Hebrewnee 4:15 - Yn Conaant Noa 1810

¹⁵ Son cha vel ain ard‐saggyrt nagh vel ennaghtyn chymmoil echey jeh nyn annooinidyn; agh v’eh er dy chooilley aght er ny phrowal lesh seaghyn myr ta shin hene, foast fegooish peccah.

Yn Vible Casherick 1775 1819

¹⁵ Son cha vel ain ard-saggyrt nagh vel ennaghtyn chymmoil echey jeh nyn annooinidyn; agh v’eh er dy chooilley aght er ny phrowal lesh seaghyn myr ta shin hene, foast fegooish peccah.

Hebrewnee 4:15 ပူးပေါင်းရင်းမြစ်များ

2 Corinthianee 5:21

Son hug eh ersyn va seyr veih peccah, dy ve oural er nyn son; dy voddagh shinyn v’er nyn seyrey liorish Jee aynsyn.

1 Ean 3:5

As ta fys eu dy row eshyn er ny hoilshaghey dy ghoaill ersooyl nyn beccaghyn; as aynsyn cha vel veg y pheccah.

1 Peddyr 2:22

Eh nagh ren peccah, chamoo va molteyraght er ny gheddyn ayns e veeal:

Hebrewnee 7:26

Son va lheid yn ard‐saggyrt shoh cooie er nyn son, ta casherick, gyn loght, glen, scarrit voish peccee, as jeant ny syrjey na ny niaughyn;

Hebrewnee 4:14

Fakin dy vel ain eisht ard‐saggyrt ooasle, t’er n’gholl stiagh ayns ny niaughyn, Yeesey Mac Yee, lhig dooin cummal shickyr nyn gredjue.

Hebrewnee 5:2

Oddys chymmey y hoilshaghey er ny mee‐hushtee, as orroosyn t’er n’gholl er‐shaghryn; son dy vel eh hene injillit gys annooinid:

Noo Ean 8:46

Quoi jiuish ta cur peccah my lieh? as my ta mee gra yn irriney, cre’n‐fa nagh vel shiu dy my chredjal?

Noo Luke 22:28

She shiuish t’er hannaghtyn, mârym ayns my heaghyn.

Noo Luke 4:2

As v’eh da‐eed laa er ny violaghey liorish y drogh‐spyrryd, as ayns ny laghyn shen, cha d’ee eh veg; as tra v’ad harrish, v’eh ny lurg shen accryssagh.

Noo Mian 12:20

Cuirtlagh vroojit cha jean eh y vrishey, as y bite giare‐cheaut cha der eh ass, derrey ver eh magh briwnys ayns barriaght.

Noo Mian 4:1

Eisht va Yeesey er ny leeideil liorish Spyrryd Yee gys yn aasagh, dy v’er ny violaghey liorish y drogh‐spyrryd.

Romanee 8:3

Son shen nagh voddagh y leigh y yannoo, trooid annooinid ny foalley, ren Jee liorish coyrt e Vac hene, ayns caslys feill peccoil, as son peccah, peccah y gheyrey ayns yn eill:

Hebrewnee 9:28

Myr shen va Creest un cheayrt er ny hebbal dy ymmyrkey peccaghyn ymmodee; as dauesyn ta jeeaghyn er e hon, nee eh soilshaghey eh hene yn nah cheayrt fegooish peccah gys saualtys.