Hebrewnee 3:6 - Yn Conaant Noa 1810

⁶ Agh Creest myr Mac harrish e hie hene: yn thie echesyn ta shin, my ta shin cummal shickyr dunnallys as boggey nyn dreishteil gys y jerrey.

Yn Vible Casherick 1775 1819

⁶ Agh Creest myr Mac harrish e hie hene: yn thie echeysyn ta shin, my ta shin cummal shickyr y dunnallys as boggey nyn dreishteil gys y jerrey.

Hebrewnee 3:6 ပူးပေါင်းရင်းမြစ်များ

Noo Mian 10:22

As ver yn ymmodee feoh diu er coontey yn ennym aym’s: agh eshyn nee shassoo magh gys y jerrey, bee eh er ny hauail.

Noo Mian 16:18

As ta mee myrgeddin gra, rhyt, Dy nee uss Peddyr as dy nee er y chreg shoh trog‐ym’s my agglish: as cha vow giattyn niurin yn varriaght urree.

Noo Mian 24:13

Agh bee eshyn, nee tannaghtyn firrinagh gys y jerrey, er ny hauail.

Romanee 11:22

Cur‐my‐ner er‐y‐fa shen mieys as briwnys gyere Yee: orroosyn ren tuittym briwnys gyere; agh ort’s, mieys, my t’ou tannaghtyn ayns e vieys: er aght elley bee uss myrgeddin giarit jeh.

Romanee 12:12

Gennal ayns treishteil; surransagh ayns seaghyn; tannaghtyn kinjagh ayns padjer:

Romanee 15:13

Nish dy jean y Jee dy hreishteil shiuish y lhieeney lesh dy chooilley voggey as shee ayns credjal, dy vod shiu bishaghey ayns treishteil trooid pooar y Spyrryd Noo.

Romanee 5:2

Liorishyn myrgeddin ta shin goit stiagh liorish credjue gys y ghrayse shoh ayn ta shin shassoo, as ta shin goaill boggey ayns treishteil dy ghloyr Yee.

1 Corinthianee 3:16

Nagh vel fys eu dy nee shiuish chiamble Yee, as dy vel Spyrryd Yee baghey ayndiu?

1 Corinthianee 6:19

Cre, nagh vel fys eu dy vel y corp eu chiamble y Spyrryd Noo ta ayndiu, ta eu veih Jee, as cha vel shiu lhieu hene?

2 Corinthianee 6:16

As cre’n chaarjys t’ec chiamble Yee rish jallooyn? son ta shiuish chiamble yn Jee bio; myr ta Jee er ghra, Neem’s beaghey ayndoo, as gimmeeaght mâroo; as beem’s yn Jee ocsyn, as bee adsyn yn pobble aym’s.

Galatianee 6:10

Myr ta caa ain er‐y‐fa shen, lhig dooin mie ’yannoo da dy chooilley ghooinney, er‐lheh dauesyn ta jeh lught‐thie’n chredjue.

Galatianee 6:9

As ny lhig dooin gaase skee ayns jannoo mie, son ayns imbagh cooie nee mayd buinn, mannagh bee mayd lhiastey.

Ephesianee 3:12

Ny hrooid ta daanys ain as kied dy hayrn er‐gerrey da lesh shickyrys liorish y chredjue t’ain aynsyn.

Colossianee 1:23

My nee shiu tannaghtyn ’sy chredjue gruntit as shickyrit, as gyn ve scughit ersooyl veih treishteil y tushtal, ta shiu er chlashtyn, as v’er ny phreacheil da dy chooilley chretoor fo niau; jeh shen ta mish Paul pointit dy ve my hirveishagh.

1 Thessalonianee 5:16

Gow‐jee dy bragh boggey.

2 Thessalonianee 2:16

Nish dy jean y Chiarn Yeesey Creest hene, as Jee dy jarroo nyn Ayr, t’er ny ve graihagh orrin, as er choyrt dooin gerjagh dy bragh farraghtyn, as treishteil mie, trooid grayse,

1 Timothy 3:15

Agh my uirr‐ym foddey, dy vod fys ve ayd kys lhisagh uss oo hene y ymmyrkey ayns thie Yee, ta agglish yn Jee bio, yn pillar as undin yn irriney.

Hebrewnee 1:2

T’eh ayns ny laghyn s’jerree shoh er loayrt rooin liorish e Vac, eh t’eh er phonteil ny eirey er dy chooilley nhee, liorish myrgeddin chroo eh ny seihllyn.

Hebrewnee 10:19

Fakin er‐y‐fa shen, my chaarjyn, dy vel ain reamys dy gholl stiagh gys yn ynnyd smoo casherick liorish fuill Yeesey.

Hebrewnee 10:21

As dy vel ain ard‐saggyrt harrish lught thie Yee;

Hebrewnee 10:23

Lhig dooin cummal shickyr goaill rish nyn gredjue fegooish scughey; (son t’eshyn firrinagh ta er ghialdyn:)

Hebrewnee 10:35

Ny lhig‐jee veue, er‐y‐fa shen, yn dunnallys eu, ny gour ta leagh mooar dy chooilleeney.

Hebrewnee 11:1

Nish ta credjue slane bree ny reddyn ta shin treishteil dy gheddyn, shickyrys reddyn nagh vel [foast] ry akin.

Hebrewnee 3:14

Son ta cairys ain ayns Creest, my ta shin cummal undin nyn marrantys ersyn shickyr gys y jerrey;

Hebrewnee 4:11

Lhig dooinyn er‐y‐fa shen streeu dy gholl stiagh ayns y fea shen er‐aggle dy duitt dooinney erbee lurg y sampleyr cheddin dy vee‐viallys.

Hebrewnee 4:14

Fakin dy vel ain eisht ard‐saggyrt ooasle, t’er n’gholl stiagh ayns ny niaughyn, Yeesey Mac Yee, lhig dooin cummal shickyr nyn gredjue.

Hebrewnee 4:16

Lhig dooin er‐y‐fa shen cheet lesh dunnallys gys stoyl‐reeoil e ghrayse; dy vod mayd myghin y chosney, as grayse y gheddyn dy chooney lhien ayns traa feme.

Hebrewnee 6:11

As ta shin geearree dy jean dagh unnane eu soilshagey yn imnea cheddin, son y slane shickyrys dy hreishteil gys y jerrey:

Hebrewnee 6:18

Liorish daa red gyn‐caghlaa, ayndoo ve neu‐phossible da Jee dy volley, dy voddagh gerjagh niartal ’ve ainyn, ta er roie son kymmyrk dy ghoaill greme er y treishteil soit kiongoyrt rooin:

Hebrewnee 7:19

Son cha ren y leigh nhee erbee slane ynrick, agh ve fosley raad gys treishteil share; liorish ta shin tayrn er‐gerrey gys Jee.

1 Peddyr 1:8

Ersyn ta shiu graihagh, ga nagh vel shiu er vakin eh; ayn, ga nagh vel shiu nish fakin eh, ny‐yeih credjal, ta shiu goaill boggey lesh boggey erskyn insh, as lane dy ghloyr:

1 Peddyr 2:5

Ta shiuish myrgeddin myr claghyn bioal, er nyn droggal seose ny hie spyrrydoil, ny haggyrtys casherick dy hebbal seose ourallyn spyrrydoil, booisal gys Jee liorish Yeesey Creest.

1 Peddyr 4:17

Son ta’n traa tayrn er‐gerrey dy vel briwnys dy ghoaill toshiaght ec thie Yee: as my she orrinyn hig eh hoshiaght, cre’n erree hig orroosyn nagh vel cur biallys da sushtal Yee?

Ashlish 2:18

As gys ainle agglish Thyatira, scrieu, Ny reddyn shoh ta Mac Yee dy ghra, ny sooillyn echey ta myr lossey dy aile, as e chassyn goll rish prash sollys;

Ashlish 2:25

Agh cum‐jee shickyr shen ny t’eu hannah, derrey hig‐ym.

Ashlish 2:26

As eshyn ta geddyn y varriaght, as freayll my obbraghyn gys y jerrey dasyn ver‐ym pooar harrish ny ashoonyn:

Ashlish 3:11

Cur‐my‐ner, ta mee cheet dy tappee: cum shickyr ny t’ayd, son nagh gow dooinney erbee dty attey voïd.