Hebrewnee 3:12 - Yn Conaant Noa 1810

¹² Cur‐jee twoaie, vraaraghyn, nagh bee ayns veg eu drogh chree dy vee‐chredjue, ayns treigeil y Jee bio.

Yn Vible Casherick 1775 1819

¹² Cur-jee twoaie, vraaraghyn, nagh bee ayns veg eu drogh chree dy vee-chredjue, ayns treigeil y Jee bio.

Hebrewnee 3:12 ပူးပေါင်းရင်းမြစ်များ

Noo Mian 16:16

Dreggyr Simon Peddyr, as dooyrt eh, Uss yn Creest, Mac y Jee bio.

Noo Mian 24:4

As dreggyr Yeesey as dooyrt eh roo, Cur‐jee twoaie nagh moll dooinney erbee shiu.

Noo Mark 13:23

Agh gow‐jee tastey: cur‐jee my‐ner, ta mish er n’insh diu dy choilley nhee ro‐laue.

Noo Mark 13:33

Gow‐jee tastey, bee‐jee er nyn dwoaie as gow‐jee padjer: son cha nione diu cuin ta’n traa.

Noo Mark 13:9

Agh jeeagh‐jee shiuish diu hene: son livreyee ad shiu seose gys coonceilyn; as ayns ny quaiyllyn vees shiu er nyn mwoalley, as ver ad lhieu shiu kiongoyrt rish fir‐reill as reeaghyn er choontey aym’s, dy ve son feanishyn jeem’s.

Noo Luke 21:8

As dooyrt eh, Cur‐jee twoaie nagh bee shiu er nyn molley: son hig ymmodee ayns m’ennym’s, gra, Mish Creest; as ta’n traa tayrn er‐gerrey: ny gow‐jee shiuish er‐y‐fa shen geiyrt orroo.

Romanee 11:21

Son mannagh ren Jee sparail ny banglaneyn dooghyssagh, bee er dty hwoaie er‐aggle myrgeddin nagh lhig eh lhiat’s.

1 Corinthianee 10:12

Shen‐y‐fa lhig dasyn ta smooinaghtyn dy vel eh ny hassoo, kiarail y ghoaill nagh duitt eh.

Colossianee 2:8

Bee‐jee er nyn dwoaie nagh gow dooinney erbee vondeish erriu trooid ynsagh foalsey as molteyraght, lurg cliaghtaghyn deiney, lurg ynsagh annoon y theill, as cha nee lurg Creest:

1 Thessalonianee 1:9

Son t’ad hene soilshaghey mychione ain, kys ghow shiu rooin tra haink shin hoshiaght ny mast’ eu, as kys hyndaa shiu gys Jee veih jallooyn, dy hirveish y Jee bio as firrinagh.

Hebrewnee 10:31

Te red agglagh dy huittym ayns laueyn y Jee bio.

Hebrewnee 10:38

Son bee’n dooinney cairagh er ny hauail liorish credjue: agh my ver dooinney erbee cooyl gys y chredjue, cha gow m’annym veg y taitnys ayn.

Hebrewnee 12:15

Jeeaghyn dy imneagh, nagh duitt dooinney erbee giare jeh grayse Yee; er‐aggle dy jean fraue erbee dy herriuid gaase seose, shiu y voirrey, as ymmodee liorish shen er nyn byshooney:

Hebrewnee 12:22

Agh ta shiuish er jeet gys cronk Sion, as gys ard‐valley yn Jee bio, yn Jerusalem flaunyssagh, as gys sheshaght erskyn earroo dy ainleyn,

Hebrewnee 12:25

Jeeagh‐jee nagh der shiu cooyl rishyn ta loayrt: son mannagh ren adsyn scapail hug cooyl rishyn ren loayrt er y thalloo, foddey smoo cha jig eh lhienyn my hyndaa‐ys mayd ersooyl voishyn ta loayrt veih niau:

Hebrewnee 3:1

Shen‐y‐fa, vraaraghyn chrauee, paarteeassyn ’syn eam flaunyssagh, cur‐jee tastey mie da Yeesey Creest, ostyl as ard‐saggyrt nyn gredjue:

Hebrewnee 3:10

Shen‐y‐fa va mee corree rish y cheeloghe shoh, as dooyrt mee, T’ad dy kinjagh goll er‐shaghryn ayns nyn gree; as cha vel enney er ve oc er my raaidyn.

Hebrewnee 3:19

Myr shen hee mayd nagh voddagh ad goll stiagh kyndagh rish mee‐chredjue.

Hebrewnee 9:14

Cre‐woad smoo nee fuill Chreest, ren eh hene y oural gyn foill gys Jee trooid y Spyrryd dy bragh beayn, yn chooinsheanse euish y ghlenney veih obbraghyn marroo dy hirveish y Jee bio?