူးပေါင်းရင်းမြစ်များ

Romanee 15:17

Ta aym er‐y‐fa shen oyr dy ve boggyssagh trooid Yeesey Creest, ayns ny reddyn shen ta bentyn rish Jee.

1 Corinthianee 15:3

Son livrey mee diu hoshiaght ooilley, shen ny hooar mee hene myrgeddin, kys dy dooar Creest baase son nyn beccaghyn cordail rish ny scriptyryn:

Hebrewnee 10:11

As ta dy chooilley haggyrt shassoo dagh laa shirveish, as chebbal dy mennick ny ourallyn cheddin, nagh vod dy bragh peccaghyn y ghoaill ersooyl:

Hebrewnee 10:12

Agh ta’n dooinney shoh, erreish da ve er hebbal un oural son peccaghyn, son dy bragh er hoie sheese ec laue yesh Yee;

Hebrewnee 11:4

Liorish chredjue ren Abel chebbal gys Jee oural s’ooasle na Cain, liorish hooar eh feanish, dy row eh cairagh, Jee soiaghey jeh e ghiootyn: as liorish shoh ga dy vel eh marroo, t’eh foast loayrt.

Hebrewnee 2:17

Shen‐y‐fa ve cooie da er dy chooilley aght dy ve jeant casley rish e vraaraghyn; dy voddagh eh ve ny ard‐saggyrt myghinagh as firrinagh, ayns reddyn bentyn rish Jee, dy yannoo lhiassaghey son peccaghyn yn phobble:

Hebrewnee 7:27

Echey nagh vel feme gagh‐laa, myr t’ec ny ard‐saggyrtyn shen, dy hebbal oural, hoshiaght son e pheccaghyn hene, as eisht son peccaghyn y phobble: son shoh ren eh un cheayrt, tra heb eh seose eh hene.

Hebrewnee 8:3

Son ta dy chooilley ard‐saggyrt er ny oardaghey dy hebbal giootyn as ourallyn: shen‐y‐fa ve ymmyrchagh dy beagh red ennagh ec y dooinney shoh myrgeddin dy hebbal.

Hebrewnee 8:4

Son dy beagh eh er hannaghtyn er y thalloo, cha voddagh eh ve ny haggyrt, fakin dy vel saggyrtyn ayn ta chebbal giootyn cordail rish y leigh:

Hebrewnee 9:9

Va shoh cowrey son y traa shen, ayn v’er ny hebbal chammah giootyn as ourallyn, nagh voddagh eshyn ren y chirveish y heyrey, myr bentyn rish y chooinsheanse.