Hebrewnee 3:14 - Yn Conaant Noa 1810

¹⁴ Son ta cairys ain ayns Creest, my ta shin cummal undin nyn marrantys ersyn shickyr gys y jerrey;

Yn Vible Casherick 1775 1819

¹⁴ Son ta cairys ain ayns Creest, my ta shin cummal undin nyn marrantys ersyn shickyr gys y jerrey;

Hebrewnee 3:14 ပူးပေါင်းရင်းမြစ်များ

Romanee 11:17

As my ta paart jeh ny banglaneyn brisht jeh, as uss veih billey‐olive ny keylley, soit stiagh ny vud oc, as goaill ayrn mâroosyn jeh’n fraue as soo yn villey‐olive;

Romanee 11:22

Cur‐my‐ner er‐y‐fa shen mieys as briwnys gyere Yee: orroosyn ren tuittym briwnys gyere; agh ort’s, mieys, my t’ou tannaghtyn ayns e vieys: er aght elley bee uss myrgeddin giarit jeh.

1 Corinthianee 1:30

Agh jehsyn ta shiuish ayns Creest Yeesey eshyn ta liorish Jee er ny yannoo dooinyn creenaght, as cairys, as casherickys, as livrey‐ys:

1 Corinthianee 10:17

Son ta shinyn, ga ymmodee, un arran, as un chorp: son ta shin ooilley goaill ayrn jeh’n un arran shen.

1 Corinthianee 9:23

As shoh ta mee jannoo er graih yn tushtal, dy voddin mêriu goaill ayrn jeh’n leagh ta ayns shen giallit.

Ephesianee 3:6

Dy row ny Ashoonyn‐quaagh dy ve co‐eiraghyn, as jeh’n un chorp, as dy ghoaill ayrn cooidjagh jeh e ghialdyn ayns Creest, liorish y sushtal:

1 Timothy 6:2

As adsyn ta mainshteryn creestee oc, ny lhig daue soiaghey beg jeu, er‐yn‐oyr dy nee braaraghyn ad: agh lhig daue shirveish ad ny s’arryltee, son dy vel ad jeh’n [un] chredjue, as ayns graih [Yee], goaill ayrn cooidjagh jeh’n bannaght. Ny reddyn shoh ynsee as coyrlee.

Hebrewnee 11:1

Nish ta credjue slane bree ny reddyn ta shin treishteil dy gheddyn, shickyrys reddyn nagh vel [foast] ry akin.

Hebrewnee 12:10

Son ren adsyn dy feer son earish ghiare shin y smaghtaghey, myr honnick ad eh ymmyrchagh; agh eshyn son foays dooin, dy voddagh shin ve goaill ayrn jeh’n chasherickys echey.

Hebrewnee 3:1

Shen‐y‐fa, vraaraghyn chrauee, paarteeassyn ’syn eam flaunyssagh, cur‐jee tastey mie da Yeesey Creest, ostyl as ard‐saggyrt nyn gredjue:

Hebrewnee 3:6

Agh Creest myr Mac harrish e hie hene: yn thie echesyn ta shin, my ta shin cummal shickyr dunnallys as boggey nyn dreishteil gys y jerrey.

Hebrewnee 6:11

As ta shin geearree dy jean dagh unnane eu soilshagey yn imnea cheddin, son y slane shickyrys dy hreishteil gys y jerrey:

Hebrewnee 6:4

Son te erskyn towse doillee dauesyn va un cheayrt er nyn soilshaghey, as t’er vlashtyn yn gioot flaunyssagh, as va goaill ayrn jeh’n Spyrryd Noo,

1 Peddyr 4:13

Agh gow‐jee boggey, ayns wheesh as dy vel shiu goaill ayrn jeh surranseyn Chreest; tra vees y ghloyr echeysyn er ny hoilshageey, dy vod shiuish ve gennal myrgeddin lesh boggey erskyn earroo.

1 Peddyr 5:1

Ny shanstyryn ta ny mast’ eu ta mee coyrlaghey, ta mee hene myrgeddin my hanstyr, as feanish jeh surranseyn Chreest, as myrgeddin parteeas jeh’n ghloyr vees er ny hoilshaghey:

1 Ean 1:3

Shen ny ta shin er vakin as er chlashtyn, ta shin dy hoilshaghey diuish, dy vod shiuish myrgeddin ayrn y ghoaill mârin: as dy jarroo ta’n chommeeys ain marish yn Ayr, as marish e Vac Yeesey Creest.